Lʉkas 22:19 - Kálar Nzyɛ̌m : Ejwán é Sáá

¹⁹ Nye ntɔ̂ʼ nʉǎ blêr, báʼǎ dwě Nzyɛ̌m nzyǒo, nzě pɛ̂ʼ yé bipêh bipêh, kab bé byǎ. Nye e bé ó: «Blêr yɨ̂, yé ó nyʉ̂l nyǎm mû sí dweŋɔɔ lɨ́ esú lɨ́n nyɨ́. Bɨ̌n bé ótô le esɨ̂sǎ syɛ́ɛla yɨ̂ʼ bijɔʼ bíbyɛ̂h, le esîsimsa mé tɨ̂.»

Kálara Zyɛ̌m Edwán é mpʉ̌n

¹⁹ Nye ze nʉa bler, ntɔʼ dwe Zyɛm ekiba é lɔb we, ze pɛ̂ʼ ye bɨpeh, dwe be bya. Nye e be ó: «Nyʉl wam ó nwa, waa mu si dweŋɔ, jala e bɨn ɨ. Bɨn bé óto le esa syɛɛla yiʼ bɨjɔʼ bibyɛh, lé etoŋlo me.»

Lʉkas 22:19 Iomraidhean Croise

Mataos 14:19

Píe tɨ̂, nye nzě lɛ́ɛ le entumo e bʉ̂r ó, lé díʼee sí ɨ́ dáá. Nye ntɔ̂ʼ nʉa bíblêr bitɛ̂n le osú óbá baá, nzě dwɛ̂ʼ kʉ́, dwě Nzyɛ̌m nzyǒo, nzě pɛ̂ʼ byé bipêh, nzě dwidwe ómpʉ́n bé byǎ. Bé ntɔ̂ʼ kab éntumo e bʉ̂r biblêr byaá.

Mataos 15:36

Nye ntɔ̂ʼ nʉa bíblêr nzaangbá byaá le bwá bé ósû baá, dwě Nzyɛ̌m nzyǒo, ntɔ̂ʼ pɛ̂ʼ byê, dwe ómpʉ́n, bé ntɔ̂ʼ kab méntumo me bʉ̂r.

Lʉkas 22:17

Yésʉs ntɔ̂ʼ nʉǎ bélé ményoʼ, ntɔ̂ʼ dwě Nzyɛ̌m nzyǒo tɨ̂. Jɔʼ nyé á sil ejɨʼla e Nzyɛ̌m yɨ́, nye ntɔ̂ʼ lɛ́ɛ e bé ó: «Nʉaa gá bélé yɨ̂. Bɨ̌n e káblá ményoʼ me tɨ̂, bɨ̌n óbɛ̂h.

Lʉkas 22:20

Jwɨʼ gwár yaá, ɨ́ jɔʼ bé á sil ede yɨ́, nye ntɔ̂ʼ báʼǎ dwe bé bélé ményoʼ. Nye ó: «Menyoʼ mâ, mé ó edwán é sáá Nzyɛ̌m mû lɨ́ etyêl páʼ nyɔ́ɔ́ e bʉr lɨ́. Nyě tyél nyé ó, ɨ́ nzɨ̌ metié mâm mû lɨ́ eswɨɨ lɨ́ esú lɨ́n má.

Lʉkas 24:30

Jɔʼ bé á be ɨ́ téble lɨ́ edǐ de yɨ́, nó ó Yésʉs á nze nʉa blêr, ntɔ̂ʼ dwě Nzyɛ̌m nzyǒo. Nye ntɔ̂ʼ pɛ̂ʼ yê, dwe bé yǎ.

Yʉanes 6:23

Mʉ́ʉ́ mɛ̂l ntɔ̂ʼ pyâl, duhǒ Tiberiâs. Mɨ́ nzě pyâl kúnókúno e gúmó bé á de blêr píe jɔʼ Tî Yésʉs á dwe Nzyɛ̌m nzyǒo yɨ́.

Yʉanes 6:51

Me ó dí mede me dí etiʼ bʉ̂r, maá mé á duho ɨ́ jʉ́o kʉ́ má. Mʉ̂r sí de méde maá nɛ́ɛ: nye ótiʼě njʉ̌m dǐ e njʉ̌m dǐ. Mede mé ódwe nyé má, mé ó bipúnó byâm. Mě dwé bʉ̂r ó sí yɨ̂ʼ byǎ ó, lɨ́ esú ó, bé bíʼee twiʼ.»

