Lʉkas 16:16 - Kálar Nzyɛ̌m : Ejwán é Sáá

¹⁶ «Metié mé Moyɨ̂z le mekaná mé ógwíha o mílɔ̌b, mé á di ó, ɨ́ bea bea, tó pyâl ɨ́ jɔʼ mé Yʉánɛs Ndubʉr. Táare ɨ́ jɔʼ yaá, tô dóló, bé mû ó lɨ́ etúnǒ Mbɨambɨa Lɔ́ɔ dí edumo e Mpóʼo mé Nzyɛ̌m wɨ́. Mʉr nyɨnyɛ̂h, nye mû ó lɨ́ enî tɨ̂ʼ e nkul.

Kálara Zyɛ̌m Edwán é mpʉ̌n

¹⁶ «Motie mo Moyiz ndwe e sikʉlʉ ogwiha o mɨlɔb bé a dwe e, byé a di ó, é di di di, to pyal é Yʉanes. Taare é jɔʼ nye a pyal ɨ, to dolo, bʉr, bé mu ó lé etuno Mbɨambɨa Lɔɔ lé etiibe e jwɨ̀ʼa mo Zyɛm ɨ. Mʉr nyiwɛh, nye mu ó lé eni tɨʼ e nkul.

Lʉkas 16:16 Iomraidhean Croise

Mataos 10:7

Nzɨ́ e nzɨ̌, lɛ́yɨ́ɨ́ gá ó: “Dâ mû ó kúno etyêl Mpóʼo nyé ɨ́ sɔ́má yɨ́n!”

Mataos 15:11

Ntʉ̌ sá dí enî mʉ̂r ɨ́ num yɨ́, dí ebɛ̂ʼ páʼ mʉr, bé e Nzyɛ̌m. Mʉr bɔ́ʼá e Nzyɛ̌m ó, ɨ́ lɔ̌b ékǎn e dí eduho nyé ɨ́ num lɨ́.»

Mataos 21:32

Ebě, Yʉánɛs á nze páʼ wɨ́n ó, lɨ́ elɨ̂lɛʼle bɨ́n tîtyěl nzɨ̌, bɨ̌n l'abûʼla nyê. Tó kœb ó, onwɨa ó mɔnɨ́ tœ́a le bisadága bi bʉ́bá bɨ́ɛ, bé á si dyɛ̂ʼwo e né. Bɨ̌n bɨɛ ntémé lɨ́ ebee nó, bɨ̌n bé á bé atúmo míkoo e mebébe mɨ́n, nkʉ̂ dwira míléme, le ebúʼlǎ lɔ́ɔ́ wé.»

Mataos 3:2

Nye á lɨlɛ́ɛ ó: «Túmáá gá mikoo e mebébe mɨ́n. Bɨ̌n a dwírá míléme, ebě, Dâ mû ó kúno etyêl Mpóʼo nyé ɨ́ sɔ́má gá yɨ́ná.

Mataos 4:17

Táare ɨ́ jɔʼ yaá, Yésʉs nzě nyɛl étúno ó: «Túmáá gá mikoo e mebébe mɨ́n. Bɨ̌n a dwírá míléme, ebě, Dâ mû ó kúno etyêl Mpóʼo nyé ɨ́ sɔ́má yɨ́n.»

Mataos 4:23

Nó ó Yésʉs á to le etye ɨ́ bigúmó bí sí Galilê bíbyɛ̂h, tô le edwe bʉ̂r milɛ́ʼlá ɨ́ mempáh mínjɨʼla, le etúnǒ Mbɨambɨa Lɔ́ɔ dí edumo e Mpóʼo mé Nzyɛ̌m wɨ́, le etiʼ bʉ̂r o b'á bíle mekpaa mɨ́mɛ̂h bá. Nye á si tiʼ bʉr o bídyɛ̂m bíbyɛ̂h tʉ́ŋlʉ̌ kúl bʉ̂r yé.

Markus 1:14

Bê nzě gbâ Yʉánɛs ɨ́ mbʉʼ. Píe tɨ̂, Yésʉs nzě tô sí Galilê, tô le etúnǒ Mbɨambɨa Lɔ́ɔ dí eduho kwá mé Nzyɛ̌m wɨ́.

