Lʉkas 19:42 - Kálar Nzyɛ̌m : Ejwán é Sáá

⁴² Nó nyé á lɛ́ɛ ó: «Yé bé go bé ɨ́ gʉ́a ɨ́ dʉ́ó lɨ̂ʼ mûh, sâ gwa gbá gó mepyɛbla ɨ́ léme yɨ́ nó, mpa gʉ́ tiʼe. Ɨ́ báánâ, yê go ó solá. Gó abe e nkul béé yê.

Kálara Zyɛ̌m Edwán é mpʉ̌n

⁴² Nye ó: «Nkʉ go be ó be, gʉa muh sa yé a ngbaa sa ó, mɨlɔb, myé kwɨmlɨ paʼra win boo Zyɛm nɛʼɛ, mpa go mu ó mbɨmbɨa! Banana, yé ó go fela. Go abe e nkul ebee ye!

Lʉkas 19:42 Iomraidhean Croise

Lʉkas 19:41

Jɔ̌ʼ Yésʉs á pyâl bǎʼ e Yerʉ́zalɛm, ntɔ̂ʼ bee yé yɨ́, nye ntɔ̂ʼ jɨ édwê ɨ́ lɔ̌b wé.

Lʉkas 19:43

Ebě, mimóhó, myé lɨ́ enze, jɔʼ bʉ̂r o dɔ̂m bɨ́n, bé ókɛb bɨ́n ɨ́ nká, sumǒ kôʼ dí ɨ́ lele lele wɨ́. Bé ómân bɨ́n, le enyêhle bɨ́n ɨ́ mipáʼ mímyɛ̂h.

Lʉkas 19:44

Bé ógbɛ́ɛ gó, Yerʉ́zalɛm, le egbah bwán bô bɨ́bɛ̂h dí go tʉ́ŋlʉ̌ bá. Bé ólíʼe gó ó, abe le ekóʼ kɛlá ɨ́ lʉ́ʉ́ kʉ́, ebě, go bé adweʼě jɔ̌ʼ Nzyɛ̌m á nze go ɨ́ menɔɔlʉ yɨ́.»

Mɨlʉmlʉ 10:36

Bɨ̌n bé lɨ́ egʉ́ǎ lɔ́ɔ́ Nzyɛ̌m á lɛ́ɛ bʉr o b'Ɨ́zraɛ̂l wɨ́. Mbɨambɨa Lɔ́ɔ waá, wé ó waá mépyɛbla bʉ̂r dí ebi ɨ́ nzɨ̌ mé Yésʉs-Krîst, dí Njwɨ́ɨbʉr bɨ́bɛ̂h nyá wɨ́.

Mɨlʉmlʉ 13:46

Nó ó Pɔ̂l bé e Banabâs, bé á lwib e bé ɨ́ kpɛŋlɛm, abáawo mʉ̂r ó: «Yé á jɨ ó, lɔ́ɔ́ mé Nzyɛ̌m, wé nyɛ́ɛ túnɔɔ kwá nyɨ́n, oYúden. Sâ gwár, bɨ̌n bɨɛ, bɨ́ beně lɔ́ɔ waá, bɨ̌n bɨɛ lɨ́ ebee ó, bɨ̌n bé ajala le ebǐ twǐʼ njʉ̌m dǐ. Yé bé nó wá, beyɨɨ gá, bɨ̌h bɨ́ laa, lɨ́ etó túnǒ lɔ́ɔ́ mé Nzyɛ̌m waá ɨ́ mesí mé bʉ̂r oswîh.

Ebrœ̂ 3:13

Dyɛ́m bɨ́n dína mûh sɔ́má yɨ́, yé mbɨa ó, bɨ̌n dwîdweelaa melɨ́ páʼ nyɨ́n móhó wɨ́wɛ̂h. Sá tɨ̂ʼ ó mísyóm, myé óbe, alɨl bɨ́n miléme, nkʉ̂ dímle nyʉ́ʉ́ mʉ̂r ɨ́ sɔ́má yɨ́n ɨ́ nzɨ̌ mikóo yɨ́.

Ebrœ̂ 3:15

Ebě, yê cɛmá ó: «Bɨ́n jóʼó twíí mé Nzyɛ̌m mûh nɛ́ɛ: mʉr asâ élele é lʉ̂ mpʉ bímpám bín á sâ ɨ́ jɔʼ byé á gbɔba e Nzyɛ̌m yɨ́.»

Ebrœ̂ 3:7

Sɨ́ǎ yaá ó, Sísǐm mé Nzyɛ̌m dí elɛ́ɛ ɨ́ Mekaná mé Nzyɛ̌m ó: «Bɨ́n sí jóʼo twíí mé Nzyɛ̌m mûh nɛ́ɛ: