Lʉkas 18:11 - Kálar Nzyɛ̌m : Ejwán é Sáá

¹¹ Farizyɛ̂n waá ntɔ̂ʼ tyɛ̂b, nzě jɨʼlǎ mbi wɨ̂: “Dâ Nzyɛ̌m, me lɨ́ edwe gó nzyǒo, ebě, mé abě mpʉ bʉ́ʉ́ bʉ̂r. Bâʼ, bé lɨ́ edɛn bímɔnɨ́ byé onkán; bʉ́ʉ́, bé ó osyɛ̂l o mísyóm; bʉ́ʉ́ ntémé, osyɛ̂l o médyɛ̂n. Me lɨ́ edwe gó nzyǒo, ebě, mé abě mpʉ nwɨ́a mɔnɨ́ tœ́a nyâ.

Kálara Zyɛ̌m Edwán é mpʉ̌n

¹¹ Farizyɛŋ waa ntɔʼ cyɛb, ze taare lé ejwɨʼla é leme we tʉŋlʉ é mbi wi: “Zyoo e Da Zyɛm, ebe, me abe mpʉ bʉʉ bʉr. Baʼ, bé edɛʼ bɨmɔn byoonkan; bʉʉ, bé ekœʼ é l'ozyɛhozyɛh; bʉʉ nteme, osyɛl o bɨmala. Me edwe go ekiba tɨ, ebe, me abe mpʉ nwɨa tœa nwa.

Lʉkas 18:11 Iomraidhean Croise

Mataos 10:3

Philippe bé e Barthélemy, Thomas bé e Matthieu (mʉr á be lɨ́ enʉǎ mɔnɨ́ tœ́a nyá), Jacques, mwân mé Alfê, Tadê,

Mataos 5:20

Nó mě lɛ́ɛ́ bɨ́n ó: ótîtyěl wɨ́n, wé óbe, alaa waá óFarizyɛ̂n le olɛ̂ʼla o métié nó, bɨ̌n bé ákóʼó nî ɨ́ Mpóʼo mé Dâ.»

Mataos 6:5

«Jɔʼ bɨ́n dí ejɨʼla e Nzyɛ̌m yɨ́, asâ gá mpʉ báányâ-mikóo dí esâ yɨ́. Bé jɨjɨʼla ó, mitîtyěl lɨ́ mempáh mínjɨʼla le meman mínkpǎʼ, ó bʉr, bé béyɨɨ bê. Mě lɛ́ɛ́ bɨ́n lɨ́ otyeetye ó, bɨ́ boó bi mɔ́ɔ́ myɛ́na.

Markus 11:25

Bɨ́n ótyɛ̂b mítîtyěl lɨ́ esâ mínjɨʼla, bɨ́n e bʉr dína e lɔ̌b nó, sáʼ gá ó, bɨ̌n nyɛ́ɛ pɛʼ bíbaa bí ébébe bɨ́n á niʼe bé bí. Nó ó Sɔ́ŋ wɨ́n dí ɨ́ jʉ́o kʉ́ nyá ngá pɛʼ ntémé bibaa bí ébébe nyé á niʼe bɨ̌n bí. [

Lʉkas 20:47

Bé lɨ́ esa míkúho, nʉnʉa bísá bíbyɛ̂h bé dí e tɨ̂ʼ bí. Bé jɨjɨʼla ntémé e Nzyɛ̌m ó, bul mékǎn, ebě, bé gwɨ́m ó, bʉr béyɨɨ bé mimbɨambɨa mi bʉ̂r. Bé ó ngá buú nʉa mébě le edweŋɔɔ bíntɨ́ʼá bí tɨ̂.»

Lʉkas 22:41

Nó nyé á líʼe bê, nzě bá tô dóló, tyé mʉ̂r dí e nkul eguho ébaalé yɨ́. Nye ntɔ̂ʼ bɨʼ mébóó sí, jɨʼla e Nzyɛ̌m.

Galásia 3:10

Ebě, mʉ̂r sí bûʼla ó, Nzyɛ̌m ódwe nyé nkam ɨ́ lɔ̌b mbaʼlá nyé dí ebaʼle métié wɨ́ nó, lɛ́ɛ́, nyě e meswomlʉ, ebě, yê cɛmá ó: Mʉr nyɨnyɛ̂h dí abaʼle métié Mékaná mé Nzyɛ̌m mɨ́mɛ̂h nyá, nyě e meswomlʉ.

Filipi 3:6

Me á si bu tíble Mbɛ̌r-Nzyɛ̌m. Ɨ́ nkǒ páʼ métié, me á be ó tîtyěl mʉr, abe le etié egwár lé á mɛ̂r me.

Mɨngwiha 3:17

Bɨ̌n bé lɨ́ elɛ́ɛ ó, bɨ̌n bé le okúm le ogbaa le ombeʼ o nyʉ̂l. Bɨ̌n bɨɛ, bé agʉ́a ó, lɨ́ otyeetye, bɨ̌n bé ó bʉr o dí ɨ́ buú kpaa nkóó bá, ndu e bʉr o métɨʼla. Bɨ̌n bé ó baántéʼenteʼe o bʉ̂r, baántím, misuswáh.