Lʉkas 19:12 - Kálar Nzyɛ̌m : Ejwán é Sáá

¹² Nó nyé á lɛ́ɛ ó: «Yé á be ó e yʉ́ʉ́ mpǎŋ njwɨ́ʼ mʉ̂r. Wé á si mɔa ɨ́ sí yé, tó di ɨ́ sí yé á be ká ká lɨ́ ejaa yɨ́. Nye á tô ó, bé dílɨɨ nye ɨ́ dǐ njwɨ́ɨ. Píe tɨ̂, nyé okǎ búla.

Kálara Zyɛ̌m Edwán é mpʉ̌n

¹² No ó nye a lɛɛ e be ó: «Yé a ze be ó, nuu sabene é lal we. Nye ze mʉa, to di é lal wé a be ká ká jaabe e. Nye a to é lal waa ó, bé dilɨ nye é dia njwɨɨ. Pie tɨ, nye òka bula.

Lʉkas 19:12 Iomraidhean Croise

Mataos 21:38

Tó kœb ó, bilóbila byaá, mbeá byé á bee mwân wé waá lɨ́ enze yɨ́, byé ntɔ̂ʼ lɛ́ɛla páʼ nyɔ́ɔ́ ó: “Beyɨɨ gá, medilá me kúm pemé ó mâ! Ntáʼ gâ, mɨná jʉ́ʼoo gá nye. Bilíʼé byé bíbyɛ̂h, byé nkʉ̂ sûʼla byaá gá bíná.”

Mataos 28:18

Yésʉs ntɔ̂ʼ sîhlě nko bé á be yɨ́. Nye ó: «Sɔ́ŋ wǎm, nyɨ́ dwe mé nkul jwɨ́ɨ nyɨnyɛ̂h ɨ́ kʉ́ ti e sí.

Markus 12:1

Nó ó Yésʉs á nze lwib e bé ɨ́ nzɨ̌ bikɨkɛna. Nye ó: «Mʉr á be ó, nzě lî pemé óraisin, ntɔ̂ʼ sumǒ kôʼ lɨ́ ekɛ̌b pemé yaá ɨ́ nká, pû bɨ́, súm émân mpúmó tɨ̂, sumǒ tólóm mbɛ̌r édwéelě pemé yaá. Píe tɨ̂, nzě líʼe bílóbila e yê, ó byé jɨjana nye yǎ ɨ swɨɨ ekpɛm. Pie tɨ, nye nzě ja nzɨ́, tô ɨ́ tyen.

Markus 16:19

[Jɔ̌ʼ Tî Yésʉs á sil elwib e bé nó yɨ́, Nzyɛ̌m nzě nʉa nyé, tô e né ɨ́ jʉ́o kʉ́, tó dil nyé ɨ́ mbó éjʉ́m wé.

Lʉkas 20:9

Yésʉs nzě lwib e kúl óYúden ɨ́ nzɨ̌ kɨkɛna yɨ̂. Nye e né ó: «Mʉr á be ó, nzě lî pemé, be métín mé óraisin tɨ̂. Píe tɨ̂, nzě líʼe bílóbila e pemé yaá, ó byé jɨ̂jana nye ɨ́ swɨɨ ékpɛm. Nye nzě ja nzɨ́, tô ɨ́ tyen, tó di ɨ́ gúú pâʼ mimbû mimbû, miswɨɨ miswɨɨ.

Lʉkas 24:51

Nye dína lɨ́ esʉ bé metyɛʼ me mpóm nɛ́ɛ: nye ntɔ̂ʼ duhǒ gúmó bé á tyɛ̂b yɨ́, nzě bɨ́nɔɔ ɨ́ jʉ́o kʉ́.

Yʉanes 18:37

Pilátos, nye e né ó: «Nó ó, go ó njwɨ́ɨbʉr ɨ́?» Yésʉs nzě yala ó: «Yé ó mpʉ gô lɛ́ɛ́ nɨ̌. Me ó Njwɨ́ɨbʉr. Me á byɛ̂l, nze ɨ́ sí yɨ̂ʼ ó, lɨ́ enzě lɛ́ɛ bʉ̂r otyeetye. Mʉr nyɨnyɛ̂h dí egúmo e mʉr dí le otyeetye nyá, jóʼó ó, sá mé dí elɛ́ɛ yɨ́.»

Mɨlʉmlʉ 17:31

Nó nyé á tyêl dʉ́ó nyé ngá tíʼe bʉ̂r ó sí yɨ̂ʼ bɨ́bɛ̂h milɔ̌b myɔ́ɔ́ lɨ́ otîtyěl lɨ́. Nye ntémé, nyɨ́ pɛ̂h mʉ̂r ngá tíʼe mílɔ̌b myɔ́ɔ́ myaá nyá. Nyɨ́ lɛ̂ʼle bʉ̂r bɨ́bɛ̂h jwɨʼ ɨ́ syɛ́ɛla yɨ̂: epɛh nyé, dwih nyé lɨ́ odwe!»

1 Korɛnt 15:25

Ebě, yé á jala ó, Krîst díʼee njwɨ́ɨ, tó pyâl ɨ́ jɔʼ nyé óbe, nye mû sí ntaa óntɨ̂m le obɨn bé bɨ́bɛ̂h, gbâ bé sí mebo mé yɨ́.

Ebrœ̂ 9:28

Jwɨʼ gwár e gwár e Krîst. Nye á si dwe jɔʼ gwár, ó nye búraa le misyóm lɨ́ esú é bʉ̂r ɨ́ buo buo. Ɨ́ jɔʼ mbá nyé ókǎ nze yɨ́, nye ákǎ báʼǎ nze ɨ́ lɔ̌b ébúra e misyóm. Nye ónze ó, lɨ́ enzě tíʼ bʉ̂r o dí ebóno nyé bá.

1 Pyɛr 3:22

Yésʉs waá á si bɨ́nɔɔ ɨ́ jʉ́o kʉ́. Nye mû ó lɨ́ mbó éjʉ́m mé Nzyɛ̌m Sɔ́ŋ, gúmó nyé dí ejwɨ́ɨ bééngeles, le misísǐm mi dí e jwɨ́ɨ le myaá mi dí e nkul mí yɨ́. Byé á si gbáŋɔɔ ɨ́ jwɨ́ɨ́ yé.

Mɨngwiha 1:7

Paá bee gâ: nye lɨ́ enze ɨ́ dwiné. Bʉr bɨ́bɛ̂h, bé óbee nyê, damá be ó baá bé á lúmo nye ekʉá bá. Bʉr o bíkúl bí sí yɨ̂ʼ bíbyɛ̂h, bé ójɨ médwê le ekâm ékúhó lé. Eee! Amɛn!