Lʉkas 2:34 - Kálar Nzyɛ̌m : Ejwán é Sáá

³⁴ Píe tɨ̂, Siméon nzě syɛɛ bé metyéelé, lɨ́ elɛ́ɛ e Maria, nyɔ̌ŋ mé Yésʉs ó: «Mwán nyâ, nye ó waá Nzyɛ̌m á ntɨh ó, nye twêhlaa baá o dí ebeně Nzyɛ̌m bá, le egbɛl bʉ́ʉ́ sí, baá o dí ekpɛl nyé bá. Nye óbe ó le jwɨ̌ʼ, lɨ́ elɛ̂ʼle nkûl mé Nzyɛ̌m. Bʉ́ʉ́ bʉ̂r bɨ́ɛ, bé ósóŋlo nyê.

Kálara Zyɛ̌m Edwán é mpʉ̌n

³⁴ Pie tɨ, Simeɔn ze sʉ be mocyɛʼ mo mpom le elɛɛ e Maaria, nyɔŋ mo Yesʉs ó: «Mwan nwa, nye ó waa Zyɛm a ntɨh ó, nye twehla buobuo bwa b'Ɨzraɛl, le egbɛl bʉʉ. Nye óbe ó e l'ejwɨʼ ndɨ elɛʼle nkul mo Zyɛm ɨ. Bʉʉ bʉr bɛɛ, bé ótɨ mɨlɛa mye.

Lʉkas 2:34 Iomraidhean Croise

Mataos 11:19

Jɔʼ yɨ̂, Mwân mé Mʉr nyɨɛ, nyɨ́ kǎ pyâl: nye lɨ́ ede méde le menyoʼ. Bʉr baá nzě lɛ́ɛ ó: “Paá bee gá sâ ángʉ̂ngʉ̌l nɨ̌, nyʉnyóʼ, só bʉr o dí enʉǎ mɔnɨ́ tœ́a bá, só osyɛ̂l o mísyóm!” Sâ gwár, ocwóó mé Nzyɛ̌m wɨ́ɛ, wɨ́ kebe ɨ́ bisyɛ́ɛla bi dí eduho tɨ̂ʼ bí.»

Mataos 12:46

Yésʉs dína lɨ́ elwib e mentumo me bʉ̂r nɛ́ɛ: nyɔ̌ŋ wé, bé e bɨ́ɔɔ́ bé le okɛ́l bé ntɔ̂ʼ pyâl, tyɛ́bɔɔ̌ kʉ̌l, lɨ́ esáa ménzɨ̌ mé élɛ́ɛla e né.

Mataos 21:44

[Mʉr nyɨnyɛ̂h ócwe lɨ́ ekóʼ laá nyá, óbîʼ. Waá ékóʼ ngá bíla nyá, ósiǐ noʼ.]»

Mataos 27:63

Bé e né ó: «Dâ ɛ̌, bɨ̌h bé lɨ́ esímsa ó, ányâ-mikóǒ nɨ̌, ɨ́ jɔʼ nyé á be, nye dína ɨ́ twiʼ yɨ́, nye á kʉ bana lɛ́ɛ ó: “Lɨ́ elú élɛ̂l, me ópah.”

Lʉkas 2:35

Nye ó sá ngá lɛ̂ʼlě mbi bíjwɨʼ bʉ̂r dí esʉsol ɨ́ milémé myɔ́ɔ́ bí. Gua mʉmá nyâ, ebúʼ, lé ókpâhla gó ɨ́ léme mpʉ pâsoŋ ɨ́ jɔʼ gó óbee bé lɨ́ esâ nyé nó yɨ́.»

Yʉanes 3:20

Mʉr nyɨnyɛ̂h dí esâ syóm nyá, nye lɨ́ ekpɛ́ɛ̌ njʉl. Nyé abe lɨ́ enze ɨ́ gúmó wé dí yɨ́, ebě, nyě kpɛ́ɛ́ ó, misyóm myé, myé ámû jaá gwíhǎ kʉ̌l.

Yʉanes 5:18

Ɨ́ lɔ́ɔ́ wé waá ó óYúden bé á to dóló le esáa ó, bé jʉ́ ó nye yɨ́. Bé á bé asáa éjʉ̂ nyé njɨ ɨ́ lɔ̌b mémpéné mé móhó sábat nyé á ntaa má. Bé á sáa ejʉ̂ nye ntémé ó, ebě, nye á lɛ́ɛ ó, Nzyɛ̌m, nye ó sɔ́ŋ wé, ánta nye. Bʉr baá, bé á bee ó, nye á be lɨ́ epɨra e Nzyɛ̌m.

Mɨlʉmlʉ 13:45

Jɔʼ óYúden, bé á bee bím éntumo e bʉ̂r láa yɨ́, bé kʉ́ nzě sáŋɔɔ nzwíí, le epérɔɔ mékǎn Pɔ̂l á lɨ̂lɛɛ má, le elwɨ́ɔɔ nyê.

