Lʉkas 17:21 - Kálar Nzyɛ̌m : Ejwán é Sáá

²¹ Bé álɛ́ɛ ó: “Beyɨɨ gá nye ɛ̌! Nye ó nyɨ̂!” Nkʉ̂ ntémé ó: “Nye ó dí kâʼ nyɨ̂!” Ebě, bɨ̌n bé ɨ́ jala le egʉ́a ó, Mpóʼo mé Nzyɛ̌m, nye mû ó mbeá ɨ́ milémé mín tʉ́ŋlʉ̌.»

Kálara Zyɛ̌m Edwán é mpʉ̌n

²¹ Bé aŋa lɛɛ bɨn ó: “Yé ó yi”, “Beŋɨ ga ye” nkʉ nteme ó: “Nye ó ndɨ kaʼ nwa!” Bɨn bé ejala le egʉa ó, jwɨ̀ʼa mo Zyɛm, yé mu ó cyela é mɨleme min tʉŋlʉ.»

Lʉkas 17:21 Iomraidhean Croise

Mataos 12:28

Yé bé mě sǒ méleme ó e nkul Sísǐm mé Nzyɛ̌m nó, lɛ́ɛ́, Nzyɛ̌m mû ó kúno etyêl Mpóʼo nyé ɨ́ sɔ́má yɨ́n.

Markus 13:21

Mʉ̂r lɛ́ɛ́ e bɨ̌n ó: “Beyɨɨ gá, Mʉ̌r Nzyɛ̌m á lœm múló mé jwɨ́ɨ nyá ó dí wâʼ nyâ!” nkʉ̂ ntɔ̂ʼ ó: “Nye ó kâʼ!” nó, abûʼla gá mʉr waá.

Lʉkas 17:23

Bʉ̂r, bé ólɛ́ɛ e bɨ̌n ó: “Jwɛ́ʼɛ́ɛ́ gá kâ”, nkʉ̂ ntémé ó: “Jwɛ́ʼɛ́ɛ́ gá wâʼ” nó, mʉ̌r sá atô gʉ̂, nkʉ̂ dû bê.

Lʉkas 21:8

Nó ó Yésʉs á lɛ́ɛ ó: «Diʼee gá mekʉá ɨ́ binyâ. Bɨ̌n ámû jaá dímlɔɔ, ebě, bʉr ɨ́ buo buo, bé ónzɨnze e díé lâm, le elɨlɛ́ɛ ó: “Mɛm ó dí nye!” Bé óbáʼǎ lɛ́ɛ ntémé ó: “Jɔ̌ʼ jwɨ́ɨ́ yâm, yɨ́ pyâl!” Sâ gwár, mʉr adû gá bê.

Yʉanes 1:26

Yʉánɛs, nye e bé ó: «Mě du bɨ́n ó e medíbé. Yé e nyʉ́ʉ́ mʉ̂r wâʼ páʼ nyɨ́n, bɨ́n dí agʉ́a nyá.

Yʉanes 18:36

Yésʉs nzě yala ó: «Jwɨ́ɨ́ yâm, yé abe yaá sí yɨ̂. Yé bé me á be ó njwɨ́ɨbʉ̌r sí yɨ̂ʼ nó, lɛ́ɛ́, osyɛ̂l o mésâ bâm, bɨ́ lwímla dɔ̂m lɨ́ ekamle bʉ̂r lɨ́ ebɛ́ma mé kwá ojwɨ́ɨ́ bé óYúden. Sâ gwár, yé abe nó. Jwɨ́ɨ́ yâm, yé abe kâ.»

Rôm 14:17

Mpóʼo mé Nzyɛ̌m, nyé abe mpóʼo mede le menyoʼ. Nye ó mpóʼo otîtyěl, mepyɛbla, ndu e bisʉhʉʉ mɨ́ná dí ebi gá e nzɨ̌ Sísǐm mé Nzyɛ̌m bí.

Kolosi 1:27

Ebě, Nzyɛ̌m á be lɨ́ ekpɛl élɛ̂ʼle bé jwɨʼ nyé á be e yé mesǒ yɨ́, jwɨʼ dí ɨ́ buú mbɨa, yaá dí e nyɔm lɨ́ esú é bíkúl bíbyɛ̂h yɨ́. Solá jwɨʼ yaá, yé ó: Krîst, nye mû ó sí pûhla e bɨ̌n. Bɨ̌n mû e mpûʼla ɨ́ miléme ó, bɨ̌n óbi kûm tɨ̂.