Lʉkas 2:11 - Kálar Nzyɛ̌m : Ejwán é Sáá

¹¹ Ɨ́ pum wɨ̂ʼ ɨ́ nkana mé David, Tiʼbʉr wɨ́n, nyɨ́ byɛ̂l! Nye ó Mʉ̌r Nzyɛ̌m á lœm múló mé jwɨ́ɨ nyá. Nye ó dí ntémé Tî gá wɨ́ná!

Kálara Zyɛ̌m Edwán é mpʉ̌n

¹¹ É pum wi, é nkana mo David, Tiʼbʉr win, nyi byɛl! Nye ó Lœma mulo mo Zyɛm le Tî ga wina.

Lʉkas 2:11 Iomraidhean Croise

Mataos 1:16

Yákɔb byâ Yóseb, njʉ̂m mé Maria. Maria ó b'á byâ Yésʉs, bé dí ejébě “Krîst”. Díe laá, lé páʼlɔ́ɔ́ ó, Mʉ̌r Nzyɛ̌m á lœm múló mé jwɨ́ɨ nyá.

Mataos 1:21

Nye óbyâ mâ mʉrʉ̂m. Go ójwɨr nyé “Yésʉs”, ebě, nye ó ngá tǐʼ kúl yé, lɨ́ etáǎ góo, le edwih yé ɨ́ mpila mísyóm, pɛʼ yé ɨ́ fá.»

Mataos 16:16

Simon Pétrus ntɔ̂ʼ yala ó: «Go ó Mʉ̌r Nzyɛ̌m á lœm múló mé jwɨ́ɨ nyá. Go ó Mwân mé Nzyɛ̌m dí kublakúbla nyá.»

Mataos 16:20

Yésʉs ntɔ̂ʼ gbâ ómpʉ́n bé mpéné ó, bé l'anyamlě lɛ́ɛ mʉ̂r ó, nye ó Mʉ̌r Nzyɛ̌m á lœm múló mé jwɨ́ɨ nyá.

Lʉkas 1:43

Nyɔ̌ŋ mé Tî wǎm bana nze bee mé ɨ́ yé ɛ́?

Lʉkas 1:69

Nyɨ́ ntɨh mɨ́ná gá tiʼbʉr dí ɨ́ lele nkûl nyá. Nye ó mʉr mbɛ̌r bʉ̂r mé David, á be syɛ̂l mesâ mé Nzyɛ̌m nyá.

Lʉkas 2:26

Sísǐm mé Nzyɛ̌m, wé á si boo lɛ́ɛ e né ó, nye apǎ dwe, nye óbee mʉ̂r Nzyɛ̌m á lœm múló mé jwɨ́ɨ nyá.

Lʉkas 2:4

Nó ntémé ó Yóseb á nze duhǒ Nazarɛ̂t ɨ́ sí Galilê, nzě nkɛ́ɛ, lɨ́ etô sí Yʉ́da. Tɨ̂ʼ ó nyé á tô, nkǒ nkana yé, Bétɛlɛhɛm, gúmó njwɨ́ɨ David á byɛ̂l yɨ́. Nye á tô gʉ̂ʼ ó, ebě, nye á be ó mʉr mbɛ̌r bʉ̂r mé David.

Yʉanes 1:41

Nó ó, mʉr esôʼ André á nyɛɛ to kœb nyá, á be ó mɨ́ɔɔ́ wé, Simon. Nye e né ó: «Bɨ̌h bɨ́ kœ̌b Mesî!» (Njɨ́blɨ́ waá, wé páʼlɔ́ɔ́ ó: “Krîst: Mʉ̌r Nzyɛ̌m á lœm múló mé jwɨ́ɨ nyá.”)

Yʉanes 1:45

Píe tɨ̂, Philippe nzě tó beě Natanaɛ̂l. Nye e né ó: «Bɨ̌h bɨ́ bee mʉ̂r, waá Moyɨ̂z á boo cɛma ɨ́ lɔ̌b wé ɨ́ mekaná métié, maá ógwíha o mílɔ̌b bé á cɛma ɨ́ lɔ̌b wé má. Mʉr waá, nye ó dí Yésʉs, mwân mé Yóseb, mʉr Nazarɛ̂t.»

