Lʉkas 16:11 - Kálar Nzyɛ̌m : Ejwán é Sáá

¹¹ Bɨ́n óbe, agʉ́a ébaʼle bíbɨ́bla bí ókúm le ogbaa ó sí yɨ̂ʼ nó, onzé ngá láa ó, bɨ̌n bé ó bʉr o bé ébûʼlɔɔ? Onzé ókomo mímpǎŋ bisá byɔ́ɔ́ kwá nyɨ́n, ó bɨ̌n bâʼlaa bé byǎ?

Kálara Zyɛ̌m Edwán é mpʉ̌n

¹¹ ǃBɨn si kœʼ é l'ozyɛhozyɛh é jɔʼ bɨn lé ebaʼle ozyɛhozyɛh o bɨsa bɨ si nwaʼ nɛʼɛ, ozé, bé óláa ó, bé óbɛm komo-komo mɨmpaŋ bɨsa byɔɔ é mobo mɨn, ó bɨn dɨʼe baʼle be bya?

Lʉkas 16:11 Iomraidhean Croise

Mataos 6:24

«Kâr tɔʼ e mʉr ngwár dí e nkul eséa le ojwɨ́ɨ obá jɔʼ gwár, ebě, nye ónwim nyʉ́ʉ́, kpɛl nyʉ́ʉ́; nkʉ̂ ntɔ̂ʼ ó, nye ódwe nyʉ́ʉ́ dúu; pyêh nyʉ́ʉ́. Nó, bɨ̌n bé abe e nkul eséǎ Nzyɛ̌m syɛ́ɛ́, séa Ókúm-le-Ogbaa syɛ́ɛ́ ɨ́ jɔʼ gwár.

Lʉkas 12:33

Bɛ́máá gá mebi mɨ́n. Súʼáá gá baántéʼenteʼe o bʉ̂r. Laraa gá mimpɨ́ʼ bímɔnɨ́ mi dí aswɨ́ɨ mí. Máʼáá gá okúm le ogbaa wɨ́n ɨ́ jʉ́o kʉ́, gúmó byé ngá be, adîm yɨ́, ebě, mindíblʉ̌, myé abe e nkul ekúnwo e tɨ̂. Oswôʼ ntémé, ajʉ́a byê.

Lʉkas 16:12

Bɨ́n óbe, agʉ́a ébaʼle bísá byé onkán nó, nzé ódwe bɨ́n bisá bín, bɨ̌n bʉr o tɨ̂?

Lʉkas 16:9

Yésʉs ntɔ̂ʼ lɛ́ɛ ó: «Mě lɛ́ɛ́ bɨ́n ó: nʉaa gá bibɨ́bla bí ókúm le ogbaa ó sí yɨ̂. Jwɛ́náá gá byê, lɨ́ esú ó, bɨ̌n tíaa esó e bʉr. Jɔʼ ókúm le ogbaa waá, wé ósíe yɨ́, bé odil bɨ́n ɨ́ bisaʼ ngá dǐ njʉ̌m dǐ e njʉ̌m dǐ bí.

Lʉkas 18:22

Jɔ̌ʼ Yésʉs á jóʼo nó yɨ́, nye nzě lɛ́ɛ e né ó: «Yé lɨ́ esáa gó sâ gwár. Tóʼ, tó bɛ́ma bísá bíbyɛ̂h gó dí e byé bí. Go e dwé míndyêbndyéb mɔnɨ́ yaá. Jɔʼ yaá ó gó ngá bi ókúm le ogbaa ɨ́ buo buo ɨ́ jʉ́o kʉ́ kwá mé Nzyɛ̌m yɨ́. Píe tɨ̂, go e nzé dû mê.»

Éfɛsɔs 3:8

Ɨ́ sɔ́má bʉ̂r o bɨ́h le onɔ́ɔ́ dí egúmo e Nzyɛ̌m bá, bʉ́ʉ́ bɨ́bɛ̂h ó dí ejala le enyɛɛ́ gbáŋɔɔ ɨ́ nkɔb. Damá jóʼo nó, Nzyɛ̌m á si lɛ̂ʼle me mpam nyé, ó me túnaa Mbɨambɨa Lɔ́ɔ́ mé Yésʉs-Krîst kwá bʉr o dí abe óYúden bá, ó bé gʉ́ŋaa okúm le ogbaǎ Krîst dí enze mɨ́ná gá e wǎ wɨ́, nzamedwah e mpʉ wé dí agʉ́ŋɔɔ wɨ́wɛ̂h yɨ́.

Jacques 2:5

Bɨ́ɔɔ́ bâm! Okɛ́l bâm! Bʉr mé dí ekpɛl bá! Jóʼláá gâ: Nzyɛ̌m á si twâr baántéʼenteʼe o bʉ̂r ó sí yɨ̂ʼ lɨ́ esú ó, nye gbâʼ bé buobuo búʼó ɨ́ miléme. Nzyɛ̌m á si kɛʼ bʉr o dí ekpɛl nyé bá ó, nye ódwe bé mimbɨambɨa bísâ ɨ́ Mpóʼo nyé. Ntʉ báántéʼenteʼe o bʉ̂r ó sí yɨ̂ʼ ó ngá lîʼ e bisá nyé á kɛʼ bí ɛ́?

Mɨngwiha 3:18

Me lɨ́ etɨ́e bɨ́n ó: yé bé bɨ̌n bé lɨ́ egwɨ̂m ébi ókúm ómpâ nó, bwámáá gá gʉ̂l yâm. Yé á be ɨ́ duho ɨ́ duró lé ólûl. Bwámáá gá mikán ɨ́ pumo pumo. Bɨ̌n e bwár myê, akǎ dǐ suswáh ɨ́ ŋmáh ndu e sôn. Bɨ̌n e bwám ntémé mǐr étwáale ɨ́ mîh, ó bɨ̌n nkʉ̂ báʼǎ bee!