Lʉkas 19:9 - Kálar Nzyɛ̌m : Ejwán é Sáá

⁹ Nó ó Yésʉs á nze lɛ́ɛ e né ó: «Mbɛ̌r bʉ̂r wɨ̂, wɨ́ tiʼe mûh, ebě, mʉr nyâʼ ntémé, nye ó nta mé Abraham.

Kálara Zyɛ̌m Edwán é mpʉ̌n

⁹ No ó, Yesʉs a lɛɛ e nye ó: «Bʉr o mbɛr wi, bɨ bi tiʼ molu mo mpoʼ mɨmɛh muh, ebe, mʉr nwaʼ nteme, nye ó ma nta mo Abraham.

Lʉkas 19:9 Iomraidhean Croise

Lʉkas 13:16

Mʉmá nyâ, nye ó nta mé Abraham. Sátan nyɨɛ, nyɨ́ boó kâʼ nyé menkara. Nye mû kɛ́ʼá ó, tâŋ mimbû kám e mwom. Bintœœ pǎ nyɛɛ́ tiɔɔ ɨ́ móhó sábat, á dwɛʼra e mʉr!»

Lʉkas 13:30

Bʉr o dí ɨ́ báánâʼ mepíhe bá, bé ótyɛ̂b mésôʼ. Baá dí báánâʼ mesôʼ bá, bé ókǎ tyɛ̂b mépíhe.»

Lʉkas 16:24

Nye ntɔ̂ʼ bʉ̂ édwê. Nye ó: “Dâ Abraham ɔ́, jɨ́ʼɨ́ɨ́ mé nkoó ɔ̌! Lómláá mé Lazare, nye dúbaa odumo ó diné yé ɨ́ medíbé, nye e nzé dwě jɨ́m yâm metala ɔ̌, ebě, me lɨ́ ebuú jaʼra e siʼe ɨ́ minjʉl mî.”

Lʉkas 16:30

Kúmá, nye ó: “Dâ Abraham ɔ́, bím yaá, yé ajala. Sâ gwár, mʉ̂r óduho lɨ́ odwe, tó kœb bé nó, bé ótúmo míkoo e mebébe mɔ́ɔ́, le edwira mílémé ɔ́ɔ̀ɔ́.”

Lʉkas 2:30

Ebě, míh mâm, mɨ́ beě twiʼ yô,

Lʉkas 3:8

Gúmáá gá mimpaŋ mi mpúmó mi dí ejala e bʉr o mû sí dwira míléme bá. Atáare gá le elɛ́a páʼ nyɨ́n ó: “Ɨ́ páʼ gá wɨ́ná, mɨná gá bɨɛ, bé e sɔ́ŋ ó, Abraham,” ebě, mě lɛ́ɛ́ bɨ́n ó, Nzyɛ̌m óbɛ̌m liŋ mékóʼ mâʼ bwá mé Abraham!

Rôm 4:16

Nzyɛ̌m á kɛʼ Abraham, bé le onta bé, sí yɨ̂ʼ ó, ɨ́ lɔ̌b búʼó Abraham á bûʼla nye yɨ́. Nkɛ̌ʼ nyaá, nye bé ó, ntinɨ̂ e ntinɨ̂ njʉ̌m dǐ e njʉ̌m dǐ. Yé á syɛ́ɛ nó ó, Nzyɛ̌m nkʉ̂ dwe bé nyǎ edwɛ́na. Nyě kɛ̌m ó, onta mé Abraham bɨ́bɛ̂h. Yé abe ó, nye á jaa dwe nkɛ̌ʼ nyaá ó, njɨ bʉr o dí ebaʼle métié bá. Nye á kɛʼ ntémé ó, bʉr o dí edyêʼ koo e né, baá o dí enwɨɨla le Abraham ɨ́ nkǒ páʼ búʼó bá. Ebě, Abraham, nye ó sɔ́ŋ gá wɨ́ná, mɨná gá óbɛ̂h. Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó:

Galásia 3:14

Yésʉs-Krîst á dwih mɨná gá ɨ́ mpila ébébe nó ó, lɨ́ esú é bʉ̂r o bíkúl bíswîh. Nye mû ó lɨ́ enzě ntɛŋ bɨ́n metyɛʼ me mpóm Nzyɛ̌m á kɛʼ Abraham ó, nye ósʉ má. Nye á dwih mɨná gá le onɔ́ɔ́ ɨ́ mpila yaá ó, mɨná nkʉ̂ bi gá nkɛ̌ʼ mé Nzyɛ̌m. Nkɛ̌ʼ nyaá, nye ó Sísǐm wé, waá nyé á kɛʼ mɨná gá wɨ́. Nyě ntɨ̌h wé ó, ebe mɨ́ná dí edyɛ̂ʼwo gá e né.

Galásia 3:29

Yé bé bɨ̌n bé lɨ́ egúmo e Krîst nó, lɛ́ɛ́, bɨ̌n ntémé bé ó bwá bé ónta mé Abraham. Bɨ̌n ntémé bé ó bʉr o ngá bi ménkɔb ɨ́ mbɨambɨa bisá Nzyɛ̌m á kɛʼ Abraham bí bá.

Galásia 3:7

Gʉ́ŋáá gá bé ó, bʉr o dí edyɛ̂ʼwo e Nzyɛ̌m bá, bé ó dí bwán mé Abraham.

1 Pyɛr 2:10

Ɨ́ mimbú mí píhe, bɨ̌n bé á bé abě kúl bʉ̂r mé Nzyɛ̌m. Nó ó, ɨ́ báánâ, bɨ̌n mû ó kúl bʉ̂r dí egúmo e nye yɨ́. Ɨ́ mimbú mí píhe, abe e mʉr á jɨ̂ʼ bɨ̌n nkoó. Nó ó, ɨ́ báánâ, Nzyɛ̌m, nyɨ́ kʉ́ jɨ̂ʼ bɨ́n nkoó.