Lʉkas 16:2 - Kálar Nzyɛ̌m : Ejwán é Sáá

² Nye ntɔ̂ʼ jébe nyê. Nye e né ó: “Wáǎ mbǐ lɔ̌b mé dí ejóʼo, dumo e go wɨ̂? Lɛ́ʼláá mé mpʉ gô bibi bísá byâm yɨ́, ebě, gó abe e nkul ekǎ di mbɔ̂ʼlʉ ekúró lâm.”

Kálara Zyɛ̌m Edwán é mpʉ̌n

² Nye ntɔʼ jebe nye. Nye e nye ó: “Wáa mbi lɔb me lé ejoʼo-joʼo, tiibe e go wi? Lɛʼla me mpʉ go bi-bi bɨsa byam ɨ, ebe, go abe e nkul eka di mbɔʼlʉ ekuro lam!”

Lʉkas 16:2 Iomraidhean Croise

Mataos 12:36

Me lɨ́ egwá kʉ́ nwâhle bɨ́n ó, ɨ́ móhó étíʼ é mílɔ̌b, bʉr, bé ótó kar lɨ́ esú lé ékǎn lɨ́lɛ̂h bé á lwilwib, abe e nyɔm lɨ́.

Mataos 20:8

«Nó ɨ́ jɔ̌ʼ pum, wé á dwíne yɨ́, mʉr pemé ntɔ̂ʼ jébe mʉ̂r á bɨbaʼle nye bisɔ̂ʼ nyá. Nye e né ó: “Jébáá bílóbila. Go jánaa e byé tâŋ nyɔ́ɔ́. Go ónyɛɛ́ jána ó, mʉr nzé épíhe nyá. Gó okǎ tó swâhle e waâ nzé ésôʼ nyá.”

Lʉkas 12:20

Nzyɛ̌m, nye e mʉr waá ó: “Gʉʼlʉgʉ́! Mûh ɨ́ pum wɨ̂, me ópɛ̌ʼ sísǐm gô. Nzé ókǎ lîʼ lɨ́ ede méde gó á kʉkomo má ɛ́?”»

Lʉkas 12:42

Tî Yésʉs ntɔ̂ʼ yala e né ó: «Nzé dí twóó mbɔʼlʉ ekúró dí mʉr ebúʼlɔɔ nyá, waá sɔ́ŋ á tyêl ó, nye díʼee lʉ́ ósyɛ̂l o mésá bé, le ekab bé menkɔb méde mɔ́ɔ́ ɨ́ bijɔʼ bi dí ejala bí nyá?

Lʉkas 16:1

Yésʉs á lɛ́ɛ ntémé le ompʉ́n bé ó: «Nyʉ́ʉ́ kúmá á be ó e mbɔʼlʉ ekúró wé. Nó bʉ́ʉ́ bʉ̂r, bé á si dwe mbɔʼlʉ ekúró waá mebě, le elɛ́ɛ ó, nye á si sam nye bisâ.

Lʉkas 16:3

Nó mbɔ̂ʼlʉ ekúró waá á nze lɛ́ɛ ɨ́ lémé wé tʉ́ŋlʉ̌ ó: “Mpʉ sɔ́ŋ wǎm lɛ́ɛ́ ó, nyě pɛ̌ʼ ó me ɨ́ dǐ mbɔ̂ʼlʉ ekúró yɨ́, me ókǎ sâ nyá ɨ́ jɔʼ yɨ̂? Mɛm apʉgʉ́ be e nkul lí bípemé. Nó yé óbuú sâ mé sôn lɨ́ etô le engʉl méde.

Rôm 14:12

Nó yé lɛ́ʼlé ó, mʉr nyɨnyɛ̂h ɨ́ sɔ́má gá yɨ́ná ókar ɨ́ míh mé Nzyɛ̌m.

1 Korɛnt 1:11

Bɨ́ɔɔ́ bâm! Okɛ́l bâm! Bʉr ó mbɛ̌r bʉ̂r mé Klóes, bé lɛ́ɛ́ mé ó, bɨ̌n bé lɨ́ edǐ pɨra páʼ nyɨ́n.

1 Korɛnt 4:2

Tó kœb ó, sá bé dí edî e mʉr dí ebaʼlě mbɛ̌r nyá yɨ́, yé ó, nye díʼee mʉr ebúʼlɔɔ.

