Lʉkas 20:21 - Kálar Nzyɛ̌m : Ejwán é Sáá

²¹ Nó ó bé á nze lɛ́ɛ e né ó: «Lɛ̂ʼla, bɨ̌h bé lɨ́ ekʉ́ gʉ́a ó, sá gó dí elɛ́ɛ le elɛ̂ʼle yɨ́, gǒ lɛ́ɛ́ yé ó, njɨ tîtyěl. Gó abe lɨ́ edwáawo bʉ̂r mempǒm. Gǒ jaá dwidwe bʉ̂r milɛ́ʼlá ó, njɨ lɨ́ otyeetye, ɨ́ mpʉ̌ Nzyɛ̌m dí ekpɛl yɨ́.

Kálara Zyɛ̌m Edwán é mpʉ̌n

²¹ No ó bé a ze lɛɛ e nye ó: «Yeʼle, bɨh bé ekʉ gʉa ó, sikʉlʉ go lé edwe bɨh ɨ, yé ó njɨ cɨcyel. Go ádwaabe bʉr é lɔb mompom mɔɔ. Go eyeʼle bɨh ekœʼ ebò e cyen Zyɛm lé ekpɛl ó, bʉr kœʼœ œ.

Lʉkas 20:21 Iomraidhean Croise

Mataos 22:16

Bé ntɔ̂ʼ lómo bʉ́ʉ́ ómpʉ́n bɔ́ɔ́ nko nyé á be yɨ́, bé e bʉ́ʉ́ bʉ̂r o nkɔ́m mé Erôd. Nó ó bé á lɛ́ɛ e né ó: «Lɛ̂ʼla, bɨ̌h bɨ́ gʉ́a ó, gǒ lɛ́ɛ́ ó, otyeetye. Go ntémé, gǒ lɛ́ʼlé bɨ́h ó, nzɨ̌ mé Nzyɛ̌m lɨ́ otyeetye. Go ntémé, gó abe lɨ́ edwáawo bʉ̂r mempǒm.

Markus 12:14

Nó ó bé á nze lɛ́ɛ e né ó: «Lɛ̂ʼla, bɨ̌h bé lɨ́ egʉ́a ó, gǒ lɛ́ɛ́ ó otyeetye. Go ntémé, gó akpɛ́ɛ mʉ̂r, ebě, gó abe lɨ́ edwáawo bʉ̂r mempǒm. Go lɨ́ elɛ̂ʼlě kʉ̌ tyěn Nzyɛ̌m dí ekpɛl ó, bʉr dúʼoo wɨ́. Nó, lɛ́yɨ́ɨ́ bɨ́h: nzê metié gá mɨ́ná, mé kam ó, mɨná jánaa gá Kɛ́ɛza tœ́a ɛ̌? Nzê yê mpéné ó, mʉ̌r sá ajána nyé yǎ ɛ̌? Nzê yé jɨ ó, mɨná jánaa gá? Nzê mɨná bé ajala le ejána ɛ̌?»

Lʉkas 20:20

Bê nzě táare étô le ebaʼɔɔ nyê. Nzě lómɔɔ bʉ̂r o b'á nwɨɨla le otîtyěl o bʉ̂r bá ó, bé tôʼ lâm nyé lâm dí ó, bé nkʉ̂ mɛ̂r nyé ɨ́ lɔ̌b yalá yé. Jɔʼ yaá ó bé á be e nkul ebɛ́ma nyé ɨ́ mebó mé njwɨ́ɨ, ó nye kúrɨɨ ɨ́ nkul jwɨ́ɨ mé ngóvina yɨ́.

Lʉkas 20:22

Nzê metié gá mɨ́ná, mé kam ó, mɨná jánaa gá Kɛ́ɛza tœ́a ɛ̌? Nzê yê mpéné ó, mʉ̌r sá ajána nyé yǎ ɛ̌?»

Yʉanes 3:2

Nye á nze ó kwá mé Yésʉs ɨ́ pum. Nye e né ó: «Lɛ̂ʼla, bɨ̌h bé lɨ́ egʉ́a ó, go ó lɛ̂ʼlǎ Nzyɛ̌m á ntɨh, lɨ́ enzě lɛ̂ʼle bɨ́h nyá, ebě, yé abe e mʉr ngwár dí e nkul esâ mésimá mbi gó dí esâ wɨ́, Nzyɛ̌m bé abe e né nó.»

2 Korɛnt 2:17

Nó ó, bɨ̌h bɨɛ, bé abě mpʉ óbɛ́ma o mílɔ̌b mé Nzyɛ̌m. Nzyɛ̌m á lómo bɨ̌h ó e lwǐb yé. Lwǐb yaá, yé abě mbáʼrá e mikóo. Bɨ̌h bɨɛ, bé ó baá Nzyɛ̌m á ntɨh bá. Bɨ̌h lwib mílɔ̌b myé ó, ɨ́ mpǒm mé Nzyɛ̌m, ɨ́ mpúhlá nyɨ́h e Krîst.

Galásia 1:10

Nó ó, báánâ, nzê nó yé lɛ́ʼlé ó, nkam bʉr ó mé dí esáa ɛ̌? Nkʉ̂ ó, nyaá mé Nzyɛ̌m ɨ́? Mě cɛmá nó ó, lɨ́ esáa nkâm mé Nzyɛ̌m. Nzê me mû sáa ó, me sâʼ mpʉ bʉ̂r dí egwɨ̂m yɨ́ ɛ́? Yé bé mě dú ó, bigwɨ́má bí bʉ̂r nó, lɛ́ɛ́, mé akǎ be syɛ̂l mesâ mé Krîst.

Galásia 2:6

Me nzě tó bee baá bé á nyɨ̂n ɨ́ mîh ó, bé ó otyɛ̂b bé ésôʼ bá. (Nkʉ̂ bé ó otyɛ̂b bé ésôʼ, nkʉ̂ bé abe bê, nó yé asâ mɛ̂m sɔ̂ʼ, ebě, Nzyɛ̌m, nyé abe lɨ́ edwáawo bʉ̂r mempǒm.) Bʉr o b'á bu nyɨ̂n nó bá, ɨ́ jɔʼ mé á lɛ́ɛ bé Mbɨambɨa Lɔ́ɔ mé dí etúno bʉ̂r wɨ́, bé á bé akɛl ékǎn egwár tɨ̂ʼ kʉ́.