Lʉkas 16:8 - Kálar Nzyɛ̌m : Ejwán é Sáá

⁸ Sɔ́ŋ waá nzě sêʼlě bɨ́bla mbɔ̂ʼlʉ ekúró waá, ebě, nye á si kûhlo mepɨʼ nó, ebě, bʉr ó sí yɨ̂, bé lɨ́ ekʉ́ gwá kûhlo mépɨʼ páʼ nyɔ́ɔ́, laa bʉ̂r o mé Nzyɛ̌m.»

Kálara Zyɛ̌m Edwán é mpʉ̌n

⁸ Njwɨʼa waa ze seʼle bɨbla mbɔʼlʉ ekuro waa, ebe, nye a si kuhlo pɨʼ waa no, ebe, mʉr mbi jɔʼ yi, nye ábɛa le entaa bʉr o jyɛɛ ye é pɨʼ, laa bʉr mo Zyɛm.

Lʉkas 16:8 Iomraidhean Croise

Mataos 12:32

Mʉr nyɨnyɛ̂h dí elwib e Mwân mé Mʉr ebébe nyá, baa ébébe laá, yé óbɛ̌m pɛʼɔɔ. Sâ gwár, mʉr ngá lwib e Sísǐm mé Nzyɛ̌m ebébe nyá, baa ébébe laá, yé ákóʼó pɛʼɔɔ, damá jóʼo ɨ́ jɔʼ yɨ̂, damá jóʼo ɨ́ jɔʼ ésúʼlá é sí yɨ̂.»

Mataos 17:26

Nye nzě yala e né ó: «Yé ó kwá ojwóo.» Yésʉs nzě lɛ́ɛ e né ó: «Ɨ́ tɨ̂, yé lɛ́ʼlé ó, yê mpéné ó, mʉ̌r sá adî bwán mé njwɨ́ɨ mɔnɨ́ tœ́a.

Lʉkas 16:10

Mʉr dí egwá kʉ́ baʼle bísâ bi dí tîtííǎ bí nyá, nye ntémé ókʉ́ gwá baʼle bísâ bi dí ɨ́ buo buo bí. Mʉr dí esâ syóm lɨ́ ebi bísâ bi dí abuo bí nyá, nye ntémé ósâ syóm ntémé nó ɨ́ jɔʼ nyé ngá bi bísâ ɨ́ buo buo yɨ́.

Lʉkas 16:4

Mɨ́ gʉ́ǎ sá mé dí e nkul esâ yɨ́! Jɔʼ mé ngá dímlě dǐ yâm yɨ́, bʉr, bé óbaʼle mé ɨ́ mimbɛ̌r myɔ́ɔ́!”

Lʉkas 16:7

Nye e nyʉ́ʉ́ ó: “Gua, gó e yáǎ bím?” Nyɨ́haá, nye ó: “Mě e minkura méde minter mitɛ̂n.” Mbɔʼlʉ ekúró, nye e né ó: “Mekaná mémpʉ́lá mô bê. Cɛmaa mínter minâ.”

Lʉkas 18:6

Nó ó Tî Yésʉs á lɛ́ɛ ó: «Tîʼ milɔ̌b á dwidwe bʉr mebě me mpéne nyá, paá jôʼlo gá sá nyé dí elɛ́ɛ yɨ́.

Lʉkas 20:34

Nó ó Yésʉs á yala e bé ó: «Bʉr ó jɔʼ yɨ̂, bé lɨ́ ebɛ́a.

Lʉkas 20:35

Sâ gwár, odwe ó Nzyɛ̌m dí ebee ó, bé ɨ́ jala le epah, tó di e né ɨ́ mpóʼo ngá tyélɔɔ nyɨ́ bá, bé ákóʼó kǎ bɛ́a.

Yʉanes 12:36

Dyɛ́ʼwáá gá e njʉl waá ɨ́ jɔʼ wé dína lɨ́ epǎn myɛ́n yɨ́. Nó yaá ó bɨ́n ngá sûʼla bʉ̂r ó myɛ́n yɨ́.» Jɔ̌ʼ Yésʉs á be ɨ́ lwib nó yɨ́, nye nzě laa, tó swab bê.

1 Korɛnt 3:18

Mʉ̌r sá alêh. Mʉ̂r ɨ́ sɔ́má yɨ́n sí láa ó, nye ó twóó ɨ́ nkǒ páʼ bísá bí jɔʼ yɨ̂ʼ nó, nye nyɛ́ɛ dǐ gʉ̌. Nyé okǎ bi ócwóó ómpâ ɨ́ jɔʼ yaá.

Éfɛsɔs 5:8

Ɨ́ mimbú mí píhe, bɨ̌n bé á bɨbe ó, lɨ́ edúrʉ́ʉ́. Nó ó, ɨ́ báánâ mpʉ bɨ́n mû sí pûhla e Tî Yésʉs yɨ́, bɨ̌n mû ó ɨ́ myɛ́n. Nó ó, dúʼóó gá kʉ̌ tyen dí ejala e bʉr o dí ɨ́ myɛ́n bá wɨ́.

Filipi 3:19

Bɨ́haá, ndumló wɔ́ɔ́, wé ó edîm tyeetye. Bé lɨ́ ejaá gʉ́ǎ njɨ nzyɛ̌m ngwár ɨ́ sí yɨ̂: mimo myɔ́ɔ́. Bé gúgúmló ó, bisâ bi dí ɨ́ buú sámle bé bí. Sâ gwár dí etirwo bé ɨ́ miléme yɨ́, yé ó njɨ bisá bí sí yɨ̂.

1 Tesalonika 5:5

Bɨ̌n bé ó baá o dí etye ɨ́ myɛ́n, ɨ́ jɔʼ yé dí móhó yɨ́. Mɨná bé abe gá mpʉ bʉ̂r o dí entíma lɨ́ edúrʉ́ʉ́ bá.

1 Pyɛr 2:9

Sâ gwár, bɨ̌n bɨɛ bé ó mpóʼǒ Nzyɛ̌m á boo twâr nyɨ́. Nye á twâr bɨ̌n ó, bɨ̌n séaa nye syɛ́ɛ ópara, le edǐ kúl bʉ̂r dí tí ɨ́ míh mé yɨ́. Bɨ̌n bé ó sá mé Nzyɛ̌m, ánta nye, lɨ́ esú ó, bɨ̌n gúmlaa mʉr á jébe bɨ̌n nyá. Njɨ́blɨ́ wé waá, wé ó b'á pɛʼ bɨ̌n lɨ́ edúrʉ́ʉ́, tyen bɨ́n ɨ́ myɛ́n dí ɨ́ ntyɛ̌n ntɨ̂ ntyɛ̌n yɨ́.

1 Yʉanes 3:10

Ebě, bé gʉ́gʉ́á mbɔ́ʼ páʼ bwán mé Nzyɛ̌m, bé e baá mé sɔ́ŋ meleme ó, mbi wɨ̂: mʉr nyɨnyɛ̂h dí asâ syɛ́ɛla dí tîtyěl yɨ́ nyá, nkʉ̂ waá dí akpɛl mɨ́ɔɔ́ wé nyá, nyé abe mwân mé Nzyɛ̌m.