Lʉkas 22:13 - Kálar Nzyɛ̌m : Ejwán é Sáá

¹³ Bé ntɔ̂ʼ tô, kœ̌b sá yɨ́yɛ̂h mpʉ nyé á lɛ́ɛ bé yɨ́, ntɔ̂ʼ jámɔɔ méde mé Páska.

Kálara Zyɛ̌m Edwán é mpʉ̌n

¹³ Bé ntɔʼ to, to kœb sa yiyɛh mpʉ nye a lɛɛ be e, ntɔʼ komlɔ mode mo Paska.

Lʉkas 22:13 Iomraidhean Croise

Lʉkas 19:32

Nó bʉ̂r o nyé á lómo bá, bé á nze tô, tó kœbɔɔ bísâ bíbyɛ̂h mpʉ̌ Yésʉs á boo lɛ́ɛ bé yɨ́.

Lʉkas 21:33

Kʉ́ e sí, byé ólaa. Milɔ̌b myâm míɛ, myé ákóʼó síe.»

Lʉkas 22:12

Nye ólɛ̂ʼle bɨ́n ntɔ́ɔ ɨ́ bwaʼ bwaʼ ɨ́ tólóm mbɛ̌r wé. Bɨ̌n bé ókœb ó, nye mû le otéble le bidiá. Tɨ̂ʼ ó bɨ́n ngá jâm méde mé Páska yɨ́.»

Lʉkas 22:14

Jɔʼ éwala bé á jala le ede méde maá, lé á pyâl yɨ́, Yésʉs, bé e bʉr o mílʉ́mlʉ́ bé, bê nzě diŋɔɔ sí.

Yʉanes 11:40

Yésʉs, nye e né ó: «Nzê me bé alɛ́ɛ e go ó, gó ódyêʼ koo e me nó, go óbee kûm mé Nzyɛ̌m ɛ̌?»

Yʉanes 2:5

Nó ó nyɔ́ŋ á nze lɛ́ɛ le osyɛ̂l o mésâ ó: «Sáʼ gá sá yɨ́yɛ̂h nyé ólɛ́ɛ bɨ́n yɨ́.»

Ebrœ̂ 11:8

Ɨ́ lɔ̌b búʼó, Abraham á si sâ Nzyɛ̌m mejóʼo ɨ́ jɔʼ nyé á jébe nye ó, nye tôʼ di ɨ́ sí Nzyɛ̌m á be ó, nyě dwé ó nye yɨ́. Nye á tô ó, apʉgʉ́ gʉ́ǎ titii gúmó nyé á be ó, nye tôʼ di yɨ́.