Lʉkas 20:1 - Kálar Nzyɛ̌m : Ejwán é Sáá

¹ Ɨ́ gúú móhó, Yésʉs dína lɨ́ elɛ́ɛ mínzɨnzɨ mi bʉ̂r Mbɨambɨa Lɔ́ɔ ɨ́ mpáh Nzyɛ̌m nɛ́ɛ: ojwɨ́ɨ o tɨ̂ʼ le olɛ̂ʼla o métié, le otɔ́má bʉ̂r, ntɔ̂ʼ pyâl tɨ̂ʼ ɨ́ sulûm.

Kálara Zyɛ̌m Edwán é mpʉ̌n

¹ É guu moho, Yesʉs a be ó é jahla bii mo Zyɛm tʉŋlʉ, lé eyeʼle bʉr, ndwe le elɛɛ be Mbɨambɨa Lɔɔ. Ojwɨɨ be opara bé e l'oyeʼle o motie ndwe e l'otamabʉr o lal «mpululu»,

Lʉkas 20:1 Iomraidhean Croise

Mataos 26:55

Jɔʼ yaá ó Yésʉs á nze lɛ́ɛ le sɔ́má bʉ̂r yaá ó: «Bɨ́n pa nze mɛ́r mé le opasoŋ le mimbɨ́ŋ nó, nzê bɨ̂n jóʼó ó, me ó nzilngǎn? Me á bɨbe ó, dʉ́ó lɨ́lɛ̂h ndîndǐl tʉ́ŋlʉ̌ mpáh Nzyɛ̌m, lɨ́ elɛ̂ʼle bʉ̂r. Bɨ̌n bé á bé amɛ̂r mê.

Lʉkas 20:2

Bê nzě lɛ́ɔɔ ó: «Twóóláá díé é mʉ̂r á lómo go ó, go sâʼ bisá bîʼ nyá. Go ntémé pʉgʉ́ sâ byé e nkul mé nzé?»

Lʉkas 8:1

Píe tɨ̂, Yésʉs nzě tô bínkana e bínkana le mékwár e mékwár, gúmó nyé á to le etúno Mbɨambɨa Lɔ́ɔ dí edumo e Mpóʼo mé Nzyɛ̌m wɨ́ yɨ́.

Yʉanes 18:20

Yésʉs, nye e né ó: «Me á jaa lwilwib ó, njɨ ɨ́ hwɨ́m, bʉr bɨ́bɛ̂h lɨ́ ejóʼo. Me á lɨlɛ̂ʼle bʉr ó, ɨ́ mempáh mínjɨʼla mɔ́ɔ́ ndu e mpáh Nzyɛ̌m, bigúmó óYúden bɨ́bɛ̂h dí egwɨ̂hlǎ jɔʼ yɨ́yɛ̂h bí. Me á bé alɛ́ɛ yʉ́ʉ́ sɔ̂ʼ mesǒ.

Mɨlʉmlʉ 4:1

Pétrus, bé e Yʉánɛs dína lɨ́ elwib nó nɛ́ɛ: opara, le njwɨ́ɨ odwéela ó mpáh Nzyɛ̌m, le oSadwisyɛ̂n nzě pyálɔɔ ɨ́ sulûm.

Mɨlʉmlʉ 6:12

Bê nzě bêhle bʉ̂r o b'Ɨ́zraɛ̂l, otɔ́má bʉ̂r le olɛ̂ʼla o métié, ó bé sâʼ ntʉ̌. Bé ntɔ̂ʼ nkɔŋa, tô nko Étiene á be yɨ́. Mɛ́rɔɔ nyê, tóŋɔɔ e né nko bʉ̂r ó bʉ̌m nɨ́nɨ́ɨ́ bé á be yɨ́.