Lʉkas 17:22 - Kálar Nzyɛ̌m : Ejwán é Sáá

²² Nó nyé á lɛ́ɛ le ompʉ́n bé ó: «Yé ópyâl jɔʼ bɨ́n ngá jóʼǒ dwéh édi e Mwân mé Mʉr sɔ́má yɨ́, damá bě móhó ngwár. Sâ gwár, yé ákǎ bána.

Kálara Zyɛ̌m Edwán é mpʉ̌n

²² No ó nye a lɛɛ e l'ompʉn be ó: «Yé ópyal jɔʼ bɨn bé ógwɨm di e Mwan mo Mʉr sama ɛ, dam be moho ngwar. Sa gwar, yé aŋa ka bana.

Lʉkas 17:22 Iomraidhean Croise

Mataos 9:15

Yésʉs, nye e bé ó: «Nzê bɨ̌n bûʼlá ó, bʉr o mû sí báŋlɔɔ ɨ́ nzɔɔ ebâ bá, bé e nkul edi, asoho ɨ́ jɔʼ mbɛ̂l mʉmá dína ɨ́ duo nzɔ́ɔ yɨ́ ɛ́? Sɔ̂ʼ, yé abe e nkul esâ nó! Yé ópyâl jɔʼ dí ó, mbɛ̂l mʉmá ngá pɛʼɔɔ ɨ́ sɔ́má yɔ́ɔ́ yɨ́. Jɔʼ yaá ó bé ngá kpaa mébúʼ, ti méde yɨ́.»

Markus 2:20

Jɔʼ, yé ópyâl. Jɔʼ yaá ó bé ngá kǎ ti méde yɨ́, jɔʼ mbɛ̂l mʉmá ngá pɛʼɔɔ ɨ́ sɔ́má yɔ́ɔ́ yɨ́.»

Lʉkas 13:35

Jwɛ́ʼɛ́ɛ́ gâ, mbɛ̌r wɨ́n, wé ólíʼɔɔ ó gumo. Mě lɛ́ɛ́ bɨ́n ó, bɨ̌n bé ákǎ bee mê, tó pyâl ɨ́ jɔʼ bɨ́n ngá lɛ́ɛ ó: “Mɨná gúmlaa gá waá dí enze e díé mé Dâ nyá.”»

Lʉkas 5:35

Jɔʼ, yé ópyâl. Ɨ́ melû maá ó bé ókǎ ti méde yɨ́, jɔʼ mbɛ̂l mʉmá ópɛʼɔɔ ɨ́ sɔ́má yɔ́ɔ́ yɨ́.»

Yʉanes 12:35

Yésʉs, nye e bé ó: «Njʉl, wé dína lɨ́ epǎn myɛ́n kwá nyɨ́n njɨ mâ jɔʼ. Bʉŋlaa gá ɨ́ jɔ̌ʼ njʉl dína lɨ́ epǎn myɛ́n yɨ́, ebě, edúrʉ́ʉ́, lé ámû jaá go bɨ́n, ebě, mʉr dí etô le entíma lɨ́ edúrʉ́ʉ́ nyá, nyé agʉ́ǎ nko nyé dí etô yɨ́.

Yʉanes 13:33

Bwán bâm, me ka líʼ lɨ́ edi e bɨ̌n ó, mâ jɔʼ. Bɨ̌n bé ósáa mê. Nó, mě lɛ́ɛ́ bɨ́n báánâʼ ó, sá mé á nyɛɛ lɛ́ɛ le oYúden yɨ́. Yé ó: bɨ̌n bé abe e nkul etô nko mé múo tô yɨ̂.