Lʉkas 17:16 - Kálar Nzyɛ̌m : Ejwán é Sáá

¹⁶ Nó nyé á nze kúrwo sí, píʼe mpóm ɨ́ bibwǎh ɨ́ mpǒm mé Yésʉs, lɨ́ edwe nyé nzyǒo. Mʉr waá á be ó mʉr Samarî.

Kálara Zyɛ̌m Edwán é mpʉ̌n

¹⁶ No ó nye a ze bɨʼ mpom we si é mih mo Yesʉs, lé edwe nye ekiba. To kœb ó, mʉr waa a be ó mʉr Samari!

Lʉkas 17:16 Iomraidhean Croise

Mataos 10:5

Bʉr kám le obá ónɨ̌ ó Yésʉs á lómo, nyé osí pǎ dwe bé metwɨ́ɨ́ mâ. Nye ó: «Atô gá kwá bʉr o dí abe óYúden bá. Anî gá ɨ́ nkana bʉ̂r ó Samarî.

Mataos 2:11

Bé ntɔ̂ʼ nî tʉ́ŋlʉ̌ mbɛ̌r, beɔɔ mwân, bé e nyɔ̌ŋ wé Maria, bê nzě bɨʼɔɔ mébóó mɔ́ɔ́ sí, lɨ́ edweŋɔɔ nyé kûm. Píe tɨ̂, bê nzě kɛɛ métʉ́m mɔ́ɔ́, ntɔ̂ʼ dweŋɔɔ nyé bisá bé á nze e byé bí: gʉ̂l, otú ó dúu le lɔbína.

Markus 5:33

Mʉmá waá nzě sâʼ ɨ́ ngba ngba ngba le ejóʼo bʉ́á, ebě, nye á be lɨ́ egʉ́ǎ sá yé á syɛ́ɛ nye ɨ́ nyʉ̂l yɨ́. Nye nzě bɨʼ mébóó sí ɨ́ mpǒm mé Yésʉs, nzě lɛ́ɛ nyé otyeetye wɨ́wɛ̂h.

Lʉkas 17:17

Yésʉs ntɔ̂ʼ lɛ́ɛ ó: «Bʉr kám bɨ́bɛ̂h, bé á bě sí tiʼe, yé abe nó? Á bʉ́ʉ́ bʉ̂r ebǔ bɨ́ɛ, bé mû wó ɛ́?

Lʉkas 5:8

Jɔ̌ʼ Simon Pétrus á bee syɛ́ɛla yaá yɨ́, nye ntɔ̂ʼ bɨʼ mébóó sí ɨ́ mpǒm mé Yésʉs. Nye e né ó: «Dâ ɛ̌, ayɨ́ di bǎʼ e me, ebě, me ó mʉrʉ̂m dí syɛ̂l misyóm nyá.»

Yʉanes 4:9

Mpʉ mʉ́má waá á jóʼo nye lɨ́ egwâm nyé medíbé yɨ́, nye e né ó: «Nyá? Gua Yúden, go lɨ́ egwâm mé medíbé ɨ́ yé ɛ́? Mɛm silě Samarî!» (Ebě, oYúden, bé abe e ndwáala e bʉr ó Samarî.)

Yʉanes 5:23

ó bʉr bɨ́bɛ̂h, bé dwêʼ Mwân dúu jwɨʼ gwár e gwár e mpʉ bé dí edwe Sɔ́ŋ yǎ yɨ́. Mʉr dí adwe Mwân dúu nyá, nyé adwe ntémé Sɔ́ŋ, mʉr á pa ntɨh nye nyá dúu.

Yʉanes 8:48

OYúden, bé e né ó: «Nzê bɨ̌h bé abe lɨ́ egwá lɛ́ɛ ó, go ó mʉr Samarî, ndu e ntémé ó, gǒ le eleme ɛ̌?»

Mɨlʉmlʉ 1:8

Bɨ̌n bé óbi nkûl ɨ́ jɔ̌ʼ Sísǐm mé Nzyɛ̌m ngá sulo bɨ́n ɨ́ menyʉ̂l yɨ́. Nó ó bɨ́n ngá boʼlo mílɔ̌b myâm, táare ɨ́ Yerʉ́zalɛm, le ɨ́ mekwár mé sí Yʉ́da mɨ́mɛ̂h, ndu e maá mé sí Samarî, tó pyâl ɨ́ medumo mé sí mɨ́mɛ̂h yɨ́.»

1 Korɛnt 14:25

Bijwɨʼ bí lémé wé, byé ógwíhǎ kʉ̌l. Nyé okúrwo sí, píʼe mpóm ɨ́ bibwǎh ɨ́ míh mɨ́n, lɨ́ edwě Nzyɛ̌m kûm. Nye ólɛ́ɛ ó: «Nzyɛ̌m kʉ́ bě tyeetye ó ɨ́ sɔ́má yɨ́n.»

Mɨngwiha 19:10

Ejóʼo mé á kʉ jóʼo nó yɨ́, me ntɔ̂ʼ kúrwo sí, píʼe mpóm ɨ́ bibwǎh ɨ́ mpǒm nyé, lɨ́ edwe nyé kûm. Nye nzě lɛ́ɛ e me ó: «Sá asâ nó. Me ntémé, me ó syɛ̂l mesâ mé Nzyɛ̌m mpʉ bɨ́n e bɨ́ɔɔ́ bô dí nɨ̌. Mɨná bɨ́bɛ̂h, bé lɨ́ ebúʼla gá lɔ́ɔ́ Yésʉs á túno wɨ́. Gúmláá sɔ̂ʼ njɨ Nzyɛ̌m.» Lɔ́ɔ́ Yésʉs á túno wɨ́, wé ó b'á dwe ogwíha o mílɔ̌b nkul Sísǐm ó, bé lwíbɨɨ.

Mɨngwiha 4:10

Jɔʼ yɨ́yɛ̂h bé á sɨsâ nó yɨ́, otɔ́má bʉ̂r mekám mébá le onâ baá, bé á si pipíʼa sí ɨ́ mpǒm mʉr á be ɨ́ mecwɨ́ɨ́ mé jwɨ́ɨ nyá, lɨ́ edwe mʉ̂r dí e twǐʼ njʉ̌m dǐ nyá kûm. Bé á be lɨ́ epɨpɛʼ bíkáráá bí gʉ̂l byɔ́ɔ́ ɨ́ milʉ̂, didyɛ́ʼɔɔ byé sí ɨ́ míh mé. Bé ó:

Mɨngwiha 5:14

Jɔʼ bé á didyɛɛ nó yɨ́, mikublakúbla mí ótír minâ myaá, myé á yɨyala ó: «Amɛn!» Otɔ́má bʉ̂r ónɨ̌, bé ntɔ̂ʼ kúrwo sí, píʼe mémpǒm sí ɨ́ míh mɔ́ɔ́, lɨ́ edwe bé kûm.