Lʉkas 18:23 - Kálar Nzyɛ̌m : Ejwán é Sáá

²³ Njóʼá mʉ̂r waá á jóʼo yalá yaá yɨ́, nye kʉ́ nzě tyɛʼ nyʉ̂l, ntɔ̂ʼ búla ɨ́ twíaaa, ebě, nye á be ó le okúm le ogbaa le ombeʼ o nyʉ̂l.

Kálara Zyɛ̌m Edwán é mpʉ̌n

²³ Njoʼa mʉr waa a joʼo mpɨha waa ɛ, nyʉl kʉ ze cyɛʼ nye, ebe, nye a be ó é twiha bɨsa.

Lʉkas 18:23 Iomraidhean Croise

Mataos 19:22

Jɔ̌ʼ loʼo yaá, yé á jóʼo yalá yaá yɨ́, yé ntɔ̂ʼ búla ɨ́ twíaaa e metyɛʼ me nyʉ̂l, ebě, yé á bě e l'okúm le ogbaa le ombeʼ o nyʉ̂l.

Markus 10:22

Njóʼá mʉ̂r waá á jóʼo yalá yaá yɨ́, nye kʉ́ nzě tyɛʼ nyʉ̂l, ntɔ̂ʼ búla ɨ́ twíaaa, ebě, nye á bě e okúm le ogbaa le ombeʼ o nyʉ̂l.

Lʉkas 12:15

Nye ó: «Gwá di gá le ocwóó. Syɛ́hláá gá nzɔ́ɔ́ bísâ, mimbi mímyɛ̂h, ebě, twiʼ mʉ̂r, yé aduho ɨ́ bisá mʉ̂r waá dí e byé bí, byé damá buo.»

Lʉkas 18:22

Jɔ̌ʼ Yésʉs á jóʼo nó yɨ́, nye nzě lɛ́ɛ e né ó: «Yé lɨ́ esáa gó sâ gwár. Tóʼ, tó bɛ́ma bísá bíbyɛ̂h gó dí e byé bí. Go e dwé míndyêbndyéb mɔnɨ́ yaá. Jɔʼ yaá ó gó ngá bi ókúm le ogbaa ɨ́ buo buo ɨ́ jʉ́o kʉ́ kwá mé Nzyɛ̌m yɨ́. Píe tɨ̂, go e nzé dû mê.»

Lʉkas 18:24

Jɔ̌ʼ Yésʉs á bee nó yɨ́, nye ó: «Bʉr o dí le okúm le ogbaa bá, bé lɨ́ enî ɨ́ Mpóʼo mé Nzyɛ̌m e mekɔbla ɨ́ buo buo.

Lʉkas 19:8

Nó ó Zakéyos á nze tyɛ̂b, le elɛ́ɛ e Tî Yésʉs ó: «Dâ ɛ̌, paá bee! Me múo nzě bɛ̂ʼ bísá byâm ɨ́ bipéh bíbá. Me ónʉa yɨ̂ʼ pêh, tó dwe báántéʼenteʼe o bʉ̂r. Yé bé me á bě sí sâ míkóo, nʉǎ mɔnɨ́ kwá nyʉ́ʉ́ mʉ̂r nó, me óbwóolo nyé yǎ, ntɔ̂ʼ kɛ̌l bím mɔnɨ́ yaá nzɔʼ lɛ̂l tɨ̂ʼ kʉ́.»

Lʉkas 21:34

«Gwá di gá le ocwóó. Milémé mín ámû jaá tyɛʼ ɨ́ mpwaʼ edɨ́ɨ́ ndu e mpur menyoʼ, nkʉ̂ ɨ́ mpuo bijwɨʼ bí twǐʼ sí yɨ̂. Móhó waá, wé ámû jaá pyâl bɨ́n metwɨrâ, mpʉ̌ syɛ̌m.

Lʉkas 8:14

Bâʼ bʉ̂r, bé ó mpʉ̌ mpeʼ dí ɨ́ mindwínɨ́nɨ́ yɨ́. Bé lɨ́ ejóʼo ntémé lɔ́ɔ waá. Píe tɨ̂, bé mû jaá yêʼwo ó, njɨ sí yɨ̂, le okúm, le ogbaa ndu e bigwɨ́má bí twiʼ yɨ̂. Bisâ byaá mû bé ɨ́ milémé myɔ́ɔ́ ó ɨ́ lárádá. Bé abe e nkul ekǎ sâ bísyɛ́ɛla bimpâ.

Éfɛsɔs 5:5

Gʉ́ŋáá gá ó, mʉr dí elœʼ nyʉ́l nyé ɨ́ nzɨ̌ bijoó nyá, le waá dí edulo mpîr ɨ́ nye mʉr tɨ̂ʼ nyá, le waá dí egbâ mîh ɨ́ bisá byé onkán bá, mʉr dí e mbi bísyɛ́ɛla byaá nyá, nye ákóʼó bi nkɔ̂b ɨ́ Mpóʼo mé Krîst, dí nyaá mé Nzyɛ̌m nyɨ́. Ɨ́ jɔʼ mʉ̂r gbá mîh ɨ́ bisá byé onkán yɨ́, syɛ́ɛla yaá kʉ́ lɛ̂ʼle ó, mʉr waá, nye lɨ́ edwe bíkpɛʼkpɛ̂ʼ bí ónzyɛ̌m kûm.

Filipi 3:8

Yé ó nó! Me mû lɨ́ ebee bísâ byaá bíbyɛ̂h ó, byé ó dwêh, ebě, sá dí ɨ́ buú mbɨa yɨ́, yé ó, me dúʼoo Yésʉs. Me á si gwa sû mpǎŋ bisɔ̂ʼ, ebě, sá dí ɨ́ buú mbɨa yɨ́, yé ó, me gʉ́ŋaa Tî wǎm Yésʉs-Krîst. Ebe mé dí edyɛ̂ʼwo e né, me á si bîr bisá bíbyɛ̂h byé á nyɛɛ be e nyɔm ɨ́ páʼ wâm bí. Nó ó, me mû bee byé ó, mpʉ̌ sá jálá le emyahɔɔ̌ dwǐʼ yɨ́. Mě bír byé nó ó, jáŋá me nkʉ̂ bi mâm myɛ́na. Mé óbe ó Krîst.

Kolosi 3:5

Sá dí ɨ́ bɨ̌n, yaá dí eduho ɨ́ sí yɨ̂ʼ yɨ́, jʉ́ʼóó gá yê. Yé ó dí: bimolá, bisyɛ́ɛla bi dí edulo mpîr ɨ́ nyʉ̂l bí, gwɨ́má ékœkœb bʉ́bá, gwɨ́má ésâ bísâ bi dí ɨ́ bébe bí, le nzɔ́ɔ́ bísâ. Ebě, mʉr dí e yé nyá, nye ó jwɨʼ gwár e gwár e waá dí edwě yɨŋayɨ̌ nzyɛ̌m kûm nyá.

1 Yʉanes 2:15

Ayɨ́ kpɛl gá sí yɨ̂, nkʉ̂ bisâ bi dí tɨ̂ʼ bí. Mʉ̂r kpɛ́l sí yɨ̂ʼ nó, lɛ́ɛ́, kpɛ̌l mé Nzyɛ̌m Sɔ́ŋ, yé abá be ɨ́ nye.