Lʉkas 18:7 - Kálar Nzyɛ̌m : Ejwán é Sáá

⁷ Nó ó, mbeá wɨ́n, wê nyá? Nzê Nzyɛ̌m ódi l'akamle e bʉr bé nyé á twâr bá ɛ́? Bé lɨ́ ejɨʼla e né móhó e pum. Nzê nye ósâ táb lɨ́ enzě kɛm bé ɛ̌?

Kálara Zyɛ̌m Edwán é mpʉ̌n

⁷ Zê Zyɛm ódeʼ lé etiʼe mɨpɛha mɨ bʉr mye mɨlɔb myɔɔ é l'ocɨcyel ɛ? Tɨtoʼo! Bɛɛ nteme lé esa zyee lé ejwɨʼla e nye moho e pum!

Lʉkas 18:7 Iomraidhean Croise

Mataos 24:22

Yé bé Dâ atuŋlo mélû maá nó, lɛ́ɛ́, mʉr ákóʼó tiʼe. Sâ gwár, nye ótuŋlo mé ó, lɨ́ esú é bʉ̂r o nyé á twâr bá.

Mataos 24:24

Ebě, okrîst o bíbɛr, bé ópîpyal, bé le ogwíha o mílɔ̌b o bíbɛr. Bé ósâ mésimá ménɨ́nɨ́ɨ́ le bisá bí ékâm. Yé báná nó, bé ódímle bʉ̂r ó Nzyɛ̌m á twâr bá ɨ́ nzɨ̌ mikóo myɔ́ɔ́.

Mataos 7:11

Bím bíbɨ́bla bi bʉ̂r bɨ́n dí nɨ̌, bɨ̌n pǎ nyɛɛ́ dwe bwán bɨ́n bisá bímpâ, á dwɛʼra e Sɔ́ŋ wɨ́n dí ɨ́ jʉ́o kʉ́ nyá! Nye ódwe bʉ̂r o dí egwâm nyé bá, laa náǎ.

Lʉkas 11:13

Bibɨ́bla bi bʉ̂r bɨ́n dí nɨ̌, bɨ̌n pǎ nyɛɛ́ dwe bwán bɨ́n bisá bímpâ, á dwɛʼra e Sɔ́ŋ wɨ́n! Nye óntɨ̌h Sísǐm wé, duho ɨ́ jʉ́o kʉ́, dwe wé bʉr o dí egwâm nyé wǎ bá.»

Lʉkas 2:37

njʉ̂m wé ntɔ̂ʼ dwe, nyɨɛ ntɔ̂ʼ lîʼ kúho. Nye á didi ó nó, tótôʼ, tó kumo mímbû mekám mwom e mimbú mínâ. Nye á bé abɔ́ʼa e mpáh Nzyɛ̌m. Nye á sɨséa tɨ̂ʼ ó, móhó e pum. Nye á bɨbe ó, lɨ́ eti méde e bijɔʼ, lɨ́ esú lé éjɨʼla e Nzyɛ̌m.

Lʉkas 21:28

Jɔʼ bísyɛ́ɛla byaá, byé ótáare ésyɛ́ɛ yɨ́, sohaa gâ. Bɨ̌n e bɨ́r mîh kʉ́. Nzyɛ̌m óbe ó, nye mû kúno enzě táǎ góo, le edwih bɨ́n ɨ́ mpila ébébe.»

Rôm 8:33

Nzé dí e nkul epʉgʉ́ pur bʉ̂r ó Nzyɛ̌m á twâr bá? Nzyɛ̌m mʉr tɨ̂ʼ ó b'á boo sâ ó, mɨná bíʼee gá nkam ɨ́ míh mé.

Kolosi 3:12

Bɨ̌n ó dí bʉ̌r Nzyɛ̌m á twâr, baá o dí egúmo e né, nyé dí ɨ́ buú kpɛl bá. Nó ó, sáʼ gá njɨ́ʼá nkóó páʼ nyɨ́n, le mpam. Sulɨɨ gá menyʉ́l mɨ́n sí. Diʼee gá bʉr o dí ɨ́ talǎ njwɨr bá, le bʉr o bíhwó.

1 Tesalonika 3:10

Móhó e pum, bɨ̌h kʉ́ buú jɨʼla e Nzyɛ̌m ó, mɨná béelaa gá mempǒm. Bɨ̌h bé lɨ́ egwɨ̂m ó, bɨ̌h swâhlaa lɔ́ɔ bɨ́h á nyɛl elɛ́ɛ bɨ́n ó, bɨ̌n bé ɨ́ jala le ebúʼla wɨ́.

