Lʉkas 17:6 - Kálar Nzyɛ̌m : Ejwán é Sáá

⁶ Tî Yésʉs ntɔ̂ʼ yala ó: «Búʼó yɨ́n, yé damá twâʼwo mpʉ dîh é nyʉ́ó, yé bé yé ó mpǎŋ búʼó nó, bɨ̌n bé e nkul elɛ́ɛ e lɨ́ yɨ̂ʼ ó: “Duhaa wâ, go e tó tyɛ̂b ɨ́ mâŋ,” yé ntémé ntɔ̂ʼ sâ bɨ́n mejóʼo.»

Kálara Zyɛ̌m Edwán é mpʉ̌n

⁶ Da ntɔʼ bɨha ó: «ǃBɨn si be e ma peh buʼo titia, dam be bim boho nʉo nɛʼɛ, bɨn bé óbɛm kʉ lɛɛ e lɨ sikomɔr yiʼ ó: “Muna wâʼ e mɨkaale myo mimyɛh. Go à to cyɛb é maŋ!” Yé nteme ntɔʼ sa bɨn mojoʼo.»

Lʉkas 17:6 Iomraidhean Croise

Mataos 14:29

Yésʉs ntɔ̂ʼ lɛ́ɛ e né ó: «Ntâʼ bé!» Pétrus ntɔ̂ʼ sulo ɨ́ byɛ̂l, nzě táarě tyen ɨ́ medíbé kʉ́, tô nkǒ Yésʉs á be yɨ́.

Mataos 17:20

Nye nzě yala e bé ó: «Yé ó ɨ́ lɔ̌b búʼó yɨ́n dí ɨ́ twâʼwo yɨ́. Mě lɛ́ɛ́ bɨ́n lɨ́ otyeetye ó, bɨ́n óbe e mâ búʼó mpʉ díh é nyʉ́ó nó, bɨ̌n bé óbe e nkul elɛ́ɛ le ecwɨ́ʼ lɨ̂ʼ ó: “Nkɛ́yɨ́ɨ́ gó mʉr tɨ̂ʼ wâ. Tó tyɛ̂b kâ,” yé óbánǎ sâ nó. Abe e sá yé ógbâ bɨ́n mekɔbla tɨ̂.»

Mataos 21:21

Yésʉs nzě yala e bé ó: «Mě lɛ́ɛ́ bɨ́n lɨ́ otyeetye ó, bɨ́n dyɛ́ʼwó e Nzyɛ̌m, asóŋlo ɨ́ bɨ̌n bʉr o tɨ̂ʼ nó, sá bɨ́n ngá sâ yɨ́, yé ólaǎ sâ sáŋɔ́ɔ́ figyê yɨ́. Bɨ́n ólɛ́ɛ le ecwɨ́ʼ lɨ̂ʼ ó: “Mɔaa náǎ. Tó nkaŋa ɨ́ mâŋ” nɛ́ɛ: lé óbánǎ sâ ntémé nó!

Markus 4:31

Nyě nwɨɨlá ó e díh é nzɔ́m lé á be ɨ́ buú twâʼwo ɨ́ mempeʼ mɨ́mɛ̂h lɨ́.

Markus 9:23

Yésʉs, nye e né ó: «Guá lɛ́ɛ́ ó: “Gó bé e nkul nó”! Sâ gwár, mɛ̌m lɛ́ɛ́ ó, mʉr dí edyɛ̂ʼwo e Nzyɛ̌m nyá, nyě e nkul esâ sá yɨ́yɛ̂h.»

Lʉkas 13:19

Nyě nwɨɨlá ó e díh é nzɔ́m nyʉ́ʉ́ mʉ̂r á to myam ɨ́ pemé yé lɨ́. Lê nzě pâh, sâ lɨ́ ɨ́ ntuuu. Binʉ̌n nzě lʉ́o mɔ̂ʼ mɔ́ɔ́ tɨ̂ʼ ɨ́ milɔ́ɔ.»

Lʉkas 17:7

«Mɨná páa jwɨʼ gá ó, mʉr ɨ́ sɔ́má yɨ́n, nyě e lóbila yé dí elî nyé bipemé, nkʉ̂ pála nyé bitab yɨ́. Jɔʼ nyé dí ebee yé lɨ́ eduho ɨ́ bisyɛ́ɛ́ yɨ́, nzê nyě e nkul elɛ́ɛ e yé ó: “Kpáhwá di sí ɨ́ téble, go dêʼ!”

Lʉkas 19:4

Nó nyé á tô kám dóló, ntɔ̂ʼ jʉ ɨ́ lɨ́ sycomore kʉ́, ó nye nkʉ̂ bee nyê, ebě, Yésʉs á be ó, nye láŋaa tɨ̂ʼ ɨ́ nzɨ̌ nyaá.

Lʉkas 7:13

Mbeá Yésʉs á bee kúho yɨ́, nye kʉ́ nzě jɨ̂ʼ wé nkoó, ntɔ̂ʼ lɛ́ɛ e wé ó: «Sá akǎ jɨ.»

Lʉkas 7:19

lómo bé, bé díʼee Tî Yésʉs ó: “Nzê go ó mʉr bɨ́h dí ebóno ó, nye ónze nyá ɛ́? Nzê bɨ̌h bónaa mʉr swîh ɛ̌?”

1 Korɛnt 13:2

Me óbɛ̌m be e ndwéá égwîh bísyɛ́ɛla ngá syɛ́ɛ bí, le egʉ́a épâʼlǎ lwǐb ódîm yɨ́yɛ̂h, le egʉ́ǎ sá yɨ́yɛ̂h, sâ bínzololo. Me óbɛ̌m be e búʼó mbi dí ó, me pɛ́ʼɛɛ mecwɨ̂ʼ yɨ́. Sâ gwár, mé bé abe e kpɛ̌l nó, lɛ́ɛ́, mé abě sɔ̂ʼ.