Yʉanes 11:27

Nye e né ó: «Dâ ɛ̌, me lɨ́ ekʉ́ gʉ́a nó. Mɨ́ bûʼla ó, go ó dí Mʉ̌r Nzyɛ̌m á lœm múló mé jwɨ́ɨ nyá. Go ntémé, go ó Mwân mé Nzyɛ̌m, mʉr á be ó, nye ónze ɨ́ sí yɨ̂ʼ nyá.»

Yʉanes 20:31

Sá mé mû sí cɛma bɨ́n ɨ́ mekaná mâʼ yɨ́, yé ó, bɨ̌n bûʼlaa ó, Yésʉs ó dí Mʉ̌r Nzyɛ̌m á lœm múló mé jwɨ́ɨ nyá, nye ntémé, nye ó Mwân mé Nzyɛ̌m. Bɨ́n sí dyɛ̂ʼwo e né nó, bɨ̌n bé óbǐ twiʼ ɨ́ nzɨ̌ nyé.

Yʉanes 4:25

Mʉmá, nye e né ó: «Me lɨ́ egʉ́a ó, Mesî ónze.» (Díe laá, lé páʼlɔ́ɔ́ ó, “Krîst: Mʉ̌r Nzyɛ̌m á lœm múló mé jwɨ́ɨ nyá.”) «Jɔʼ nyé ónze yɨ́, nye ógwá kʉ́ lɛ̂ʼle gá mɨná sá yɨ́yɛ̂h.»

Yʉanes 4:42

Bʉr baá, bê nzě lɛ́ɛ mʉ́má nɨ̌ ó: «Ɨ́ báánâ, bɨ̌h bé akǎ dyɛ̂ʼwo e né njɨ ɨ́ lɔ̌b lɔ́ɔ́ gô lɛ́ɛ́ bɨ́h wɨ́, ebě, bɨ̌h bʉr o tɨ̂, bɨ̌h bɨ́ jóʼǒ lwǐb yé le ekʉ́ gʉ́a ntémé ó, ɨ́ sí yɨ̂ʼ yɨ́yɛ̂h, nye ó dí bánǎ be Tiʼbʉr.»

Yʉanes 6:69

Ɨ́ báánâ, bɨ̌h bɨ́ bûʼla le egʉ́a ó, go ó dí kwahaá Mʉr mé Nzyɛ̌m dí ti nyá!»

Yʉanes 7:41

Bʉ́ʉ́, bé ó: «Nye ó Mʉ̌r Nzyɛ̌m á lœm múló mé jwɨ́ɨ nyá.» Bʉ́ʉ́ ntémé, bé ó: «Nzê mʉr waá, nyě e nkul eduhǒ sí Galilê ɛ̌?

Mɨlʉmlʉ 10:36

Bɨ̌n bé lɨ́ egʉ́ǎ lɔ́ɔ́ Nzyɛ̌m á lɛ́ɛ bʉr o b'Ɨ́zraɛ̂l wɨ́. Mbɨambɨa Lɔ́ɔ waá, wé ó waá mépyɛbla bʉ̂r dí ebi ɨ́ nzɨ̌ mé Yésʉs-Krîst, dí Njwɨ́ɨbʉr bɨ́bɛ̂h nyá wɨ́.

Mɨlʉmlʉ 13:23

Nyʉ́ʉ́ ntâ mé David waá á be ó Yésʉs, Tiʼbʉr gá wɨ́ná. Nye ó Nzyɛ̌m á tyêl ɨ́ kúl bʉ̂r o b'Ɨ́zraɛ̂l, lɨ́ edû mpʉ nyé á boo kɛʼ bé yɨ́.

Mɨlʉmlʉ 17:3

Nye ntɔ̂ʼ sâ ó, bé gʉ́ŋaa ó, Krîst á si jala le edûhwo mítúú, dwe, nzě pah, duho lɨ́ odwe. Nye á si lɛ́ɛ ntémé bé ó: «Yésʉs mé dí elwib, dumo e né nyá, nye ó Krîst: Mʉ̌r Nzyɛ̌m á lœm múló mé jwɨ́ɨ nyá.»

