Lʉkas 2:49 - Kálar Nzyɛ̌m : Ejwán é Sáá

⁴⁹ Nó nyé á nze lɛ́ɛ e bé ó: «Bɨ̌n sáá mé ɨ́ yé ɛ́? Nzê bɨ̌n bé agʉ́a ó, yé jala ó, me díʼee ɨ́ mbɛ̌r mé Dâ ɛ̌?»

Kálara Zyɛ̌m Edwán é mpʉ̌n

⁴⁹ No ó nye a ze dî e be ó: «Ebe yé bɨn lé esaa me e? Zê bɨn bé agʉa ó, yé ekʉ jala ó, me diʼe é mbɛr mo Sɔŋ wam ɛ?»

Lʉkas 2:49 Iomraidhean Croise

Mataos 21:12

Yésʉs ntɔ̂ʼ nî lɨ́ ebɛhɛɛ lé á be ɨ́ mpáh Nzyɛ̌m lɨ́. Nye ntɔ̂ʼ so bʉ̂r o b'á didi tɨ̂ʼ lɨ́ ebɛ́ma, le baá bé á nzɨnze lɨ́ ebwâm bá. Nye ntɔ̂ʼ nkɛŋ ótéble o bʉ̂r o b'á sisyɛ́ɛla bimɔnɨ́ bá sí, lôʼlo bídiá bi bʉ̂r o b'á bɨbɛ́ma mepɨbaa bá.

Lʉkas 2:48

Jɔʼ óbyɛ́l bé, bé á bee nye yɨ́, bé ntɔ̂ʼ kâm nyê. Nyɔ̌ŋ wé nzě dî e né ó: «Mwánǎm, go ka sá bɨ́h mpʉʼ ɨ́ yé ɛ́? Paá bee: bɨ̌h e sʉ́ŋ, bɨ́ buú sáa gó, le esyɛ̌l bá.»

Yʉanes 4:34

Yésʉs, nye e bé ó: «Mede mâm, mé ó, me sâʼ gwɨ́má mʉ̂r á ntɨh me nyá, le esîl syɛ́ɛ́ nyé á lɛ́ɛ ó, me ntáa nzě séa yɨ́.

Yʉanes 5:17

Nó ó Yésʉs á nze lɛ́ɛ e bé ó: «Sɔ́ŋ wǎm séá ó bijɔʼ bíbyɛ̂h, nzě kumo ɨ́ báánâ. Mɛm ntémé, me lɨ́ eséa.»

Yʉanes 5:36

Sâ gwár, mɛm, mě e mboʼlá, laá mboʼlá mé Yʉánɛs, ebě, bisyɛ́ɛlǎ Nzyɛ̌m Sɔ́ŋ á dwe me ó, me sâʼ bí, byé ó mé dí esâ. Byé boʼlo ó, Nzyɛ̌m Sɔ́ŋ ó b'á ntɨh me.

Yʉanes 6:38

Ebě, me á bé aduho ɨ́ jʉ́o kʉ́, lɨ́ enzě sâ gwɨ́má yâm, njɨ gwɨ́má mʉ̂r á ntɨh me nyá.

Yʉanes 8:29

Mʉr á ntɨh me nyá, bɨ̌h e né ó dí. Nye á bé alíʼe mé me omér, ebě, mě sá jɔʼ yɨ́yɛ̂h ó, syɛ́ɛla nyé dí ebee mbɨ̂mbɨá yɨ́.»

Yʉanes 9:4

Mɨná sâʼ gá syɛ́ɛla me Mʉ̂r á ntɨh me nyá, yé dína móhó, ebě, pum, wé mû ó lɨ́ enzě dwíne, mʉr akǎ be e nkul eséa.