1 Korɛnt 4:5

Ɨ́ tɨ̂ʼ ɨ́, alɨ̌ tíʼe gá lɔ̌b mé nyʉ́ʉ́ mʉ̂r ɨ́ jɔʼ yé dí apǎ pyâl jɔʼ élab yɨ́. Bónáá gá ó, Tî Yésʉs, nye ntâʼ. Nyé opyêl sá dí lɨ́ edúrʉ́ʉ́ yɨ́, tyen yé ɨ́ myɛ́n. Nyé ogwîh mípahlá mi dí misolá ɨ́ milémé mí bʉ̂r mí. Jɔʼ yaá ó Nzyɛ̌m ódwe mʉ̂r nyɨnyɛ̂h kûm jálá e né nyɨ́ yɨ́.

2 Korɛnt 5:10

Ebě, yê mɨná gá bɨ́bɛ̂h bi ó, mɨná pyálaa gá ɨ́ mpǒm mé Krîst lɨ́ esú é tíʼá mílɔ̌b gá wɨ́ná. Mʉr nyɨnyɛ̂h óbi myɛ́na ó, dû mpʉ bísyɛ́ɛla byé, byé á be ɨ́ jɔʼ nyé á be ɨ́ twiʼ yɨ́: nkʉ̂ byé á be ó, ɨ́ mbɨa, nkʉ̂ ó, byé á be ó, ɨ́ bébe.

1 Timotɛ 4:14

Anyamlě sâ lěh ɨ́ lɔ̌b ndwéá Nzyɛ̌m á dwe go ɨ́ jɔʼ ógwíha o mílɔ̌b mé Nzyɛ̌m bé á lwib, dumo e go yɨ́, púhlá le kɛlá mébô ótyɛ̂b bé ésôʼ ó Mbɛ̌r-Nzyɛ̌m bé á kɛl go wɨ́.

1 Timotɛ 5:24

Misyóm mí bʉ́ʉ́ bʉ̂r, sɨ́sá ó nyɨnyɨ̂n ɨ́ ponó, bʉr baá dína apǎ dweŋɔɔ mébě. Bʉ́ʉ́ bʉ̂r bɨ́ɛ, misyóm myɔ́ɔ́, myé lɨ́ ekǎ nyɨ́n ɨ́ kpɛŋlɛm ó, njɨ epíhe.

1 Pyɛr 4:10

Mpʉ mʉ̂r nyɨnyɛ̂h ɨ́ sɔ́má gá yɨ́ná á bi wé mbǐ ndwéá yɨ́, bɨbaʼlaa gá mindwéá mín myaá lɨ́ esú lé ékɛm bʉ̂r ó sɔ́má yɨ́n oswîh. Sɨ́sáʼ gá nó, ebě, bɨ̌n bé ó osyɛ̂l o mésá mé Nzyɛ̌m dí ɨ́ mbɨǎ njwɨr, baá bé á bi metyɛʼ me mpóm mé Nzyɛ̌m mimbi mimbi bá.

1 Pyɛr 4:5

Bé ókar mílɔ̌b myɔ́ɔ́ ɨ́ mpǒm mé Nzyɛ̌m. Nye mû ó ɨ́ cǎr ó, nye tíʼaa mikublakúbla le odwe milɔ̌b.

Mɨngwiha 20:12

Me ntɔ̂ʼ bee ódwe. Ɨ́ bʉr baá, yé á be ó, le minjwɨ́ʼ mí bʉ̂r ndu e baántéʼenteʼe o bʉ̂r. Bé á be ó sí tyɛ̂b ɨ́ mpǒm mecwɨ́ɨ́ mé jwɨ́ɨ. Mekaná, mé ntɔ̂ʼ bɛ́ɔɔ ɨ́ buo buo. Mʉ́ʉ́ mékaná meswîh ntɔ̂ʼ bɛ́ɔɔ ntémé, mɨ́haá e míé mé bʉ̂r o ngá bǐ twǐʼ njʉ̌m dǐ bá. Nzyɛ̌m nzě pahle bʉ̂r o b'á dwe bá. Nye á tíʼe milɔ̌b myɔ́ɔ́ ó, lɨ́ edû mpʉ bísyɛ́ɛla byɔ́ɔ́ byé á be yɨ́. Bibaa bísyɛ́ɛla byɔ́ɔ́ byaá, byé á be ó micɛmá lɨ́ ebɨ́ʼ é mékaná mé ésôʼ maá.