Lʉkas 17:1 - Kálar Nzyɛ̌m : Ejwán é Sáá

¹ Nó ó Yésʉs á nze lɛ́ɛ le ompʉ́n bé ó: «Yé óbe ɨ́ jɔʼ yɨ́yɛ̂h ó e mebɔ̌ʼ mé óbɨma bʉ̂r ɨ́ miléme ó, bé sâʼ ebébe má. Nkoó, nye ó e mʉr ngá gbâ bʉ́ʉ́ bʉ̂r mebɔ̌ʼ maá nyá!

Kálara Zyɛ̌m Edwán é mpʉ̌n

¹ No ó Yesʉs a lɛɛ e l'ompʉn be ó: «Yé óbe é jɔʼ yiyɛh ó e mozi bʉr, bé ódɨ jyɛl tɨʼ, ó bé saʼ mɨsyem ɨ. Sa gwar, a vwaʼ e mʉr ógomlo bʉʉ bʉr é zi waa ɛ!

Lʉkas 17:1 Iomraidhean Croise

Mataos 16:23

Yésʉs nzě dwira, le elɛ́ɛ e Pétrus ó: «Sátan, duhaa mé ɨ́ mîh. Go ó ebɔ̌ʼ e dí e nkul ebɨma mé ɨ́ léme lɨ́. Mipahlá myô, myé abe myaá mé Nzyɛ̌m, njɨ myaá mi bʉ̂r.»

Mataos 18:7

Nkoó, nyé e bʉr ó sí yɨ̂ʼ dí egbâ mébɔ̌ʼ mé óbɨma bʉ́ʉ́ bʉ̂r ɨ́ miléme ó, bé sâʼ misyóm má bá! Yê tyeetye ó, mebɔ̌ʼ me dí ebɨma bʉ̂r ɨ́ miléme má, mé abe e nkul edi, abe. Sâ gwár, nkoó nye ó e mbi mʉ̂r dí egbâ bʉ́ʉ́ bʉ̂r mǎ wɨ́!

Lʉkas 16:31

Nó Abraham á lɛ́ɛ e né ó: “Bé óbe, akpɛl éjóʼǒ Moyɨ̂z, nkʉ̂ ogwíha o mílɔ̌b nó, lɛ́ɛ́, bé abe e nkul ejóʼo ntémé mʉr á pah, duho lɨ́ odwe nyá ɔ́ɔ̀ɔ́.”»

Rôm 14:13

Ɨ́ mpʉ yé dí nó yɨ́, mɨná gwáʼaa gá edweela mébě páʼ gá nyɨ́ná. Gbáʼ gá nkul. Ayɨ́ sâ gá sá dí e nkul esâ ó, mɨ́ɔɔ́ wɨ́n bɨ́mɨɨ ebɔ̌ʼ yɨ́.

Rôm 16:17

Nó ó, bɨ́ɔɔ́ bâm, me lɨ́ ejɨʼla e bɨ̌n ó, bɨ̌n e báʼ bʉ̂r o dí egbâ nzyɛ́ɛ́lá mecwíí páʼ bʉr e bʉr, le baá dí egbâ mebɔ̌ʼ ɨ́ nzɨ̌ me bʉ́ʉ́ bʉ̂r bá. Bé lɨ́ esâ nó ó, bé nkʉ̂ kamle e milɛ́ʼlá bɨ́n á dweŋɔɔ mí. Diʼee gá ncɛrá e bê.

1 Korɛnt 10:32

Tiʼaa gá, mbi dí ó, bɨ̌n bé ákǎ sâ syɛ́ɛla ngá be ébɔ̌ʼ lé óbɨma óYúden le bʉr o bíkûl biswîh, nkʉ̂ ntɔ̂ʼ bʉr ó Mbɛ̌r-Nzyɛ̌m lɨ́!

1 Korɛnt 11:19

Ebě, mpɔ́ʼá menkɔ̌m, nye ɨ́ jala le enyɨ̂nyɨn páʼ nyɨ́n ó, bé gwâ dweʼe baá o dí tyeetye e búʼó bá.

1 Korɛnt 8:13

Yé bé mede mâm, mé ó ebɔ̌ʼ e dí e nkul ebɨma mɨ́ɔɔ́ wǎm ɨ́ léme lɨ́ nó, me ónzoó kam ó, me díʼee akǎ de tír. Me ámû jaá sâ ó, mɨ́ɔɔ́ wǎm bɨ́mɨɨ ebɔ̌ʼ ɨ́ léme, twe.

1 Timotɛ 4:1

Sísǐm mé Nzyɛ̌m lɛ́ɛ́ ɨ́ hwɨ́m ó: ɨ́ melú mé ósûʼla má, yé óbe ó e bʉr o ngá gbɔba e búʼó yɨ́ná bá. Bé ójôʼlo mísísǐm míkóo, le ebúʼla mílɛ́ʼlá méleme, mé á nyɛɛ kûhlo mí.

Mɨngwiha 2:14

Yé e sâ gwár mé dí ebene e bɨ̌n. Yé ó metwɨ́ɨ́ bʉ́ʉ́ bʉ̂r ó sɔ́má yɨ́n dí edû má. Syɛ́ɛla yaá ó mé dí ebene bɨ́n yɨ́. Bé lɨ́ edû mílɛ́ʼlá mé Balâm. Nye ó waá á dulo Bálak lɨ́ ebébe, tɨ́e nyé egbâ mébɔ̌ʼ mé óbɨma bʉ̂r o b'Ɨ́zraɛ̂l ɨ́ miléme ó, bé sâʼ ebébe má, ebě, nyɨɛ Bálak á sâ ó: nʉa tír á pa baŋɔɔ ɨ́ nzaá bikpɛʼkpɛ̂ʼ bí ónzyɛ̌m nyá, nzě tímle nyé bʉr o b'Ɨ́zraɛ̂l. Bɨ́ɛ ntɔ̂ʼ de nyê, nzě sáŋɔɔ ntémé bimolá.

Mɨngwiha 2:20

Yé e sâ gwár mé dí ebene e bɨ̌n yɨ́. Yé ó: Yezábɛl, waá bɨ́n á bana dûhwo ó, nye díʼee ɨ́ sɔ́má yɨ́n nyá. Sá tɨ̂ʼ ó mé dí ebene bɨ́n yɨ́. Mʉmá nɨ̌ dímlé bɨ́n ó, ɨ́ jɔʼ nyé dí elɛ́ɛ ó, nye ó ngwíha milɔ̌b yɨ́. Nye lɨ́ edwe ósyɛ̂l o mésâ bâm milɛ́ʼlá míkóo, ó bé sâʼ bimolá. Nyě títíné bé ntémé ó, bé dêʼ tír á pa baŋɔɔ ɨ́ nzaá bikpɛʼkpɛ̂ʼ bí ónzyɛ̌m nyá.