Lʉkas 20:6 - Kálar Nzyɛ̌m : Ejwán é Sáá

⁶ Mɨ́ná yálá gá ó: “Bʉr ó b'á lómo nye” nó, minzɨnzɨ mi bʉ̂r mímyɛ̂h, myé ólúmo gá mɨná mekóʼ.» (Ebě, myé á be lɨ́ ebúʼla ó, Yʉánɛs á kʉ be tyeetye ó ngwíha milɔ̌b mé Nzyɛ̌m.)

Kálara Zyɛ̌m Edwán é mpʉ̌n

⁶ ǃBɨna si bɨha ga ó: “Bʉr o b'a lomo nye” nɛʼɛ, bʉr bɨbɛh, bé ólumo bɨna ga mokoʼ, ebe, bɛɛ bɨ kʉ gʉa ó, Yʉanes a be ó ngwiha mɨlɔb.»

Lʉkas 20:6 Iomraidhean Croise

Mataos 11:9

Á nó, bɨ̌n bé á to bee yé? Nzê ngwíha milɔ̌b mé Nzyɛ̌m ɛ̌? Eee, mě lɛ́ɛ́ bɨ́n ó: laa ngwíha milɔ̌b mé Nzyɛ̌m.

Mataos 14:5

Erôd á bɨbe e gwɨ́má ó, nyě jʉ́ ó Yʉánɛs. Sâ gwár, nye á be lɨ́ ekpɛ́ɛ éntumo e bʉ̂r, ebě, bé á lɨláa ó, Yʉánɛs á be ó ngwíha milɔ̌b mé Nzyɛ̌m.

Mataos 21:26

Mɨ́ná yálá gá ó: “Bʉr ó b'á lómo nye” nó, mɨná bé ókpɛ́ɛ gá entumo e bʉ̂r ɨ́ jɔʼ yaá, ebě, bʉr bɨ́bɛ̂h, bé bûʼlá ó, Yʉánɛs á be ó ngwíha milɔ̌b mé Nzyɛ̌m.»

Mataos 21:46

Bé ntɔ̂ʼ táare ésáa ménzɨ̌ mé émɛ̂r Yésʉs. Sâ gwár, bé á be ó, lɨ́ ekpɛ́ɛ éntumo e bʉ̂r, ebě, bɨ́ɛ, bé á nʉnʉa Yésʉs ó mpʉ ngwíha milɔ̌b mé Nzyɛ̌m.

Mataos 26:5

Sâ gwár, bé á be yɨ́ɛ ó, lɨ́ elɛ́ɛla páʼ nyɔ́ɔ́ ó: «Mɨná bé ayɨ́ pǎ mɛ̂r gá nye ɨ́ jɔʼ nzɔ́ɔ. Minzɨnzɨ mi bʉ̂r, myé ámû sâ bíntʉ̌.»

Markus 12:12

Nó ó bé ntɔ̂ʼ táare ésáa ménzɨ̌ mé émɛ̂r Yésʉs, ebě, bé á si kʉ gʉ́a ó, nye á lwib ɨ́ nzɨ̌ bikɨkɛna byaá ó, dumo e bê. Sâ gwár, bé á be ó lɨ́ ekpɛ́ɛ éntumo e bʉ̂r. Bê nzě líʼe nyê, ntɔ̂ʼ tô.

Lʉkas 1:76

Gua mwân wǎm nyâ, go óbe ó ngwíha milɔ̌b mé Nzyɛ̌m dí Lʉ́ bísá bíbyɛ̂h nyá, ebě, go ótô lɨ́ esóʼ mé Dâ Nzyɛ̌m, lɨ́ ekomlo nzɨ́ nyé ngá cɨɨ nyɨ́.

Lʉkas 20:5

Nó ó bé á nze díila páʼ nyɔ́ɔ́. Bé ó: «Mɨ́ná yálá gá ó: “Nzyɛ̌m ó b'á lómo nye” nó, nye óbáʼǎ dî ó: “Yé bé nó wá, bɨ̌n á bé abûʼla nyé ɨ́ yé?”

Lʉkas 20:7

Nó ó bé á ka yala e né ó: «Bɨ̌h bɨɛ, bé agʉ́a yɨ́h bé nkǒ ndubó wé waá, wé á pʉgʉ duho yɨ́!»

Lʉkas 7:30

Sâ gwár, oFarizyɛ̂n, le olɛ̂ʼla o métié, bé á si bene gwɨ́má mé Nzyɛ̌m yaá. Sá tɨ̂ʼ ó bé á be akam ó, Yʉánɛs dúʼoo bé yɨ́.

Yʉanes 10:41

Bʉr ɨ́ buo buo nzě dû nko nyé á tô yɨ́. Bé ó: «Yʉánɛs á be ó, asâ damá jóʼo ésimá egwár. Sâ gwár, sá yɨ́yɛ̂h nyé á lɨlɛ́ɛ, dumo e mʉr nyâʼ yɨ́, yé kʉ́ be ó tyeetye.»

Mɨlʉmlʉ 5:26

Njwɨ́ɨ odwéela ó mpáh Nzyɛ̌m, bé e bisója byé, bé ntɔ̂ʼ tô, tó búla e bʉr o mílʉ́mlʉ́ mé Yésʉs baá. Sâ gwár, bé á bé atíne bé e nkul, ebě, bé á be lɨ́ ekpɛ́ɛ ó, bʉr, bé ámû lúmo bé mekóʼ.