Lʉkas 18:43 - Kálar Nzyɛ̌m : Ejwán é Sáá

⁴³ Tyé e tyé yaá, nye ntɔ̂ʼ bánǎ bee, nzě nî ɨ́ sɔ́má mé Yésʉs, le egúmlǒ Nzyɛ̌m. Bʉr baá bɨ́bɛ̂h, ɨ́ jɔʼ bé á bee syɛ́ɛla yaá yɨ́, bé ntɔ̂ʼ gúmlǒ Nzyɛ̌m.

Kálara Zyɛ̌m Edwán é mpʉ̌n

⁴³ Cye e cye yaa, nye ntɔʼ bana bee, ze du Yesʉs é koo pihe, lé edwe Zyɛm kum. Bʉr baa bɨbɛh, é jɔʼ bé a bee syɛɛla yaa ɛ, bé ntɔʼ dwe nteme nye kum.

Lʉkas 18:43 Iomraidhean Croise

Mataos 11:5

Baántím, bé mû ó lɨ́ ebáʼǎ bee. Bʉr o b'á tɨtɨ́a bá, bé lɨ́ etye mbɨ̂mbɨá. Minzɨ̂nzǎm, sí tiʼe. Mingʉʼ, myé mû ó lɨ́ ejóʼo; odwe lɨ́ epah ɨ́ mesoo. Mbɨambɨa Lɔ́ɔ, wé mû ó lɨ́ elɛ́ɔɔ kwá baántéʼenteʼe o bʉ̂r le baá o dí ɨ́ kpaa nkóó bá.

Mataos 21:14

Baántím le bʉr o b'á tɨtɨ́a bá, bê nzě sîhlě súm nyé á be ɨ́ mpáh Nzyɛ̌m yɨ́, nye ntɔ̂ʼ tiʼ bê.

Mataos 9:8

Jɔ̌ʼ sɔ́má bʉ̂r, yé á bee syɛ́ɛla yaá yɨ́, ekɛ̂n kʉ́ nzě swɨɨ bé menyʉ̂l, bé ntɔ̂ʼ dwě Nzyɛ̌m kûm, ebě, nye á be ó sí bánǎ dwe bʉ̂r nkul jwɨ́ɨ nyaá.

Lʉkas 13:17

Mpʉ̌ Yésʉs á yala e né nó yɨ́, ontɨ̂m le obɨn bé bɨ́bɛ̂h ntɔ̂ʼ jóʼo sôn. Entumo e bʉ̂r lɨ́ɛ, lé á be lɨ́ ekʉ́ soho ɨ́ lɔ̌b mbɨambɨa bísyɛ́ɛla bíbyɛ̂h nyé á sɨsâ bí.

Lʉkas 19:37

Mpʉ nyé á be, nye mû le ekúnwo e Yerʉ́zalɛm, lɨ́ esulo Écwɨ́ʼ lé ólivier yɨ́, nó ó sɔ́má ómpʉ́n, yé á taare esoho ɨ́ buo buo le egúmlǒ Nzyɛ̌m e metyêl kʉ́kʉ́, ɨ́ mesimá ménɨ́nɨ́ɨ́ mɨ́mɛ̂h bé á bee má.

Lʉkas 4:39

Yésʉs ntɔ̂ʼ tyɛ̂b bǎʼ e né, nzě nkáŋla le ekpaa. Ekpaa laá ntɔ̂ʼ síe. Mʉmá nɨ̌ ntɔ̂ʼ gbɔlwa sí, nzě táare éséa e bê.

Lʉkas 5:26

Bʉr bɨ́bɛ̂h, bé á si kâm syɛ́ɛla yaá, ntɔ̂ʼ dwě Nzyɛ̌m kûm, le ejóʼo bʉ́á. Bé ó: «Mɨná bɨ́ bee gá bisá bí ékâm mûh!»

Lʉkas 9:43

Ekɛ̂n, lé á si swɨɨ bɨ́bɛ̂h ɨ́ nyʉ̂l ɨ́ lɔ̌b mbeá bé á bee baánɨ̂nɨ̂n o bísyɛ́ɛla mé Nzyɛ̌m wɨ́. Bʉr bɨ́bɛ̂h, bé á be náǎ ó lɨ́ ekâm bísyɛ́ɛla bíbyɛ̂h Yésʉs á sâ bí. Yésʉs ntɔ̂ʼ lɛ́ɛ le ompʉ́n bé ó:

Mɨlʉmlʉ 11:18

Jɔʼ bé á sil ejóʼo milɔ̌b myaá yɨ́, miléme nzě sula bé sí. Bê nzě dwě Nzyɛ̌m kûm. Bé ó: «Yé ó nó: Nzyɛ̌m, nyɨ́ bánǎ toŋlo ntémé baá o dí abe óYúden bá. Nyɨ́ dib bé nzɨ̌ etúmo míkoo e misyóm myɔ́ɔ́, le edwira míléme, ó bé bíʼee ntémé twiʼ!»

Mɨlʉmlʉ 26:18

Mě lómó gó ó, go tô bɛ́ɛ bʉ̂r mîh. Go dwíhɨɨ bé lɨ́ edúrʉ́ʉ́, tyen bé ɨ́ myɛ́n; dwih bé ɨ́ jwɨ́ɨ́ mé Sátan, tyen bé kwá mé Nzyɛ̌m. Bé ódyɛ̂ʼwo e me nó, me ópɛʼ bíbaa bí ébébe mé á niʼe bé bí, ntɔ̂ʼ dwe bé diá ɨ́ sɔ́má bʉ̂r bâm dí mipubá bá.”»

Mɨlʉmlʉ 4:21

Bʉr ó bʉm ntɔ̂ʼ báʼǎ bɛ̂ŋ bê. Bé ntɔ̂ʼ bírɔɔ bê. Bé á bé abee nzɨ́ edwe bé bintɨ́ʼá, ebě, bʉr bɨ́bɛ̂h, bé á be ó lɨ́ egúmlǒ Nzyɛ̌m ɨ́ lɔ̌b syɛ́ɛla bé á pa sâ yɨ́.

Galásia 1:24

Nó ó bʉ̂r ó Mbɛ̌r-Nzyɛ̌m baá, byé á nze dwe Nzyɛ̌m kûm ɨ́ lɔ̌b wâm.

1 Pyɛr 2:9

Sâ gwár, bɨ̌n bɨɛ bé ó mpóʼǒ Nzyɛ̌m á boo twâr nyɨ́. Nye á twâr bɨ̌n ó, bɨ̌n séaa nye syɛ́ɛ ópara, le edǐ kúl bʉ̂r dí tí ɨ́ míh mé yɨ́. Bɨ̌n bé ó sá mé Nzyɛ̌m, ánta nye, lɨ́ esú ó, bɨ̌n gúmlaa mʉr á jébe bɨ̌n nyá. Njɨ́blɨ́ wé waá, wé ó b'á pɛʼ bɨ̌n lɨ́ edúrʉ́ʉ́, tyen bɨ́n ɨ́ myɛ́n dí ɨ́ ntyɛ̌n ntɨ̂ ntyɛ̌n yɨ́.