1 Korɛnt 10:16

Bélé ményoʼ gá yɨ́ná, yê nyá? Yê mɨná gá ó nzɨ̌ Nzyɛ̌m dí esʉ mɨ́ná gá metyɛʼ me mpóm mé e tɨ̂ʼ nyɨ́. Mɨná bé lɨ́ edwe gá nye nzyǒo ɨ́ lɔ̌b béle yaá. Ɨ́ jɔʼ mɨ́ná dí ede gá menyoʼ me tɨ̂ʼ yɨ́, mɨná bé lɨ́ esyɛŋa gá lɨ́ enʉa nkɔ̂b ɨ́ metié mé Krîst. Blêr mɨ́ná dí epɛ̂ʼla gá ɨ́ jɔʼ mɨ́ná dí ede gá yɨ́, tɨ̂ʼ ó mɨ́ná dí esyɛŋa gá lɨ́ enʉa nkɔ̂b ɨ́ nyʉ̂l mé Krîst yɨ́.

1 Korɛnt 10:4

Bɨ́bɛ̂h bɛble médíbé mémpwár Sísǐm mé Nzyɛ̌m wé á ntɨh bé má. Bé á bɨbɛble medíbé ó, maá mé á gʉgʉ̂ lɨ́ ekóʼ Nzyɛ̌m á ntɨh bé lɨ́ má. Ekóʼ laá, lé á titye ó e bê. Nó ó, ekóʼ laá, lé á be ó Krîst.

Galásia 1:4

Yésʉs-Krîst mʉr tɨ̂ʼ á si dwe twiʼ yé, nzě búra e misyóm gá míná. Mpʉ nyé á jala e myé yɨ́, nyɨ́ dwih mɨ́ná gá ɨ́ sɔ́má ósyɛ̂l o mísyóm ó myǎ wɨ̂. Yésʉs á sâ nó ó, mpʉ̌ Nzyɛ̌m gá wɨ́ná, waá dí ntémé Sɔ́ŋ gá wɨ́ná nyá, á kpɛl yɨ́.

Galásia 4:25

Agâr, nye ó mveʼle écwɨ̂ʼ é Sináyɨ̂, dí ɨ́ sí Arabî lɨ́. Nye ntémé, nye ó mveʼlě nkanǎ Yerʉ́zalɛm, yaá ɨ́ jɔʼ yɨ̂, ebě, bʉr bɨ́bɛ̂h o dí edi tɨ̂ʼ bá, bé ó bitúʼǎ.

Éfɛsɔs 5:2

Kpɛlaa gâ, mpʉ̌ Krîst á kpɛl mɨná gá yɨ́. Nye á si syɛ́ɛla twiʼ yé lɨ́ esú é bícwiʼ gá bíná. Nye á dwe twiʼ yé ó, nye díʼee mpʉ tír bé dí etíʼě Nzyɛ̌m tâŋ ndwéá nyá. Ndwéá waá, wé e menumó Nzyɛ̌m dí ɨ́ buú kpɛl má.

1 Tesalonika 5:18

Jɔʼ yɨ́yɛ̂h le ɨ́ bisá bíbyɛ̂h, dwéʼ gá Nzyɛ̌m nzyǒo, ebě, Nzyɛ̌m á tíʼe ɨ́ lémé wé ó, bʉr o dí ɨ́ Yésʉs-Krîst bá, bé ósɨ̂sa nó.

Títos 2:14

Nye á si dwe twiʼ yé nye mʉr tɨ̂ʼ lɨ́ esú lɨ́ná, ó nye dwíhɨɨ mɨná ɨ́ mpila mébébé mɨ́mɛ̂h. Nyɨ́ pubo mɨ́ná gá ó, mɨná díʼee kúl bʉ̂r dí egúmo e né yɨ́. Kûl yaá, yé ódi e léme ɨ́ cǎr ó, yé gbâʼ nyʉ̂l lɨ́ elóŋlo bísyɛ́ɛla bimpâ.

1 Pyɛr 2:24

Krîst á si bɛb misyóm gá míná, ntɔ̂ʼ dwe e myé ɨ́ kolôs. Nye á sâ nó ó, mɨná nkʉ̂ dwe gá ɨ́ nkǒ páʼ mísyóm, ntɔ̂ʼ tíʼe lɨ́ otîtyěl. Mɨná bé á be gá ó, mimbêl. Mɨná ntɔ̂ʼ kǎ tíʼe gá ɨ́ nkul mepɨ́ɨ́ mé.