Lʉkas 22:5 - Kálar Nzyɛ̌m : Ejwán é Sáá

⁵ Nó ó bé á nze bu soho. Bé ntɔ̂ʼ di twíí ó, bé ójána nyê, dwe nyé mɔnɨ́.

Kálara Zyɛ̌m Edwán é mpʉ̌n

⁵ No ó bé a ze bul soho. Bé ntɔʼ di twii ó, bé ójɛna nye syɛɛla yaa, dwe nye mɔn.

Lʉkas 22:5 Iomraidhean Croise

Lʉkas 22:4

Yʉ́das ntɔ̂ʼ tô, tó bee ójwɨ́ɨ o mpáh Nzyɛ̌m, le ojwɨ́ɨ bé ódwéela o mpáh Nzyɛ̌m. Bé e boo nɔ́ɔ́ nzě tó sáa pɨ̂ʼ ɨ́ lɔ̌b wé ó, nye bɛ́maa bé Yésʉs.

Lʉkas 22:6

Yʉ́das ntémé ntɔ̂ʼ kam, nzě tô le esáǎ mpǎŋ jɔʼ ébɛ́ma bé Yésʉs, ebě, nye á kpɛl ó, nye bɛ́maa bé nyǎ, minzɨnzɨ mi bʉ̂r óYúden agʉ́a.

Mɨlʉmlʉ 1:18

(Náǎ yé ó, ɨ́ mɔnɨ́ Yʉ́das waá á bi tâŋ myɛ́na duho ɨ́ bɨ́blǎ syɛ́ɛla yé yɨ́, nye á be ó sí tó bwâm pemé. Ɨ́ pemé gwár yaá, nye nzě jéʼe éduma sí mbûmbǔr, mo wé ntɔ̂ʼ bʉ̂l, bisá bí mo bíbyɛ̂h kʉ̌l e kʉ̌l ɨ́ lwɨ́ʼlɨ́ lwɨ́ʼlɨ́ sí e sí.

Mɨlʉmlʉ 8:20

Pétrus nyɨɛ nzě kǎ lɛ́ɛ e né ó: «Bɨ̌n e mɔnɨ́ yô bɨ́bɛ̂h dímɨɨ ɨ́ jɔʼ gwár, ebě, go sí bánǎ jwɨʼ ó, ndwéá mé Nzyɛ̌m, wé sá ó bwámɔɔ e mɔnɨ́.

2 Pyɛr 2:15

Bé á si líʼe tîtyěl nzɨ̌, nzě dyɛ̂l ɨ́ nzɨ̌ swîh, ntɔ̂ʼ dîm lɨ́ edû nzɨ́ mé Balâm, mwân mé Bosɔ̂r. Nye ó b'á be lɨ́ ebuú soho ɨ́ jɔʼ nyé á bi myɛ́na píe l'ebébe yɨ́.

2 Pyɛr 2:3

Bibɨ́bla bí ólɛ̂ʼla byaá, byé ókûhlo bíkɨkɛna lɨ́ edû gwɨ́má ébi bísâ. Byé onze le egwâm bɨ́n bisâ. Sâ gwár, boó táarě kɔ́m, Nzyɛ̌m, mʉr pá dí Tîʼ milɔ̌b wɔ́ɔ́ nyá, nye mû ó ɨ́ cǎr lɨ́ edwe byé bintɨ́ʼá ɨ́ milɔ̌b myɔ́ɔ́ nyé á boo tíʼe mí. Mʉr ngá dwe byé bébebébe bintɨ́ʼá waá, jʉ̂ byé nyá, nye ɨ́ doho ɨ́ mpʉ̂n nyɔ́ɔ́.

Yʉ̂d 1:11

Nkoó, nye ó e bʉr baá! Ebě, bɨ́ dû nzɨ́ Kayɨ̂n á kar nyɨ́. Bé á si dîm, lɨ́ edû nzɨ́ mikóo mé Balâm, ebě, bé á gwɨ̂m ó myɛ́na. Bé á ka to dwe ó mpʉ bʉ̂r ó Korê bé á dwe ɨ́ jɔʼ bé á gbɔba e Moyɨ̂z yɨ́.