Lʉkas 2:26 - Kálar Nzyɛ̌m : Ejwán é Sáá

²⁶ Sísǐm mé Nzyɛ̌m, wé á si boo lɛ́ɛ e né ó, nye apǎ dwe, nye óbee mʉ̂r Nzyɛ̌m á lœm múló mé jwɨ́ɨ nyá.

Kálara Zyɛ̌m Edwán é mpʉ̌n

²⁶ Nye a si bɛa lɛɛ e nye é zi Mbɨambɨa Sisim ó, nye óbee Lœma mulo mo Zyɛm Da a kɛʼ ɛ, nye l'apa dwè.

Lʉkas 2:26 Iomraidhean Croise

Mataos 2:12

Píe tɨ̂, Nzyɛ̌m nzě cɨ̂l bé ɨ́ nzɨ̌ bilíma ó, bé ayɨ́ báʼǎ búla, tô kwá mé Erôd. Bé á to kumo kwár nyɔ́ɔ́ ó, kǎ cɨɔɔ ɨ́ nzɨ̌ swîh.

Lʉkas 2:29

«Dâ ɛ̌, gʉ́ kʉ́ sâ mpʉ gó á pa kɛʼ me yɨ́. Gʉ́ sâ ó, me láŋaa ɨ́ twiʼ yɨ̂ le mepyɛbla ɨ́ léme.

Lʉkas 9:27

Mě lɛ́ɛ́ bɨ́n lɨ́ otyeetye ó, ɨ́ sɔ́má bʉ̂r o dí wâʼ báánâʼ bá, bʉ́ʉ́ bé ákóʼó dwe, apǎ bee Mpóʼo mé Nzyɛ̌m.»

Yʉanes 1:41

Nó ó, mʉr esôʼ André á nyɛɛ to kœb nyá, á be ó mɨ́ɔɔ́ wé, Simon. Nye e né ó: «Bɨ̌h bɨ́ kœ̌b Mesî!» (Njɨ́blɨ́ waá, wé páʼlɔ́ɔ́ ó: “Krîst: Mʉ̌r Nzyɛ̌m á lœm múló mé jwɨ́ɨ nyá.”)

Yʉanes 20:31

Sá mé mû sí cɛma bɨ́n ɨ́ mekaná mâʼ yɨ́, yé ó, bɨ̌n bûʼlaa ó, Yésʉs ó dí Mʉ̌r Nzyɛ̌m á lœm múló mé jwɨ́ɨ nyá, nye ntémé, nye ó Mwân mé Nzyɛ̌m. Bɨ́n sí dyɛ̂ʼwo e né nó, bɨ̌n bé óbǐ twiʼ ɨ́ nzɨ̌ nyé.

Yʉanes 4:29

«Ntaá nzě bee gá mʉr. Nyɨ́ lɛ́ɛ mé sá yɨ́yɛ̂h mé á sâ yɨ́. Nzê nye óbɛ̌m be Mʉ̂r Nzyɛ̌m á lœm múló mé jwɨ́ɨ nyá ɛ́?»

Yʉanes 8:51

Mě lɛ́ɛ́ bɨ́n lɨ́ otyeetye ó, mʉr óbaʼlě lwǐb yâm nyá, nye ákǎ dwe.»

Mɨlʉmlʉ 10:38

Bɨ̌n bé lɨ́ egʉ́a ntémé mpʉ̌ Nzyɛ̌m á lœm Yésʉs, mʉr Nazarɛ̂t, Sísǐm wé, le edwe nyé ánɨ̂nɨ̂n nkul yɨ́. Bɨ̌n bé lɨ́ egʉ́a ntémé mpʉ̌ Yésʉs á tye mésí e mésí, lɨ́ etô le esâ émbɨa, le etiʼ baá bɨ́bɛ̂h bé á jɨjaʼra e mpél mé sɔ́ŋ meleme bá yɨ́, ebě, bé e Nzyɛ̌m ó b'á be.

Mɨlʉmlʉ 17:3

Nye ntɔ̂ʼ sâ ó, bé gʉ́ŋaa ó, Krîst á si jala le edûhwo mítúú, dwe, nzě pah, duho lɨ́ odwe. Nye á si lɛ́ɛ ntémé bé ó: «Yésʉs mé dí elwib, dumo e né nyá, nye ó Krîst: Mʉ̌r Nzyɛ̌m á lœm múló mé jwɨ́ɨ nyá.»

Mɨlʉmlʉ 2:36

«Bʉr bɨ́bɛ̂h o dí wâʼ ɨ́ sí Ɨ́zraɛ̂l bá, bé lɨ́ ekʉ́ gʉ́ǎ lɔ̌b waá: Yésʉs waá, nye ó bɨ́n á jʉ̂ lɨ́ ebomlo nyé e binzâŋ, bɨ́nɔɔ nyé ɨ́ kolôs kʉ́ nyá. Nye ó Nzyɛ̌m á tyêl Tî gá wɨ́ná, waá nyé á lœm múló mé jwɨ́ɨ nyá.»

Mɨlʉmlʉ 9:20

Píe tɨ̂, nye nzě táare élɛ́ɛ̌ lɔ́ɔ́ dí edumo e Yésʉs wɨ́ ɨ́ mempáh mínjɨʼla mé óYúden. Nye á lɨlɛ́ɛ e bé ó, Yésʉs ó dí Mwân mé Nzyɛ̌m.

Ebrœ̂ 11:5

Búʼó mé Énɔk ó b'á sâ ó, nye ayɨ́ dwe. Nye á si bana bɨ́nɔɔ kʉ́, kumo ɨ́ kwár mé Nzyɛ̌m. Yé á bé abe e mʉr á baʼa bee nye, ebě, Nzyɛ̌m á si nʉa nye. Yê cɛmá ó, Énɔk apǎ bére kʉ́, Nzyɛ̌m á si boo bee nye mbɨ̂mbɨá.