Lʉkas 2:27 - Kálar Nzyɛ̌m : Ejwán é Sáá

²⁷ Jɔʼ yaá, nye ntɔ̂ʼ tô mpáh Nzyɛ̌m, mpʉ̌ Sísǐm mé Nzyɛ̌m wé á tɨ́e nye yɨ́. Nó ɨ́ jɔʼ óbyɛ̂l mé Yésʉs bé á pyâl e mwân wɔ́ɔ́ lɨ́ enzě lóŋlo étié Mékaná mé Nzyɛ̌m mé á tyêl obyɛ̂l o bwá ó bʉrʉ̂m lɨ́ yɨ́,

Kálara Zyɛ̌m Edwán é mpʉ̌n

²⁷ É jɔʼ yaa, nye a be ó é jahla bii mo Zyɛm mpʉ Mbɨambɨa Sisim a pa tɨe nye e. Pyala obyɛl mo Yesʉs, bé a pyal e mwan wɔɔ, ó bé duʼo motie Moyiz a tiile é nko paʼ obyɛl o bwa o bʉrʉm ɨ,

Lʉkas 2:27 Iomraidhean Croise

Mataos 4:1

Sísǐm mé Nzyɛ̌m ntɔ̂ʼ tô e Yésʉs ɨ́ lʉá. Nye á tô e né gʉ̂ʼ ó, sɔ́ŋ meleme tó bóblo nyê.

Lʉkas 2:22

Píe tɨ̂, jɔ̌ʼ Maria, bé e Yóseb, bé á jala le elóŋlo métié mé Moyɨ̂z yɨ́, yê nzě pyâl. Moyɨ̂z á tyêl baábyɛɛ́ etié ó, ábyɛɛ́ nyɨnyɛ̂h nyɛ́ɛ tó pubɔɔ píe byɛɛ́ ɨ́ mpáh Nzyɛ̌m. Bê nzě tô e mwân wɔ́ɔ́ Yerʉ́zalɛm, tó lɛ̂ʼlɔɔ̌ Dâ Nzyɛ̌m nyǎ.

Lʉkas 2:28

Siméon nzě nkɛ́ɛ mwân waá ɨ́ mebó mé, nzě dwě Nzyɛ̌m kûm. Nye ó:

Lʉkas 2:41

Mimbú mímyɛ̂h, obyɛ̂l mé Yésʉs, bé á be lɨ́ etʉ̂tǒ Yerʉ́zalɛm, lɨ́ etó bwal nzɔ́ɔ Páska gʉ̂.

Lʉkas 2:48

Jɔʼ óbyɛ́l bé, bé á bee nye yɨ́, bé ntɔ̂ʼ kâm nyê. Nyɔ̌ŋ wé nzě dî e né ó: «Mwánǎm, go ka sá bɨ́h mpʉʼ ɨ́ yé ɛ́? Paá bee: bɨ̌h e sʉ́ŋ, bɨ́ buú sáa gó, le esyɛ̌l bá.»

Lʉkas 2:51

Nó bé e boo nɔ́ɔ́, bé á swîʼ, tô Nazarɛ̂t. Nye á si sâ bé mejóʼo. Nyɔ̌ŋ á be lɨ́ ebɨbaʼle mílɔ̌b myaá mímyɛ̂h ɨ́ lémé wé tʉ́ŋlʉ̌.

Lʉkas 4:1

Yésʉs mû lwɨ́ŋlá e Sísǐm mé Nzyɛ̌m nɛ́ɛ: nye ntɔ̂ʼ duhǒ díbé Yɔrdên. Bé e Sísǐm mé Nzyɛ̌m ó b'á be ɨ́ lʉá.

Mɨlʉmlʉ 10:19

Pétrus, nye dína lɨ́ epahle ésimá nyé á bee lɨ́ nɛ́ɛ: Sísǐm mé Nzyɛ̌m ntɔ̂ʼ lɛ́ɛ e né ó: «Gó dí edǐ nɨ̌, bʉr olɛ̂l, bé ó wâʼ lɨ́ esáa gô.

Mɨlʉmlʉ 11:12

Nó ó Sísǐm mé Nzyɛ̌m, wé á lɛ́ɛ e me ó, bɨ̌h le onɔ́ɔ́ tôʼ. Wé á lɛ́ɛ ó, me ayɨ́ líʼa lɨ́ etô. Bɨ́ɔɔ́ ósaman bâ, bé ntémé, bé á si tô ɨ́ sɔ́má tyen yâm ɨ́ Kesáre. Bɨ̌h le onɔ́ɔ́ ó b'á to nî mbɛ̌r mé nyʉ́ʉ́ mʉ̂r.

Mɨlʉmlʉ 16:7

Jɔʼ bé á be, bé mû lɨ́ ekúnwo e sí Misía yɨ́, bê nzě sáa étô sí Bitinî. Sâ gwár, Sísǐm mé Yésʉs, wé á bé akam.

Mɨlʉmlʉ 8:29

Sísǐm mé Nzyɛ̌m ntɔ̂ʼ lɛ́ɛ e Philippe ó: «Síhláa. Tó dǐ bǎʼ e kálîʼ.»

Galásia 4:4

Yé ntɔ̂ʼ kǎ pyâl mbɨambɨa jɔ̌ʼ Nzyɛ̌m á boo tyêl yɨ́. Jɔʼ yaá ó Nzyɛ̌m á nze ntɨh Mwân wé, ó nye ntáa nzě byɛ̂l ɨ́ mo nyʉ́ʉ́ mʉ́má. Mwân waá á be ó, ɨ́ mpila métié tʉ́ŋlʉ̌.

Mɨngwiha 1:10

Ɨ́ gúú móhó sábat, me á be ó, ɨ́ nkul Sísǐm mé Nzyɛ̌m. Nó ó mé á jóʼo twíí lɨ́ elwib ɨ́ koo wâm píhe, lɨ́ enwɨɨla e sébé. Nye á lwib ó kʉ́kʉ́.

Mɨngwiha 17:3

Tyé e tyé yaá, me á be ó ɨ́ nkul Sísǐm mé Nzyɛ̌m. Éngeles nzě tô e me ɨ́ lʉá. Me nzě bee mʉ́má tɨ̂, ndîndǐl ɨ́ tír kʉ́. Tír waá á be ó e nyʉ̂l ɨ́ cʉʼ. Nye ntémé e míe micɛmá ɨ́ nyʉ̂l e nyʉ̂l, maá mé á pya Nzyɛ̌m má. Tír waá ntémé e milʉ̂ nzaangbá ndu e bintóo kám.