Lʉkas 19:13 - Kálar Nzyɛ̌m : Ejwán é Sáá

¹³ Nye dína apǎ tô, nye á si jébe osyɛ̂l o mésá bé kám, nzě dwe bé mʉr ngwár, nzǎŋ gʉ̂l ngwár, bím mɔnɨ́ syɛ̂l mesâ dí ede lɨ́ ongɔn otɛ̂n yɨ́. Nye e bé ó: “Bulɨɨ gá me mɔnɨ́ yɨ̂, tó pyâl ɨ́ jɔʼ mé óbúla yɨ́.” Nye nzě mɔa, tô.

Kálara Zyɛ̌m Edwán é mpʉ̌n

¹³ Nye l'apa to nɛʼɛ, nye a si jebe osyɛl o mosa be ewʉm, ze dwe be mʉr ngwar, saŋ gol ngwar. Nye e be ó: “Bulɨ ga me mɔn yi, to pyal é jɔʼ me óbula ɛ.” Nye ze mʉa, to.

Lʉkas 19:13 Iomraidhean Croise

Mataos 25:16

Píe tɨ̂, waá á nʉa mebɨ́ʼ bímɔnɨ́ bí gʉ̂l metɛ̂n nyá, nzě tô ɨ́ jɔʼ gwár yaá, tó bul byê. Nye nzě báʼǎ bi mʉ́ʉ́ mébɨ̂ʼ metɛ̂n.

Mataos 25:20

Waá á pa dweŋɔɔ mebɨ́ʼ bímɔnɨ́ metɛ̂n nyá, nze e mɔnɨ́ yaá ti e maá mʉ́ʉ́ métɛ̂n. Nye e né ó: “Dâ ɛ̌, go á dwe me ó mebɨ́ʼ bímɔnɨ́ bí gʉ̂l metɛ̂n. Nó ó, mʉ́ʉ́ métɛ̂n mé á ka baʼa bi má, mé bê.”

Mataos 25:22

«Waá á pa dweŋɔɔ mebɨ́ʼ bímɔnɨ́ mebá nyá, nzě sîhle ntémé. Nye e né ó: “Dâ ɛ̌, go á dwe me ó mebɨ́ʼ bímɔnɨ́ mebá. Nó ó, paá bee: mɨ́ báʼǎ bi mʉ́ʉ́ mébá e tɨ̂!”

Mataos 25:24

«Nó ó, waá á dweŋɔɔ ebɨ́ʼ é bímɔnɨ́ bí gʉ̂l egwár nyá, nzě sîhle ntémé. Nye nzě lɛ́ɛ e né ó: “Dâ ɛ̌, me á be lɨ́ egʉ́a ó, go ɨ́ nyan mʉ̂r. Guá pipim méde ó, gúmó gó á be abe yɨ́. Go ntémé, gǒ kpɛ̌m méde ó, ɨ́ gúmó gó á be abe mempeʼ yɨ́.

Lʉkas 19:12

Nó nyé á lɛ́ɛ ó: «Yé á be ó e yʉ́ʉ́ mpǎŋ njwɨ́ʼ mʉ̂r. Wé á si mɔa ɨ́ sí yé, tó di ɨ́ sí yé á be ká ká lɨ́ ejaa yɨ́. Nye á tô ó, bé dílɨɨ nye ɨ́ dǐ njwɨ́ɨ. Píe tɨ̂, nyé okǎ búla.

Lʉkas 19:14

«Náǎ yé ó, bʉr ó sí yé lɨ́ enwim nyê. Nó ó bé á lómo bʉr ó, bé tôʼ dû nyê, lɨ́ etô le elwáŋlě lɔ́ɔ gʉ̂ʼ ó: “Bɨ̌h bé akpɛl ó, mʉr nyâʼ díʼee njwɨ́ɨ wɨ́h!”

Yʉanes 12:26

Mʉ̂r bé lɨ́ egwɨ̂m éséa e me nó, nye dúʼoo sɔ̂ʼ njɨ me. Nó, gúmó mé dí yɨ́, gúmo yaá ó syɛ̂l mesâ wǎm ntémé ngá di yɨ́. Waá nyɨnyɛ̂h ngá séa e me nyá, Sɔ́ŋ wǎm ódwe nyé kûm.»

Galásia 1:10

Nó ó, báánâ, nzê nó yé lɛ́ʼlé ó, nkam bʉr ó mé dí esáa ɛ̌? Nkʉ̂ ó, nyaá mé Nzyɛ̌m ɨ́? Mě cɛmá nó ó, lɨ́ esáa nkâm mé Nzyɛ̌m. Nzê me mû sáa ó, me sâʼ mpʉ bʉ̂r dí egwɨ̂m yɨ́ ɛ́? Yé bé mě dú ó, bigwɨ́má bí bʉ̂r nó, lɛ́ɛ́, mé akǎ be syɛ̂l mesâ mé Krîst.

Jacques 1:1

Yé ó mɛm Jacques, syɛ̂l mesâ mé Nzyɛ̌m le Tî Yésʉs-Krîst ó dí ecɛma bɨ́n mekaná mâ. Me lɨ́ esoho bɨ́n, bʉr o ménzweh kám e mebá mû mingbɛhá míngbɛhá ɨ́ sí yɨ́yɛ̂h bá.

2 Pyɛr 1:1

Yé ó mɛm Simon Pétrus, syɛ̂l mesâ ti e mʉr milʉ́mlʉ́ mé Yésʉs-Krîst ó dí ecɛma bɨ́n mekaná mâ. Mě cɛmá ó, bɨ̌n bʉr o bɨ́h le onɔ́ɔ́ bé á bi mbǐ búʼó gwár bá. Búʼó yaá, odimé o tɨ̂, wé ó jwɨʼ gwár páʼ gá nyɨ́ná. Mɨná bé á bi gá búʼó yaá ó, ɨ́ lɔ̌b syɛ́ɛla mé Yésʉs-Krîst tîtyěl mʉr, Nzyɛ̌m gá wɨ́ná, Tiʼbʉr gá wɨ́ná.