Lʉkas 2:14 - Kálar Nzyɛ̌m : Ejwán é Sáá

¹⁴ «Kûm mé Nzyɛ̌m, nye lɨ́ elóŋlǒ jʉ́ó dí elaǎ jʉ́o le ejwoo le baántɛ́n yɨ́. Bʉr ó sí, bé díʼee e mepyɛbla páʼ nyɔ́ɔ́, ebě, Nzyɛ̌m, nyɨ́ bee bé mbɨ̂mbɨá.»

Kálara Zyɛ̌m Edwán é mpʉ̌n

¹⁴ «Kum mo Zyɛm, nye bera kʉ, laa jobo e l'ejyoo le ebantɛn. Bʉr o si nwa, bé diʼe é motala, ebe, Zyɛm, nyi bee be mbɨmbɨa.»

Lʉkas 2:14 Iomraidhean Croise

Mataos 21:9

Le bʉr o b'á nze tô nye dóló, le baá bé á dû nye píhe bá, bé á be lɨ́ ebʉ̂ bítím. Bé á lɨlɛ́ɔɔ ó: «Kûm díʼee ɨ́ Mwân mé David. Mɨná gúmláá gá waá dí enze e díé mé Dâ nyá! Bʉr o dí ɨ́ jʉ́o kʉ́ bá, gúmláá gá nye.»

Lʉkas 1:79

Nye ókʉn ntémé menzɨ̌ me bʉ̂r o b'á bɨbe lɨ́ edúrʉ́ʉ́ bá. Baá bé á bɨbe ɨ́ ka sóo bá, bé mû ó, sí tiʼe. Nye ólɛ̂ʼle mɨ́ná gá mpʉ mɨ́ná jálá le edûdu gá kʉ̌ tyen mpâ, mɨ́ná gá le onɔ́ɔ́ nkʉ̂ didi ɨ́ mepyɛbla yɨ́.»

Lʉkas 19:38

Bé á lɨlɛ́ɛ ó: “Mɨná gúmlaa gá njwɨ́ɨ dí enze e díé mé Dâ Nzyɛ̌m nyá. Kwár mé Nzyɛ̌m, nye lónaa ɨ́ mepyɛbla. Bʉr o dí ɨ́ jʉ́o kʉ́ bá, bé dwêʼ Nzyɛ̌m kûm.”

Lʉkas 2:13

Tyé e tyé yaá, sɔ́má bééngeles, yê nzě duho ɨ́ jʉ́o kʉ́, nzě kœb éngeles waá. Bé e nɔ́ɔ́ bɨ́bɛ̂h ntɔ̂ʼ gúmlǒ Nzyɛ̌m. Bé ó:

Lʉkas 2:15

Jɔʼ bééngeles, bé á líʼe bê, ntɔ̂ʼ báʼǎ bérɔɔ ɨ́ jʉ́o kʉ́ yɨ́, nó ó ópála o bínteme, bé á nze lɛ́ɛla páʼ nyɔ́ɔ́ ó: «Ncʉ̂ʼ gá Bétɛlɛhɛm. Mɨná tô bee gá sâ syɛ́ɛ́ gʉ̂ʼ yɨ́, mpʉ̌ Dâ Nzyɛ̌m tɨ́é mɨ́ná gá yɨ́.»

Lʉkas 3:22

Sísǐm mé Nzyɛ̌m nzě sulǒ mpʉ épɨbaa, nzě berwo nyé ɨ́ nyʉ̂l. Etyêl nzě duho ɨ́ jʉ́o kʉ́, lɨ́ elɛ́ɛ ó: «Go ó mwân wǎm mé dí ɨ́ buú kpɛl nyá. Sʉhʉʉ yâm yɨ́yɛ̂h, yé e go.»

Yʉanes 14:27

«Mepyɛbla ó mé líʼé bɨ́n e mǎ nɨ̌. Mepyɛbla mâm ó mé dwé bɨ́n nɨ̌. Mé adwe bɨ́n mǎ mpʉ bʉ̂r ó sí yɨ̂ʼ dí edwe bɨ́n bisɔ̂ʼ, kǎ sûʼlǎ dɛn byé yɨ́. Bisɨ́ǎ bî, byé ayɨ́ tɨ̂l bɨ́n mekʉ̌ sí. Ayɨ́ jóʼo gá bʉ́á.

Yʉanes 17:4

Me á si lɛ̂ʼle bʉr kûm nyǒ ɨ́ sí yɨ̂. Mɨ́ sîl syɛ́ɛ́ gó á dwe me ó, me séaa yɨ́.

Yʉanes 3:16

Ebě, kpɛ̌l Nzyɛ̌m á bu kpɛl bʉr ó sí yɨ̂ʼ yɨ́, nye á be ɨ́ dwe Étíʼé é Mwân lé ó, ɨ́ sɔ́má bʉ̂r bɨ́bɛ̂h, mʉr ngá dyɛ̂ʼwo e né nyá, nye ádîm ɨ́ nkɔb bʉr, ebě, nye mû ó e twǐʼ njʉ̌m dǐ.

Mɨlʉmlʉ 10:36

Bɨ̌n bé lɨ́ egʉ́ǎ lɔ́ɔ́ Nzyɛ̌m á lɛ́ɛ bʉr o b'Ɨ́zraɛ̂l wɨ́. Mbɨambɨa Lɔ́ɔ waá, wé ó waá mépyɛbla bʉ̂r dí ebi ɨ́ nzɨ̌ mé Yésʉs-Krîst, dí Njwɨ́ɨbʉr bɨ́bɛ̂h nyá wɨ́.

Rôm 5:1

Nzyɛ̌m á be ɨ́ dwe mɨ́ná gá nkam ɨ́ lɔ̌b búʼó gá yɨ́ná. Sá tɨ̂ʼ ó mɨ́ná gá e Nzyɛ̌m mû mbɨ̂mbɨá ɨ́ nzɨ̌ Tî gá wɨ́ná, Yésʉs-Krîst yɨ́.

Éfɛsɔs 1:6

Mɨná dwêʼ gá nye dúu ndu e kûm ɨ́ lɔ̌b mpâm nyé! Nyɨ́ buú cwɨ́a e mɨná gá e nzɨ̌ Mwâ kpɛ̌l wé.

Éfɛsɔs 1:9

Nyě títyɛ́b mɨ́ná gá ɨ́ miléme ó, mɨná gʉ́ŋaa gá mitíʼá mí lémé wé, myaá myé á boo lɛ́ɔɔ ɨ́ lwǐb ódîm mí. Yé ó sá nyé á nyɛɛ jwɨʼ, kǎ sâ ɨ́ kpɛ̌l yé nye mʉr tɨ̂ʼ yɨ́.

Éfɛsɔs 2:4

Tó kœb ó, Nzyɛ̌m, nye ɨ́ buú jɨ̂ʼ mɨ́ná gá nkoó. Nó nyé á nze lɛ̂ʼle mɨná gá mpʉ nyé á bu kpɛl mɨná gá kpɛ̌l ápurapúra yɨ́.

Éfɛsɔs 2:7

Nye á cwɨ́a e mɨná gá nó ó, lɨ́ esú lé élɛ̂ʼle mímyǎ mímyɛ̂h mi dí ebyɛ̂l mí, kpɛ̌l yé dí ápurapúra, dí elaa byúú bíkpɛ̌l bíbyɛ̂h yɨ́. Nye á sâ mɨná gá embɨa laá ó, ɨ́ mpúhlá gá nyɨ́ná e Yésʉs-Krîst.

Filipi 2:11

Nó ntémé ó mʉ̂r nyɨnyɛ̂h ókam ó, Yésʉs-Krîst ó dí Tî yɨ́. Nye ósâ nó ó, lɨ́ ebeʼ kûm mé Nzyɛ̌m Sɔ́ŋ.

Filipi 2:13

Ebě, Nzyɛ̌m ó dí edwe bɨ́n gwɨ́má édû nzɨ́ mpâ nyaá. Nye ntémé ó dí edwe bɨ́n nkul ó, bɨ̌n jánaa tɨ̂ʼ mbɨ̂mbɨá.

Kolosi 1:20

Nye á tíʼe ntémé ɨ́ lémé wé ó, milɔ̌b mi dí páʼ bé e bʉr bɨ́bɛ̂h mí, nyě komló myé ó, ɨ́ nzɨ̌ Mwân wé. Nzyɛ̌m á sâ saá e bʉr ó, ɨ́ nzɨ̌ metié me Mwân wé á dwe ɨ́ kolôs kʉ́ nyá. Damá jóʼo bísâ bi dí kâʼ sí bí, damá be byaá bi dí ɨ́ jʉ́o kʉ́ bí: Nzyɛ̌m á gbâ bʉr bɨ́bɛ̂h mepyɛbla ɨ́ miléme ó, duho lɨ́ eswɨɨ e métié mé Krîst mé á swɨɨ sí lɨ́.

2 Tesalonika 2:16

Nó ó, Tî gá wɨ́ná Yésʉs-Krîst mʉr tɨ̂, ti e Nzyɛ̌m Sɔ́ŋ gá wɨ́ná, waá á lɛ̂ʼle mɨ́ná gá kpɛ̌l nyá, waá dí egbâ mɨ́ná gá nkul ɨ́ miléme, nyaá dí asíesie nyɨ́, waá dí elɛ̂ʼle mɨ́ná gá mpam, le egbâ mɨ́ná gá mpûʼla ɨ́ miléme nyá, nye gbâʼ bɨ̌n nkul ɨ́ miléme. Nye gbâʼ bɨ̌n pîm ɨ́ búʼó. Nye tyɛ́bɨɨ bɨ̌n ɨ́ miléme, ó bɨ̌n sâʼ bisyɛ́ɛla bimpâ, le elɛ́ɛ mílɔ́ɔ́ mímpâ, mimbi mímyɛ̂h.

Mɨngwiha 5:13

Nó ó, me nzě jóʼo bísá bíbyɛ̂h Nzyɛ̌m á komlo bí lɨ́ elwib, le byaá bi dí ɨ́ jʉ́o kʉ́ bí, le byaá bi dí ɨ́ sí yɨ̂ʼ bí, le byaá bi dí tʉ́ŋlʉ̌ bibwǎh bí, ndu e byaá bi dí ɨ́ mâŋ bí. Bíbyɛ̂h, byê nzě dyɛɛ́ jɨ̂m. Bé ó: «Kûm, le dúu le nkul, byé ó, ɨ́ waá dí ndîndǐl ɨ́ mecwɨ́ɨ́ mé jwɨ́ɨ nyá, bé e Mâ Nteme, njʉ̌m dǐ e njʉ̌m dǐ!»