Lʉkas 16:1 - Kálar Nzyɛ̌m : Ejwán é Sáá

¹ Yésʉs á lɛ́ɛ ntémé le ompʉ́n bé ó: «Nyʉ́ʉ́ kúmá á be ó e mbɔʼlʉ ekúró wé. Nó bʉ́ʉ́ bʉ̂r, bé á si dwe mbɔʼlʉ ekúró waá mebě, le elɛ́ɛ ó, nye á si sam nye bisâ.

Kálara Zyɛ̌m Edwán é mpʉ̌n

¹ Yesʉs a lɛɛ nteme e l'ompʉn be ó: «Yé a ze be ó, nuu mbil bɨsa bé e mbɔʼlʉ ekuro we. No ó, bʉʉ bʉr, bé a be ó, lé eze-ze, lé eze pur mbɔʼlʉ ekuro, lé elɛɔ-lɛɔ ó, nye a be ó si sam nye bɨsa.

Lʉkas 16:1 Iomraidhean Croise

Mataos 20:8

«Nó ɨ́ jɔ̌ʼ pum, wé á dwíne yɨ́, mʉr pemé ntɔ̂ʼ jébe mʉ̂r á bɨbaʼle nye bisɔ̂ʼ nyá. Nye e né ó: “Jébáá bílóbila. Go jánaa e byé tâŋ nyɔ́ɔ́. Go ónyɛɛ́ jána ó, mʉr nzé épíhe nyá. Gó okǎ tó swâhle e waâ nzé ésôʼ nyá.”

Lʉkas 12:42

Tî Yésʉs ntɔ̂ʼ yala e né ó: «Nzé dí twóó mbɔʼlʉ ekúró dí mʉr ebúʼlɔɔ nyá, waá sɔ́ŋ á tyêl ó, nye díʼee lʉ́ ósyɛ̂l o mésá bé, le ekab bé menkɔb méde mɔ́ɔ́ ɨ́ bijɔʼ bi dí ejala bí nyá?

Lʉkas 15:13

Abea nɛ́ɛ: ntwóm nzě bɛ́ma nyé nkɔ̂b bisâ, nzě nʉǎ mɔnɨ́ tɨ̂, tô ɨ́ yʉ́ʉ́ sí swîh, yé á be lɨ́ ejaa yɨ́. Gʉ̂ʼ, nye á titiʼe ó, sá twiʼ asiŋa, sîl ésǎm mɔnɨ́ yé yɨ́yɛ̂h ɨ́ pé.

Lʉkas 15:30

Nó ɨ́ jɔʼ mwân gǒ nyâ, mû sí tó búla yɨ́, waá á sam bisá byô bíbyɛ̂h lɨ́ ebwâm bísadága bi bʉ́bá nyá, gʉ́ jʉ̂ nyé mâ myáʼ ntœœ!”

Lʉkas 16:19

«Yé á be ó e nyʉ́ʉ́ mʉ̂r á be e bisâ ɨ́ buo buo nyá. Melú mɨ́mɛ̂h, nye á bwâr ó, mikán myé á be ɨ́ lele tâŋ mí. Nye á titiʼe dʉ́ó lɨ́lɛ̂h ó ɨ́ mepwaʼ.

Lʉkas 16:2

Nye ntɔ̂ʼ jébe nyê. Nye e né ó: “Wáǎ mbǐ lɔ̌b mé dí ejóʼo, dumo e go wɨ̂? Lɛ́ʼláá mé mpʉ gô bibi bísá byâm yɨ́, ebě, gó abe e nkul ekǎ di mbɔ̂ʼlʉ ekúró lâm.”

Lʉkas 19:20

Nyʉ́ʉ́ nzě pyâl. Nye ó: “Dâ ɛ̌, beě nzǎŋ gʉ̂l gô? Me á baʼle wé ó, tyeelá lɨ́ eliré é kán,

Lʉkas 8:3

bé e Yʉána, myaá mé Kúza, mbɔʼlʉ ekúró mé Erôd, le Susána, le bʉ́ʉ́ bʉ́bá ɨ́ buo buo bé á susúʼo sɔ́má mé Yésʉs e mebi mɔ́ɔ́ bá.

Títos 1:7

Yé ó nó: yé jɨ ó, mʉr dí epála bʉ̂r ó Mbɛ̌r-Nzyɛ̌m nyá, díʼee waá dí apǎ dweŋɔɔ mébě nyá, ebě, nye ó syɛ̂l mesá mé Nzyɛ̌m. Nyé ajala le esâ pyêh, nkʉ̂ di ɨ́ ŋmaaa, abě nyʉnyóʼ, nkʉ̂ mʉr esweha, nkʉ̂ waá dí esáa bímɔnɨ́ ɨ́ menzɨ̌ me dí onzyɛ́h ónzyɛ́h má nyá.

Jacques 4:3

Bɨ́n jáʼ nyé byǎ nó, bɨ̌n bé abe lɨ́ ebi yɨ́ɛ byê, ebě, bɨ̌n bé lɨ́ ejaʼ ɨ́ mbi dí ɨ́ bébe wɨ́. Sá bɨ́n dí egwɨ̂m yɨ́, bɨ̌n jaá kpɛl yé ó, njɨ lɨ́ esú lé élóŋlo bígwɨ́má bín e tɨ̂.

1 Pyɛr 4:10

Mpʉ mʉ̂r nyɨnyɛ̂h ɨ́ sɔ́má gá yɨ́ná á bi wé mbǐ ndwéá yɨ́, bɨbaʼlaa gá mindwéá mín myaá lɨ́ esú lé ékɛm bʉ̂r ó sɔ́má yɨ́n oswîh. Sɨ́sáʼ gá nó, ebě, bɨ̌n bé ó osyɛ̂l o mésá mé Nzyɛ̌m dí ɨ́ mbɨǎ njwɨr, baá bé á bi metyɛʼ me mpóm mé Nzyɛ̌m mimbi mimbi bá.