Lʉkas 2:36 - Kálar Nzyɛ̌m : Ejwán é Sáá

³⁶ Yé á be ntémé ó e nyʉ́ʉ́ mʉ́má ngwíha milɔ̌b mé Nzyɛ̌m, díé lé Ane. Nye á be ó mwân mé Fanuɛ̂l, ɨ́ mpóʼo mé Áser. Nye á be ó, nye mû sí buú jwɨm. Nye á si bâ nyʉ́ʉ́ mʉ́rʉ̂m, bé e njʉ̂m wé waá jaá dǐ njɨ mimbû nzaangbá,

Kálara Zyɛ̌m Edwán é mpʉ̌n

³⁶ Nuu mʉma ngwiha mɨlɔb, a be nteme ó tɨ, die le Ana, sile mo Fanuɛl, é l'eveh mo Aser. Nye a be ó, nye mu si bul jwɨm. É jɔʼ nye a be, nye dina ndu esehe e, nye a si to é l'eba boo nuu mʉrʉm. Bé e njʉm we waa di njɨ mɨmbu tambɛl,

Lʉkas 2:36 Iomraidhean Croise

Lʉkas 2:35

Nye ó sá ngá lɛ̂ʼlě mbi bíjwɨʼ bʉ̂r dí esʉsol ɨ́ milémé myɔ́ɔ́ bí. Gua mʉmá nyâ, ebúʼ, lé ókpâhla gó ɨ́ léme mpʉ pâsoŋ ɨ́ jɔʼ gó óbee bé lɨ́ esâ nyé nó yɨ́.»

Lʉkas 2:38

Nó mpʉ̌ Siméon á be lɨ́ elwib nó yɨ́, Ane ntɔ̂ʼ sîhle, nzě dwě Nzyɛ̌m kûm, nzě lwib e bʉr o bé e boo nɔ́ɔ́ nyé á didi bá. Bé ntémé, bé á si bóno mʉr ngá táǎ góo, le edwǐh kúl bʉ̂r o b'Ɨ́zraɛ̂l ɨ́ mpila ébébe nyá. Nye nzě lɛ́ɛ bʉ̂r ónɨ̌ bɨ́bɛ̂h sá yé á dumo e mwân waá yɨ́.

Mɨlʉmlʉ 2:18

Yé ó nó: ɨ́ melû maá, me óntɨh ósyɛ̂l o mésá bâm, bʉbá le bʉrʉ̂m, Sísǐm wâm. Bé ógwîh mílɔ̌b myâm.

Mɨlʉmlʉ 21:9

Nye á be ó e bibíŋ méséhe binâ. Byé á bɨbe ó, lɨ́ egwîh mílɔ̌b mé Nzyɛ̌m.

1 Korɛnt 11:5

Nó ó, mʉ́má nyɨɛ bé adyɛ̌l ntʉ̂m ɨ́ lʉ̂ ɨ́ jɔʼ nyé dí ejɨʼla, nkʉ̂ gwîh mílɔ̌b mé Nzyɛ̌m ɨ́ gwɨ́hlá yɨ́ nó, nyě sámlé ó njwɨ́ɨ wé. Sôn nyaá, nye ó mpʉ sôn mʉmá dí swɨ́ʼá lʉ̂ nyá.

1 Korɛnt 12:1

Bɨ́ɔɔ́ bâm! Okɛ́l bâm! Ɨ́ nkǒ páʼ míndwéá Sísǐm mé Nzyɛ̌m dí entɨh mɨ́ná gá mí, mě kpɛ̌l ó, bɨ̌n gʉ́ŋaa lɔ̌b waá ɨ́ pébébé.

1 Timotɛ 3:2

Nó yé jɨ ó, waá dí epála bʉ́ʉ́ nyá, díʼee mʉr dí, abe e nkul edweŋɔɔ mébě nyá. Nye díʼee njʉ̂m mʉmá ngwár. Nyé ajala le ebe mʉ̂r dí ede ményoʼ, puro nyá. Nye dwêʼ nyʉ̂l nyé medile. Nye díʼee mʉr dí e dúu nyá. Nye díʼee mʉr dí enʉa ójwóo, waá dí egʉ́a édwe bʉ̂r milɛ́ʼlá nyá,

1 Timotɛ 5:9

Go ócɛmǎ kúhó mʉ́má ɨ́ mekaná míé míkúho ó, waá mû e mimbû mekám mésaman wɨ́. Wé díʼee ntémé waá á be e njʉ̂m ngwár wɨ́.

Mɨngwiha 7:6

baá bó ónzweh mé Áser: otɔ́ɔ́sin kám le obá; baá bó ónzweh mé Nɛftalî: otɔ́ɔ́sin kám le obá; baá bó ónzweh mé Manasê: otɔ́ɔ́sin kám le obá;