Lʉkas 22:16 - Kálar Nzyɛ̌m : Ejwán é Sáá

¹⁶ ebě, mě lɛ́ɛ́ bɨ́n ó: me ákǎ báʼǎ de mé ndéá swîh, tó pyâl ɨ́ jɔ̌ʼ ndéá mû sí táare ɨ́ móhó wɨ̂, ngá lwɨ́ŋlɨ ɨ́ Mpóʼo mé Nzyɛ̌m yɨ́.»

Kálara Zyɛ̌m Edwán é mpʉ̌n

¹⁶ ebe, me elɛɛ bɨn ó nɛɛ, me aŋa ka bâʼle de me ndɨa fih, to pyal é jɔʼ ndɨa lé etaare é muh é dobo lɨʼ ɨ, wé ólwɨŋlɨ é jwɨ̀ʼa mo Zyɛm ɨ.»

Lʉkas 22:16 Iomraidhean Croise

Lʉkas 12:37

Metyɛʼ me mpóm, mé óswɨɨ lɨ́ osyɛ̂l o mésá nyé ngá kœb ɨ́ doho bá. Mě lɛ́ɛ́ bɨ́n lɨ́ otyeetye ó, nye ótyeele káná wé, dil bé ɨ́ téble, ka bé mede.

Lʉkas 14:15

Mpʉ nyʉ́ʉ́ mʉ̂r á jóʼo Yésʉs lɨ́ elwib nó yɨ́, nye e né ó: «Metyɛʼ me mpóm, mé díʼee e mʉr óde méde ɨ́ Mpóʼo mé Nzyɛ̌m nyá.»

Lʉkas 22:15

Yésʉs ntɔ̂ʼ lɛ́ɛ e bé ó: «Me ɨ́ buú gwɨ̂m ó, mɨná dêʼ gá mede mé Páska mâʼ gúmo gwár jɔʼ mé dína apǎ sia e mitúú yɨ́,

Lʉkas 22:18

Ebě, me lɨ́ elɛ́ɛ bɨ́n lɨ́ otyeetye ó, me ákǎ de ményoʼ mâ, tó pyâl ɨ́ jɔ̌ʼ Nzyɛ̌m ngá tyêl Mpóʼo nyé ɨ́ sɨŋ yɨ́.»

Lʉkas 22:30

lɨ́ esú ó, bɨ̌n dêʼ mede le menyoʼ ɨ́ téble wǎm, ɨ́ Mpóʼo mé ngá jwɨ́ɨ nyɨ́. Bɨ̌n bé ódi ɨ́ mecwɨ́ɨ́ mé ójwɨ́ɨ mɨ́n tɨ̂, lɨ́ etíʼe ménzweh mé Ɨ́zraɛ̂l kám e mebá milɔ̌b.»

Yʉanes 6:27

Ayɨ́ séa gá lɨ́ esú é méde me dí e nkul ekaʼ, nkʉ̂ bo má, njɨ lɨ́ esú é maá me dí edi, tó pyâl ɨ́ twǐʼ njʉ̌m dǐ má. Mé ó dí maá Mwân mé Mʉr ódwe bɨ́n má, ebě, nye ó waá Nzyɛ̌m Sɔ́ŋ á gbâ jwɨʼ yé nyá.»

Mɨlʉmlʉ 10:41

Abe yɨ́ɛ bʉr bɨ́bɛ̂h. Nye á jaa pyâl ó, njɨ kwá nyɨ́h, bʉ̌r Nzyɛ̌m á boo twâr bá. Bɨ̌h bɨɛ ó dí oboʼlo bé, ebě, bɨ̌h le onɔ́ɔ́ ó b'á pûhla mebô lɨ́ ede méde le menyoʼ píe jɔ̌ʼ Nzyɛ̌m á pɛh nye, dwih nyé lɨ́ odwe yɨ́.

Mɨngwiha 19:9

Nó ó éngeles á lɛ́ɛ e me ó: «Cɛmáa. Nzyɛ̌m sʉ́ʼoo metyɛʼ me mpóm ɨ́ bʉr o b'á báŋlɔɔ ó, bé tô de méde ɨ́ nzɔɔ ebá mé Mâ Nteme bá.» Nye nzě báʼǎ lɛ́ɛ e me ó: «Mekǎn mâ, mé kʉ́ be ó tyeetye. Mé duho ó, ɨ́ num mé Nzyɛ̌m.»