Markus 1:45

Damá jóʼo ó mpʉ̌ Yésʉs á lɛ́ɛ nye nó yɨ́, mʉr waá á jaa to le etúno le egwîh lɔ́ɔ waá ó, tûtuno ó túnáa ɨ́ gúmó yɨ́yɛ̂h. Sá tɨ̂ʼ ó Yésʉs á be abe e nkul ekǎ nî ɨ́ binkana ɨ́ ponó yɨ́. Nye á ka jaa didi ó, njɨ ɨ́ bilʉ̌n, bisúm bʉ̂r, bé á be abe bí. Bʉr bé á be lɨ́ etô kwá nyé, duduho ɨ́ bigúmó bíbyɛ̂h.

Lʉkas 10:11

“Bɨ̌h bɨ́ kuro pím nkana yɨ́n dí enara bɨ́h ɨ́ mekʉ̌ nyɨ́. Gʉ́ŋáá gá ó, Mpóʼo mé Nzyɛ̌m mû ó lɨ́ ekúnwo e bɨ̌n!”

Lʉkas 10:9

Tiʼɨɨ gá mimbél mí nkana yaá. Bɨ̌n e lɛ́ɛ́ e bʉr ó nkana yaá ó: “Nzyɛ̌m mû ó kúno etyêl Mpóʼo nyé ɨ́ bɨ̌n.”

Lʉkas 16:29

Abraham ntɔ̂ʼ yala ó: “Bɨ́ɔɔ́ bô, bé e lɔ́ɔ́ Moyɨ̂z bé le ogwíha o mílɔ̌b, bé á cɛma wɨ́. Bé páa jóʼo bé ɔ̌!”

Lʉkas 16:31

Nó Abraham á lɛ́ɛ e né ó: “Bé óbe, akpɛl éjóʼǒ Moyɨ̂z, nkʉ̂ ogwíha o mílɔ̌b nó, lɛ́ɛ́, bé abe e nkul ejóʼo ntémé mʉr á pah, duho lɨ́ odwe nyá ɔ́ɔ̀ɔ́.”»

Lʉkas 9:2

Nye ntɔ̂ʼ lómo bé ó, bé tôʼ le etúnǒ Mbɨambɨa Lɔ́ɔ dí edumo e Mpóʼo mé Nzyɛ̌m wɨ́, le etiʼ mímbêl.

Yʉanes 1:45

Píe tɨ̂, Philippe nzě tó beě Natanaɛ̂l. Nye e né ó: «Bɨ̌h bɨ́ bee mʉ̂r, waá Moyɨ̂z á boo cɛma ɨ́ lɔ̌b wé ɨ́ mekaná métié, maá ógwíha o mílɔ̌b bé á cɛma ɨ́ lɔ̌b wé má. Mʉr waá, nye ó dí Yésʉs, mwân mé Yóseb, mʉr Nazarɛ̂t.»

Yʉanes 11:48

Mɨ́ná sí bîr gá nye nɛ́ɛ: bʉr bɨ́bɛ̂h, bé ódyɛ̂ʼwo e né. Jɔʼ yaá, bʉr ó Rôm, bé ónze, nzě bʉ́ŋɔɔ̌ mpáh Nzyɛ̌m gá nyɨ́ná, le elwímla dɔ̂m e sí gá yɨ́ná.»

Yʉanes 12:19

OFarizyɛ̂n nzě nyɛl élwibla páʼ nyɔ́ɔ́. Bé ó: «Beyɨɨ gá, mɨná bé ákoʼo gá nye! Bʉr ó sí bɨ́bɛ̂h mû kǎ dû ó, njɨ nye omér.»

Mɨlʉmlʉ 3:18

Tó kœb ó, Nzyɛ̌m á lóŋlo ekǎn nyé á lɛ́ɛ ɨ́ minum mí ógwíha o mílɔ̌b bɨ́bɛ̂h lɨ́ ó, cɨɨ e nzɨ̌ syɛ́ɛla yɨ́n yaá. Nye á lɛ́ɛ ó, yé jɨ ó, mʉr nyé á lœm múló mé jwɨ́ɨ nyá nkɛ́yɨɨ mitúú mpʉ́nʉ̌.