Lʉkas 21:25 - Kálar Nzyɛ̌m : Ejwán é Sáá

²⁵ «Mesimá, mé ósyɛ́ɛ ɨ́ dʉ́o, le lɨ́ álomó le lɨ́ ocwícwén. Obóʼó ó mâŋ, wé ópɨ̂ʼla le eduo, ntaa sʉ́ŋa. Bʉr o bíkúl bí sí yɨ̂ʼ bɨ́bɛ̂h, bé ójóʼo bʉ́á, miléme ɨ́ mo ɨ́ nzamá.

Kálara Zyɛ̌m Edwán é mpʉ̌n

²⁵ «Bɨbwaʼbwaʼ bɨdweʼle bɨ nkul ndwe e mosima, byé ódɨ syɛɛ é dobo e l'alomo ndwe e baatwitwɛn tʉŋlʉ. Oboʼo o maŋ, bé ólaŋle pɨʼba le edùo. Bʉr o bɨkul bɨ si nwaʼ bibyɛh, bé ójoʼo bʉa, mɨleme é mo é zaaama.

Lʉkas 21:25 Iomraidhean Croise

Mataos 24:29

«Píe melû maá, mítúú e mindɛ̌l mínɨ̌ myé óbe sí síe nó, dʉ́o, lé odíme, álomó akǎ pan. Ocwícwén, bé óduma, duho ɨ́ jʉ́o kʉ́. Bisá bí nkûl bínɨ́nɨ́ɨ́ bi dí ɨ́ jʉ́o kʉ́ bí, byé ólwɨ̂ʼlɨ.

Mataos 27:45

Jɔ̌ʼ témé móhó, yé á pyâl yɨ́, edúrʉ́ʉ́ ntɔ̂ʼ sula ɨ́ sí yɨ́yɛ̂h, tó pyâl ɨ́ mewala melɛ̂l mé bíí kʉ̌ʼ.

Markus 13:24

«Sâ gwár, ɨ́ melû maá, mítúú mínɨ̌, myé óbe, sí laa nó, dʉ́o, lé odíme, álomó akǎ pan.

Markus 13:26

Jɔʼ yaá ó bé ngá bee Mwân mé Mʉr mû lɨ́ enze ɨ́ bidwiné, témé nkǔl nɨ́nɨ́ɨ́ le mentyɛnwa mé Nzyɛ̌m.

Markus 15:33

Jɔ̌ʼ témé móhó á pyâl yɨ́, edúrʉ́ʉ́ ntɔ̂ʼ sula ɨ́ sí yɨ́yɛ̂h ntinɨ̂, tó pyâl ɨ́ mewala melɛ̂l mé bíí kʉ̌ʼ.

Lʉkas 21:24

Bâʼ bʉ̂r, bé ójʉ́ŋɔɔ le opasoŋ; bʉ́ʉ́, bé ótô lɨ́ okómó ɨ́ bikúl bíbyɛ̂h. Nó bʉr o bíkûl byaá, bé ónyǎl Yerʉ́zalɛm e mekʉ̌ mɔ́ɔ́, tó pyâl ɨ́ jɔʼ épʉ́la lɔ́ɔ́, lé óbe sí laa yɨ́.»

Lʉkas 21:26

Ekɛ̂n, lé óbuú swɨɨ bʉ́rʉ̂m ɨ́ menyʉ̂l, bé ntɔ̂ʼ puro mpâl lɨ́ epahlě sá ngá syɛ́ɛ ɨ́ sí yɨ̂ʼ yɨ́, ebě, bisá bí nkûl bi dí ɨ́ jʉ́o kʉ́ bí, byé ókubla.

Mɨlʉmlʉ 2:19

Me ósâ bísá bí ékâm, le mesimá ɨ́ jʉ́o kʉ́, le ɨ́ sí tʉ́ŋlʉ̌. Metié, le siʼe, le dwiné dúluu, byé ónyɨ̂n.

Mɨngwiha 20:11

Nó ó, me nzě bee mécwɨ́ɨ́ mé jwɨ́ɨ ménɨ́nɨ́ɨ́, mé á be ɨ́ pumo pumo má. Me á si bee ntémé waá á be tɨ̂ʼ ndîndǐl nyá. Sí yɨ̂ ndu e jʉ́o, byé á si dîm ɨ́ míh mé.