Mɨlʉmlʉ 17:6

Mpʉ bé á be akœb bé tɨ̂ʼ yɨ́, bê nzě tô le edulǒ Yásɔn ndu e bʉ́ʉ́ bɨ́ɔɔ́ bé sí e sí, tô e bê, tó pyâl nko ójwɨ́ɨ ó nkana bé á be yɨ́. Bê nzě táare élɛ́ɛ ó: «Bʉr bâ, bé á si ntɨ̂ʼ sí yɨ̂ʼ yɨ́yɛ̂h. Bé mû ntémé ó, sí bánǎ pyâl wâ.

Mɨlʉmlʉ 24:5

Bɨ̌h bé á si bee mʉr nyâʼ lɨ́ edulo óleŋéleŋé lɨ́ oYúden bɨ́bɛ̂h dí ɨ́ sí yɨ̂ʼ bá. Nye ntémé, nye ó dí lʉ́ nkɔ́m bʉr ó Nazarɛ̂t.

Mɨlʉmlʉ 28:22

Nó ó, bɨ̌h bé lɨ́ ekpɛl égʉ́ǎ mpʉ gó dí epahle mílɔ̌b myaá yɨ́, ebě, ɨ́ páʼ wɨ́h, sá bɨ́h bɨɛ dí egʉ́a yɨ́, yé ó, bé lɨ́ eswêʼ yébé waá ɨ́ bigúmó bíbyɛ̂h.»

Mɨlʉmlʉ 4:26

Ojwɨ́ɨ́ ó sí, bé á si tyɛ̂b ɨ́ tyé dɔ̂m. Minjwɨ́ɨbʉr, myé á sáa pɨʼ ó, bé lwímlaa e Dâ Nzyɛ̌m, bé e Mʉr nyé á lœm múló mé jwɨ́ɨ nyá.”

Mɨlʉmlʉ 6:7

Lɔ́ɔ́ mé Nzyɛ̌m ntɔ̂ʼ kpâhwǎ myaŋla. Tâŋ ompʉ́n ntɔ̂ʼ kpâhwǎ buo ɨ́ Yerʉ́zalɛm. Bʉr ɨ́ sɔ́má ópara ɨ́ buo buo nzě dyéʼɔɔ̌ koo e Yésʉs, lɨ́ esáŋɔɔ̌ Nzyɛ̌m mejóʼo.

Rôm 9:32

Bé á bé abi nkâm ɨ́ nzɨ̌ nyaá ɨ́ yé? Yé ó, ebě, bé á bé adyêʼ koo e Nzyɛ̌m. Bé á jaa dyɛ̂ʼwo ó, njɨ e bisyɛ́ɛla byɔ́ɔ́. Ɨ́ mpʉ bé á gwa bi nkam ɨ́ mbaʼlá métié wɔ́ɔ́ yɨ́, bê nzě twe téme-nzɨ̌. Bé á twe ó, lɨ́ ebɨm ébɔ̌ʼ lɨ́ ekóʼ.

1 Korɛnt 1:23

Ɨ́ wɨ́h pâʼ, bɨ̌h túnó ó Mbɨambɨa Lɔ́ɔ́ mé Krîst, mʉr á jʉ́ŋɔɔ ɨ́ kolôs kʉ́ nyá. Lɔ́ɔ waá, wé ó ebɔ̌ʼ e dí ebɨma óYúden ɨ́ miléme lɨ́. Wé ó lɔ́ɔ́ ógʉ̌ ɨ́ páʼ bʉ̂r o bíkúl bíswîh.

Ebrœ̂ 7:1

Mɛlkisédɛk waá á be ó njwɨ́ɨ nkanǎ Salɛ̂m. Nye ntémé á be ó njwɨ́ɨ opara lɨ́ esú é Nzyɛ̌m dí Lʉ́ bísá bíbyɛ̂h nyá. Ɨ́ jɔ̌ʼ Abraham á tô ɨ́ dɔm lɨ́ etó lwímla e bʉ́ʉ́ ójwɨ́ɨ yɨ́, mpúla nyé á búla, nyé osí ntaa bé ɨ́ dɔm yɨ́, Mɛlkisédɛk ntɔ̂ʼ tô, tó bɔma e né, nzě syɛɛ nyé metyéelé.

Ebrœ̂ 7:7

Yé abe e mʉr dí e nkul esóŋlǒ sá yɨ̂: le mʉr dí e dǐ nɨ́nɨ́ɨ́, le waá dí abe e yé nyá, waá dí e dǐ yaá nyá ó dí esyɛɛ nyʉ́ʉ́ metyéelé.

1 Pyɛr 4:14

Metyɛʼ me mpóm, mé díʼee e bɨ̌n ɨ́ jɔʼ bʉ̂r bé ópya bɨ́n ɨ́ lɔ̌b búʼó bɨ́n dí ebúʼlǎ Krîst yɨ́, ebě, Sísǐm mé Nzyɛ̌m, dí Sísǐm kûm wɨ́, wé lɨ́ edi ɨ́ bɨ̌n ɨ́ jɔʼ yaá.