Lʉkas 2:46 - Kálar Nzyɛ̌m : Ejwán é Sáá

⁴⁶ Bé á ka to bee nye ó, lɨ́ elú élɛ̂l, ɨ́ mpáh Nzyɛ̌m. Nye á be ó témé olɛ̂ʼla o métié. Nyɨɛ lɨ́ ejôʼlo bê, le edî bé metíá.

Kálara Zyɛ̌m Edwán é mpʉ̌n

⁴⁶ Molu molɛl, mé osi laa nɛʼɛ, bé ntɔʼ bee nye é jahla bii mo Zyɛm. Nye a be ó ndindil, teme oyeʼle o motie, nyɛɛ lé ejoʼlo be, ndwe le edî be motia.

Lʉkas 2:46 Iomraidhean Croise

Mataos 12:40

Ebě, mbi ngwár Yʉ́nas á di ɨ́ mo sû ɨ́ bwaʼ bwaʼ mimóhó mílɛ̂l, mipum milɛ̂l yɨ́, mbi ngwár e ngwár waá ntémé ó Mwân mé Mʉr ngá di ɨ́ soo mimóhó mílɛ̂l, mipum milɛ̂l wɨ́.

Mataos 16:21

Táare ɨ́ jɔʼ yaá, Yésʉs nzě gɔ́na le elɛ́ɛ ómpʉ́n bé ó, yé jala ó, nye tôʼ ɨ́ Yerʉ́zalɛm, nye síaa e mitúú ɨ́ buo buo ɨ́ mebó mé ótɔ́má bʉ̂r, le ojwɨ́ɨ o mpáh Nzyɛ̌m le olɛ̂ʼla o métié. Nye ntémé ójʉ́ŋɔɔ. Lɨ́ elú élɛ̂l píe tɨ̂, nye ópah ɨ́ soo.

Lʉkas 2:47

Sá yɨ́yɛ̂h bé á jóʼo nye lɨ́ elɛ́ɛ yɨ́, bé á si kâm yê, ɨ́ wɨ́haá mbi ócwóó wé, le mimbi bíyalá nyé á yala mɔ́ɔ́ métíá bí.

Lʉkas 5:17

Ɨ́ lʉ́ʉ́ dʉ́o, Yésʉs á be ó lɨ́ edwe éntumo e bʉ̂r milɛ́ʼlá. OFarizyɛ̂n, le olɛ̂ʼla o métié, bé á be ó tɨ̂ʼ ɨ́ sɔ́má yaá mindîndǐl. Bé á duho ó ɨ́ mekwár mɨ́mɛ̂h mé sí Galilê le maá mé sí Yʉ́da; bâʼ duho ntémé Yerʉ́zalɛm. Nkul mé Nzyɛ̌m á be lɨ́ enyɨ̂n ɨ́ nye ɨ́ tiʼá nyé á titiʼ bʉr wɨ́.

Yʉanes 3:10

Yésʉs, nye e né ó: «Gua yɨ́ɛ mʉr dí lɛ̂ʼla dí ɨ́ buú gúmlɔɔ ɨ́ kúl bʉ̂r o b'Ɨ́zraɛ̂l yɨ́yɛ̂h nyá, nzê gua, gó agʉ́a mílɔ̌b mîʼ ɛ̌?

Mɨlʉmlʉ 5:34

Nó ó yé á be ó e nyʉ́ʉ́ Farizyɛ̂n, díé lé Gamalyɛ̂l. Nye á be ó lɛ̂ʼla metié bʉ̂r bɨ́bɛ̂h bé á dwáawo nyá. Nye nzě tyɛ̂b témé bʉ̌m nɨ́nɨ́ɨ́. Nye ó, bé páa pyêl bʉ̂r o mílʉ́mlʉ́ kʉ̌l ɨ́ mâ jɔʼ.

1 Timotɛ 1:7

Bé gwɨ́m ó, bé díʼee olɛ̂ʼla o métié, bɨ́ɛ yɨ́ɛ agʉ́ǎ sá túʼ bé dí elɛ́ɛ yɨ́, nkʉ̂ pʉgʉ́ bá gʉ́a mílɔ̌b bé dí eboʼlo mí.