Lʉkas 22:41 - Kálar Nzyɛ̌m : Ejwán é Sáá

⁴¹ Nó nyé á líʼe bê, nzě bá tô dóló, tyé mʉ̂r dí e nkul eguho ébaalé yɨ́. Nye ntɔ̂ʼ bɨʼ mébóó sí, jɨʼla e Nzyɛ̌m.

Kálara Zyɛ̌m Edwán é mpʉ̌n

⁴¹ No ó nye a liʼe be, ze to ba dolo, cye mʉr ndɨ e nkul eguho ebaale e. Nye ntɔʼ kur moboo si, sa mɨnjwɨʼla.

Lʉkas 22:41 Iomraidhean Croise

Mataos 26:39

Nye nzě bá tô dóló, ntɔ̂ʼ kúrwo sí, píʼe mpóm ɨ́ bibwǎh, nzě jɨʼla e Nzyɛ̌m. Nye e né ó: «Dâ ɛ̌, yé óbána nó, sáʼ ó me l'ayɨ́ bɔma e mitúú mî. Sâ gwár, yé díʼee, abě mpʉ mé dí ekpɛl yɨ́, njɨ mpʉ gó dí ekpɛl yɨ́.»

Markus 14:35

Nye nzě bá tô dóló, ntɔ̂ʼ nkɛŋ nyʉ̂l sí, jɨʼla e Nzyɛ̌m ó, yé óbána nó, bé e mitúú myaá, byé dwɛ́haa.

Lʉkas 18:11

Farizyɛ̂n waá ntɔ̂ʼ tyɛ̂b, nzě jɨʼlǎ mbi wɨ̂: “Dâ Nzyɛ̌m, me lɨ́ edwe gó nzyǒo, ebě, mé abě mpʉ bʉ́ʉ́ bʉ̂r. Bâʼ, bé lɨ́ edɛn bímɔnɨ́ byé onkán; bʉ́ʉ́, bé ó osyɛ̂l o mísyóm; bʉ́ʉ́ ntémé, osyɛ̂l o médyɛ̂n. Me lɨ́ edwe gó nzyǒo, ebě, mé abě mpʉ nwɨ́a mɔnɨ́ tœ́a nyâ.

Lʉkas 18:13

Sâ gwár, nwɨa mɔnɨ́ tœ́a, nye á tîtyɛb sá yé ó ɨ́ pɨ́nʉ́ʉ́. Nye á bé akpɛl ébá bɨ̂n mîh kʉ́. Nye á gbâ ó, njɨ mebô kʉ́ lʉ̂, le elɛ́ɛ ó: “Dâ Nzyɛ̌m, Dâ Zyɛ̌m, sáʼ ó, ebúʼ lô, lé tálaa lɨ́ esú lâm, ebě, me ó syɛ̂l misyóm.”»

Mɨlʉmlʉ 20:36

Jɔʼ nyé á sil elwib nó yɨ́, bé e bʉr baá bɨ́bɛ̂h nzě bɨʼ mébóó sí. Nye nzě jɨʼla e Nzyɛ̌m lɨ́ esú lɔ́ɔ́.

Mɨlʉmlʉ 21:5

Damá jóʼo nó, ɨ́ jɔʼ sóno ntinɨ̂ bɨ́h le onɔ́ɔ́, bé á di nyá, á be, nye mû sí laa yɨ́, bɨ̌h nzě laa, tô. Ompʉ́n bɨ́bɛ̂h nzě tó lîʼle bɨ́h, táare e bʉbá bɔ́ɔ́, kumo e bwán bɔ́ɔ́, tó pyâl ɨ́ jɔʼ bɨ́h á sil entaa nkana yɨ́. Bɨ̌h nzě bɨʼ mébóó sí lɨ́ ebʉ́m é mâŋ, lɨ́ ejɨʼla e Nzyɛ̌m.

Mɨlʉmlʉ 7:60

Nye ntɔ̂ʼ bɨʼ mébóó sí, ntɔ̂ʼ lwib kʉ́kʉ́. Nye ó: «Dâ Yésʉs, gǒ sá aniʼe bé baa ɨ́ lɔ̌b syóm wɔ́ɔ́ wɨ̂!» Píe nyé á bě sí cɨ ékǎn laá yɨ́, nye ntɔ̂ʼ sulǎ swɨ̂h.

Mɨlʉmlʉ 9:40

Nó Pétrus á nze pyêl bʉr bɨ́bɛ̂h kʉ̌l, nye ntɔ̂ʼ bɨʼ mébóó sí, jɨʼla e Nzyɛ̌m. Nye ntɔ̂ʼ dwirǎ nkǒ múu, wé á be yɨ́, nzě lɛ́ɛ ó: «Tabitâ, gbɔlwaa sí.» Nye ntɔ̂ʼ bɛ́ɛ mîh, beě Pétrus, ntɔ̂ʼ dǐ ndîndǐl.

Ebrœ̂ 5:7

Jɔ̌ʼ Krîst á títíʼe ɨ́ sí yɨ̂ʼ yɨ́, nye á bɨbe lɨ́ ejɨʼla e mʉr á be e nkul epɛʼ nyé lɨ́ eswie nyá. Nye á si bʉ̂ bitím, jɨ kʉ́kʉ́, Nzyɛ̌m ntɔ̂ʼ jóʼo nyé ntémé ɨ́ lɔ̌b méjóʼǒ Yésʉs á sâ nye má.