Mɨlʉmlʉ 2:36

«Bʉr bɨ́bɛ̂h o dí wâʼ ɨ́ sí Ɨ́zraɛ̂l bá, bé lɨ́ ekʉ́ gʉ́ǎ lɔ̌b waá: Yésʉs waá, nye ó bɨ́n á jʉ̂ lɨ́ ebomlo nyé e binzâŋ, bɨ́nɔɔ nyé ɨ́ kolôs kʉ́ nyá. Nye ó Nzyɛ̌m á tyêl Tî gá wɨ́ná, waá nyé á lœm múló mé jwɨ́ɨ nyá.»

Mɨlʉmlʉ 5:31

Nzyɛ̌m, nyɨ́ bɨ̂r nyé kʉ́, dil nyé ɨ́ mbó éjʉ́m wé ɨ́ ntuuu, tyêl nyé ɨ́ dǐ Tî, ti e dǐ Tiʼbʉr. Nye á sâ nó ó, lɨ́ esú lé édib bʉ̂r o b'Ɨ́zraɛ̂l nzɨ̌ etúmo míkoo e misyóm myɔ́ɔ́, le edwira míléme, ó nye pɛ́ʼɛɛ bibaa bí ébébe nyé á niʼe bé bí.

1 Korɛnt 15:47

Ádam esôʼ á meŋɔɔ ó e bibwǎh. Ádam mbá á duho ó, ɨ́ jʉ́o kʉ́.

Filipi 2:11

Nó ntémé ó mʉ̂r nyɨnyɛ̂h ókam ó, Yésʉs-Krîst ó dí Tî yɨ́. Nye ósâ nó ó, lɨ́ ebeʼ kûm mé Nzyɛ̌m Sɔ́ŋ.

Filipi 3:8

Yé ó nó! Me mû lɨ́ ebee bísâ byaá bíbyɛ̂h ó, byé ó dwêh, ebě, sá dí ɨ́ buú mbɨa yɨ́, yé ó, me dúʼoo Yésʉs. Me á si gwa sû mpǎŋ bisɔ̂ʼ, ebě, sá dí ɨ́ buú mbɨa yɨ́, yé ó, me gʉ́ŋaa Tî wǎm Yésʉs-Krîst. Ebe mé dí edyɛ̂ʼwo e né, me á si bîr bisá bíbyɛ̂h byé á nyɛɛ be e nyɔm ɨ́ páʼ wâm bí. Nó ó, me mû bee byé ó, mpʉ̌ sá jálá le emyahɔɔ̌ dwǐʼ yɨ́. Mě bír byé nó ó, jáŋá me nkʉ̂ bi mâm myɛ́na. Mé óbe ó Krîst.

Kolosi 2:6

Mpʉ yê tyeetye ó, bɨ̌n bé á si bi Yésʉs-Krîst tâŋ Njwɨ́ɨ wɨ́n yɨ́, diʼee gá ɨ́ mpúhlá e né.

1 Yʉanes 4:14

Mɨná bɨ́ bee gá sá mɨ́ná tʉ́tó gá le eboʼlo yɨ́. Mboʼlá gá wɨ́ná, wé ó wɨ̂: Dâ Nzyɛ̌m á ntɨh Mwân wé ó, nye díʼee Tiʼbʉr ɨ́ sí yɨ̂ʼ yɨ́yɛ̂h.

1 Yʉanes 5:1

Mʉr nyɨnyɛ̂h dí ebúʼla ó, Yésʉs, nye ó Mʉ̌r Nzyɛ̌m á lœm múló mé jwɨ́ɨ nyá, nyɨ́ byɛ̂l e nzɨ̌ nkul mé Nzyɛ̌m. Mʉr nyɨnyɛ̂h dí ekpɛl sɔ́ŋ nyá, nye lɨ́ ekpɛl ntémé mwân wé.