Lʉkas 15:8 - Kálar Nzyɛ̌m : Ejwán é Sáá

⁸ «Nyʉ́ʉ́ mʉ́má á be ó e minzaŋ mí mɔnɨ́ kám. Nzaŋ ngwár nzě dîm. Nye nzě tumo éláma, gwámlě mbɛ̌r. Nye nzě gɔ́na le esáa wé twîtwǒʼ, twîtwǒʼ, tó pyâl ɨ́ jɔʼ nyé á ka bee wé yɨ́.

Kálara Zyɛ̌m Edwán é mpʉ̌n

⁸ Yesʉs ze sa yʉʉ kɨkɛna, lé eyɨm nkpaa. Nye ó: «Yé a ze be ó, mʉma e mɨsaŋ mɨ mɔn ewʉm, saŋ ngwar ze dim. Nye ze tumo elama, gwamle mbɛr. Nye ze taare lé esaa we cɨcyoʼ, cɨcyoʼ, to pyal é jɔʼ nye a bee we e.

Lʉkas 15:8 Iomraidhean Croise

Mataos 5:15

Bé abe lɨ́ etumo éláma ó, bé óbûr lé ɨ́ mpɨ̌. Yé jala ó, bé tyélɨɨ lé ɨ́ tyélátyéla éláma kʉ́, gúmó lé ókʉn bʉ̂r bɨ́bɛ̂h o dí ɨ́ mbɛ̌r bá yɨ́.

Lʉkas 15:7

Mě lɛ́ɛ́ bɨ́n ó: jwɨʼ gwár yaá ntémé ó, bé óbuú soho ɨ́ jʉ́o kʉ́ ɨ́ jɔʼ syɛ̂l misyóm ngwár mû sí túmǒ koo e misyóm myé, le edwirǎ léme yɨ́. Bé óbuú soho nyê, laa bʉ̂r mekám ebǔ le ebǔ, baá o dí “otîtyěl”, dí adweʼe mísyóm myɔ́ɔ́, nkʉ̂ gʉ́a ó, bé lɨ́ ejala le etúmǒ koo e myé, le edwira míléme bá.»

Lʉkas 15:9

Jɔʼ nyé á bee wé yɨ́, nye nzě báŋle ósó bé ti e bʉr o kwár. Nye ó: “Mɨná sóhaa gâ, ebě, mɨ́ bánǎ beě nzǎŋ mɔnɨ́ wâm wé á dîm wɨ́.”

Lʉkas 19:10

Ebě, Mwân mé Mʉr á nze ó, nzě sáa baá mû sí dîm bá ó, nye ódwe bé twiʼ.»

Yʉanes 10:16

Me dína ó e byúú bínteme bi dí apǎ nî ɨ́ nkál bí. Me ɨ́ jala le etó nʉa byê, níŋle byé ɨ́ nkál nyaá. Byé ójóʼo twíí nyǎm. Bɨ̌n le onɔ́ɔ́, bé óbe ó sɔ́má gwár, mbɔʼlʉ ngwár.

Yʉanes 11:52

Abě njɨ ɨ́ lɔ̌b óYúden bé omér. Nye ntémé á dwe ó, lɨ́ esú é bwán mé Nzyɛ̌m bɨ́bɛ̂h. Nye ónʉa bé ɨ́ bigúmó byɔ́ɔ́, syɛŋ bé sûm gwár, ó bé díʼee njɨ kûl gwár.)

Mɨlʉmlʉ 19:19

Oleme omyâ ɨ́ buo buo ntɔ̂ʼ nzɨnze le mekaná mɔ́ɔ́ bé á lɛ̂ʼle mimǐr mí éleme má, nzě díʼɔɔ mé ɨ́ kpɛŋlɛm, bʉr bɨ́bɛ̂h lɨ́ ebee. Nó bé á sâ metâŋ mékaná maá, bee ó, bimɔnɨ́ bé á dímle lɨ́ ebwâm mé bí, byé á be ó, tâŋ minzaŋ mí nkóhó mɔnɨ́ otɔ́ɔ́sin mekám métɛ̂n!

Éfɛsɔs 2:17

Krîst á nze ɨ́ sí yɨ̂ʼ ó, nye ntáa nzě túno bɨ́n, bʉr o b'á be e ncɛrá e né bá, lɔ́ɔ́ wɨ̂: Nzyɛ̌m, nyɨ́ gbâ mépyɛbla páʼ nyɨ́n le onɔ́ɔ́. Nye á túno lɔ́ɔ́ mépyɛbla ngwár e ngwár waá ntémé ó, kwá nyɨ́h, oYúden, bʉr o b'á bɨbě bǎʼ e Nzyɛ̌m bá.