2 Tesalonika 1:6

Ebě, yé ó syɛ́ɛla mpâ ɨ́ míh mé Nzyɛ̌m ó, nye ntɨ́ʼɨɨ baá o dí entɨ̂ʼ bɨ́n bá.

1 Timotɛ 5:5

Nó ó, waá dí kúho tyeetye ɨ́ ntɛ̂ʼ wé omér wɨ́, wé lɨ́ ekʉ́ sâ sɨ́n lɨ́ ejɨʼla e Nzyɛ̌m móhó e pum, ó nye súʼaa wê. Nzyɛ̌m nye omér ó dí egbâ wé mpûʼla ɨ́ léme.

2 Timotɛ 1:3

Me lɨ́ edwě Nzyɛ̌m nzyǒo ɨ́ jɔʼ yɨ́yɛ̂h. Me lɨ́ esâ sɨ́n lɨ́ esâ mínjɨʼla ɨ́ lɔ̌b gô, móhó e pum. Mě séá nyé syɛ́ɛ́ yaá ó e mipahlá mí léme mi dí ɨ́ pyɛɛɛ mí, jwɨʼ gwár mpʉ bímpám byâm, byé á sɨsâ nye yǎ yɨ́.

2 Timotɛ 2:10

Mě dúhwó mítúú mímyɛ̂h ó, lɨ́ esú é bʉ̂r Nzyɛ̌m á twâr bá. Nye á twâr bé ó, bé bíʼee twiʼ, ti e kûm dí edǐ njʉ̌m dǐ e njʉ̌m dǐ nyɨ́, ɨ́ nzɨ̌ mé Yésʉs-Krîst.

Títos 1:1

Yé ó mɛm Pɔ̂l, syɛ̂l mesâ mé Nzyɛ̌m, ndu e mʉr milʉ́mlʉ́ mé Yésʉs-Krîst ó dí ecɛma mékaná mâ. Yésʉs-Krîst á lómo me ó, me tô kɛm bʉ̂r ó Nzyɛ̌m á twâr bá, lɨ́ egbâ bé pîm ɨ́ búʼó. Bé gʉ́ŋaa otyeetye, waá ngá sâ ó, bé dwáawaa Nzyɛ̌m wɨ́.

1 Pyɛr 1:1

Yé ó mɛm Pétrus, mʉr milʉ́mlʉ́ mé Yésʉs-Krîst ó dí ecɛma bɨ́n mekaná mâ. Mě cɛmá ó, bʉr ó Nzyɛ̌m á twâr, dí etíʼě mpʉ ójwóo ɨ́ sí yɨ́yɛ̂h, mingbɛhá míngbɛhá ɨ́ mesí mé Pɔ́ŋtos, Galásia, Kapadosía, Azía le Bitinî bá.

2 Pyɛr 3:9

Dâ Nzyɛ̌m, nye ábea le elóŋlo nkɛ́ʼ nyé mpʉ bʉ́ʉ́ bʉ̂r dí ejwɨʼ ó, nye álɨ̌ dira nkɛ́ʼ nyaá yɨ́. Nye ɨ́ buo bíhwó ɨ́ bɨ̌n, ebě, nyé agwɨ̂m ó, nyʉ́ʉ́ mʉ̂r dímɨɨ ɨ́ nkɔb bʉr. Gwɨ́má lémé wé, yé ó, bʉr bɨ́bɛ̂h túmaa mikoo e mebébe mɔ́ɔ́, le edwira míléme.

Mɨngwiha 18:20

Bʉr o kʉ́, doʼaa gá lɨ́ etɨʼla lé. Bʉr o dí egúmo e né bá, bʉr o mílʉ́mlʉ́ bé, ndu e l'ogwíha o mílɔ̌b bé, sohaa gâ, bɨ̌n óbɛ̂h, ebě, Nzyɛ̌m, nyɨ́ tíʼě lɔ̌b, dwe bɨ́n nkam, dwe bé mebě.

Mɨngwiha 6:10

Bê nzě bʉ̂ bítím. Bé ó: «Dâ ɛ̌, go ó mʉr dí tí nyá. Go ó dí Nzyɛ̌m otyeetye. Bʉr ó sí, baá bé á jʉ̂ bɨ̌h bá, go ókǎ tíʼe bé milɔ̌b ɨ́ yáǎ jɔʼ? Go ókǎ kuna bɨ́h metié mɨ́h dɨ́n?»

Mɨngwiha 7:15

Sá tɨ̂ʼ ó bé dí etyɛ̂b ɨ́ mpǒm mecwɨ́ɨ́ mé Nzyɛ̌m yɨ́. Bé gúmló nyé ɨ́ mbɛ̌r wé ó móhó e pum. Waá dí edi ɨ́ mecwɨ́ɨ́ mé jwɨ́ɨ nyá ó ngá baʼle bê.