Lʉkas 19:5 - Kálar Nzyɛ̌m : Ejwán é Sáá

⁵ Jɔ̌ʼ Yésʉs á pyâl gúmo yaá yɨ́, nye nzě bɨ̂n mîh kʉ́. Nye e né ó: «Zakéyos, kpáhwá sulo sí, ebě, me ɨ́ jala le edi ɨ́ mbɛ̌r gô mûh!»

Kálara Zyɛ̌m Edwán é mpʉ̌n

⁵ É jɔʼ Yesʉs a pyal gumo yaa ɛ, nye ze syɛm mih kʉ. Nye e nye ó: «Zachée! Kpahba fulo si, ebe, yé ekʉ jala ó, me filɨ é mbɛr go muh!»

Lʉkas 19:5 Iomraidhean Croise

Lʉkas 19:10

Ebě, Mwân mé Mʉr á nze ó, nzě sáa baá mû sí dîm bá ó, nye ódwe bé twiʼ.»

Lʉkas 19:2

Nyʉ́ʉ́ mʉ̂r á be ó tɨ̂, díé lé Zakéyos, mʉr á be lɨ́ ejwɨ́ɨ̌ sɔ́má ónwɨa ó mɔnɨ́ tœ́a bɨ́bɛ̂h nyá. Nye á be ó e bisâ ɨ́ buo buo.

Lʉkas 19:4

Nó nyé á tô kám dóló, ntɔ̂ʼ jʉ ɨ́ lɨ́ sycomore kʉ́, ó nye nkʉ̂ bee nyê, ebě, Yésʉs á be ó, nye láŋaa tɨ̂ʼ ɨ́ nzɨ̌ nyaá.

Lʉkas 19:6

Zakéyos ntɔ̂ʼ kpâhwǎ sulo sí, ntɔ̂ʼ nʉa nyé e bisʉhʉʉ.

Yʉanes 1:48

Nó ó Natanaɛ̂l á nze dî e Yésʉs ó: «Gua, gǒ gʉ́á mé nó ɨ́ wáǎ pâʼ?» Yésʉs, nye e né ó: «Me bé ó sí boó bee gó ɨ́ jɔʼ gô bé lɨ́ enzuʼ é lɨ́ figyê yɨ́. Jɔʼ yaá, Philippe dína apǎ jébe gô.»

Yʉanes 14:23

Yésʉs nzě yala e né ó: «Mʉr dí ekpɛl mé nyá, óbaʼle mílɛ́ʼlá mé á dwe bɨ̌n mí. Sɔ́ŋ wǎm ókpɛl nyê. Nó ó, bɨ̌h e Sɔ́ŋ wǎm, bé ónze kwá nyé le ekomlo ódiá wɨ́h tɨ̂.

2 Korɛnt 6:1

Ebě, Nzyɛ̌m lɛ́ɛ́ ó nɛ́ɛ: «Ɨ́ jɔʼ yé á jala yɨ́, me á si jóʼo go. Ɨ́ móhó mé á tiʼ bʉ́ʉ́ bʉ̂r wɨ́, me á si kɛm go ntémé.» Nó mpʉ bɨ́h dí esɨséǎ Nzyɛ̌m syɛ́ɛ́ gwár yaá yɨ́, bɨ̌h bé lɨ́ ejɨʼla e bɨ̌n ó, bɨ̌n ayɨ́ bi mpâm mé Nzyɛ̌m dwêh. Jɔ̌ʼ Nzyɛ̌m á kam ó, nye óyala mɨ́ná gá yɨ́ ó yɨ̂. Móhó nyé á tyêl lɨ́ esú lé étiʼ mɨ́ná gá wɨ́ ó wɨ̂.

Éfɛsɔs 3:17

Mě jɨʼlá ntémé e né ó, Krîst nʉ́aa odiá wé tʉ́ŋlʉ̌ milémé mín ɨ́ nzɨ̌ búʼó yɨ́n. Mě jɨʼlá e né ntémé ó, bɨ̌n kpɛ́laa páʼ nyɨ́n, bɨ̌n nkʉ̂ tyɛ̂b ɨ́ búʼó gá yɨ́ná ɨ́ lyahwó. Bɨ̌n tyɛ́bɨɨ tɨ̂ʼ mekʉ̌ sí ɨ́ sɨ́ŋ.

Ebrœ̂ 13:2

Mʉ̌r sá asâ épɨ̂h lɨ́ enʉa ójwóo o dí epyâl kwá nyɨ́n bá mbɨ̂mbɨá. Bʉ́ʉ́ bʉ̂r, bé á si nʉa ojwóo mbɨ̂mbɨá, bé ntɔ̂ʼ kœb ó, nkúná yé á be ó beéngeles, bɨ́ɛ l'agʉ́a.

Mɨngwiha 3:20

Paá bee gâ: me ó wâʼ lɨ́ ekwâʼle ébé lô ó, me níʼee. Mʉr ngá jóʼǒ lwǐb yâm, dib mé lǎ nyá, me ónî kwá nyé. Bɨ̌h e nɔ́ɔ́, bé opûhla mébô lɨ́ ede.