Lʉkas 15:6 - Kálar Nzyɛ̌m : Ejwán é Sáá

⁶ Mpúla nyé óbe, nye mû sí búla kwár nyɨ́, nye óbáŋle ósó bé ndu e bʉ́ʉ́ bʉ̂r o kwár, le elɛ́ɛ e bé ó: “Mɨná sóhaa gâ, ebě, mɨ́ bánǎ beě nteme yâm yé á dîm yɨ́!”

Kálara Zyɛ̌m Edwán é mpʉ̌n

⁶ Mpula nye óbe, nye mu si bula pyal kwar ɨ, nye óbaŋle ofo be ndwe e bʉʉ bʉr o kwar, lɛɛ e be ó: “Bɨna soha ga, ebe, mɨ bana bee ntœme yam yé a pɔhba ɛ!”

Lʉkas 15:6 Iomraidhean Croise

Lʉkas 1:58

Bʉr ó njoo yé ndu e mimbyɛ́l myé, bé ntɔ̂ʼ jóʼǒ lɔ́ɔ ó, Dâ Nzyɛ̌m á be ó sí jɨ̂ʼ nyé nkoó lɨ́ entɨh nyé mwân! Bɨ́bɛ̂h nzě sohǒ lɔ́ɔ waá.

Lʉkas 15:10

Mě lɛ́ɛ́ bɨ́n ó: jwɨʼ gwár yaá ntémé ó bisʉhʉʉ ngá bě gúmó bééngeles mé Nzyɛ̌m dí yɨ́, ɨ́ jɔʼ syɛ̂l misyóm ngwár mû sí túmǒ koo e misyóm myé, le le edwirǎ léme yɨ́.»

Lʉkas 15:24

ebě, mwân wǎm nyâʼ á be ó mpʉ ndwê. Nó nyɨ́ báʼǎ tiʼe. Nye á si boo dîm kɔ́m. Nó mɨ́ báʼǎ bee nyê!” Bé ntɔ̂ʼ nyɛl nzɔ́ɔ e bisʉhʉʉ ɨ́ buo buo.

Lʉkas 15:5

Jɔʼ nyé óbee yé yɨ́, nye ósoho ɨ́ lémé wé ɨ́ buo buo. Nye ónzě nkɛ́ɛ̌ nteme yaá, kɛl yé ɨ́ mebɛʼ, búla, tó kœb byaá nyé á líʼe bí.

Lʉkas 15:7

Mě lɛ́ɛ́ bɨ́n ó: jwɨʼ gwár yaá ntémé ó, bé óbuú soho ɨ́ jʉ́o kʉ́ ɨ́ jɔʼ syɛ̂l misyóm ngwár mû sí túmǒ koo e misyóm myé, le edwirǎ léme yɨ́. Bé óbuú soho nyê, laa bʉ̂r mekám ebǔ le ebǔ, baá o dí “otîtyěl”, dí adweʼe mísyóm myɔ́ɔ́, nkʉ̂ gʉ́a ó, bé lɨ́ ejala le etúmǒ koo e myé, le edwira míléme bá.»

Yʉanes 15:14

Bɨ́n ódû étié mê líʼé bɨ́n e lǎ lɨ̂ʼ nó, bɨ̌n bé óbe ó osó bâm.

Yʉanes 3:29

Mbɛ̂l mʉmá ó dí e mʉmá. Só mé mbɛ̂l nyɨɛ títyɛ́b ɨ́ puuu ó, nye nkʉ̂ gʉ́a jôʼlo étyêl me mbɛ̂l. Nye lɨ́ ebuú soho lɨ́ ejóʼo étyél lé. Nó yaá ó mé dí ebuú soho ɨ́ báánâʼ yɨ́.

Mɨlʉmlʉ 11:23

Jɔʼ nyé á pyâl gʉ̂ʼ yɨ́, nye nzě bee bíjwɨʼ byé á lɛ̂ʼle ó, Nzyɛ̌m á be ɨ́ buú cwɨ́a le obûʼla bí. Nye ntɔ̂ʼ soho, nzě tɨ́e bé ó, bé díʼee twíí mpâ ɨ́ mpúhlá nyɔ́ɔ́ e Yésʉs.

Mɨlʉmlʉ 15:3

Bʉr ó Mbɛ̌r-Nzyɛ̌m Antiôs ó b'á súʼo bé ɨ́ tyen yɔ́ɔ́ yaá. Nó ó bé á laǎ sí Fénikia ndu e yaá Samarî, lɨ́ etô le elɛ́ɛ̌ mpʉ bʉ̂r o bíkûl e biloo, bé á dwira miléme, dyɛ̂ʼwɔɔ e Nzyɛ̌m yɨ́. Bɨ́ɔɔ́ bɨ́ná le okɛ́l bɨ́ná bɨ́bɛ̂h, bé ntɔ̂ʼ soho ɨ́ buo buo lɨ́ ejóʼǒ lɔ́ɔ waá.

Filipi 1:4

Jɔʼ yɨ́yɛ̂h mé dí ejɨʼla lɨ́ esú lɨ́n yɨ́, mě jɨʼlá ó e bisʉhʉʉ.

Filipi 2:17

Bɨ̌n mû ó lɨ́ esâ Nzyɛ̌m sá nyé dí egwɨ̂m yɨ́, duho ɨ́ búʼó yɨ́n. Bɨ̌n bé lɨ́ ekɛha bítwiʼ bín ɨ́ nzɨ̌ búʼó nyaá e bisʉhʉʉ ɨ́ miléme, lɨ́ ekʉ mɛɛla ebe míndwéá mín myaá. Me lɨ́ esoho e bɨ̌n, metié mâm lɨ́ eswɨɨ̌ si ntémé, ó mé pûhlaa e mindwɛ́á mín.

Filipi 4:1

Bɨ́ɔɔ́ bâm le okɛ́l bâm mé dí ekpɛl bá, me lɨ́ ebuú gwɨ̂m ébáʼǎ bee bɨ́n. Bɨ̌n ó dí edwe mé bisʉhʉʉ ɨ́ buo buo ɨ́ léme. Bɨ̌n ó ngá sâ ó, Nzyɛ̌m dwêʼ me myɛ́na, mpʉ̌ káráá dúu. Tyɛ́bɨ́ɨ́ gá mekʉ̌ sí ɨ́ sɨ́ŋ ɨ́ nzɨ̌ Tî Yésʉs dí etɨ́e bɨ́n nyɨ́.

1 Tesalonika 2:19

Onzé dí egbâ bɨ́h mpûʼla ɨ́ miléme? Bisʉhʉʉ bɨ́h dí esoho bî, byé duhó le onzé? Ɨ́ jɔʼ Tî gá wɨ́ná Yésʉs ónze yɨ́, yáǎ syɛ́ɛ́ bɨ́h ngá lɛ̂ʼle nyé, lɨ́ esú ó, nye bórɨɨ bɨ̌h káráá dúu ɛ̌? Bɨ̌n ó ngá sâ ó, bɨ̌h nʉ́aa kûm ɨ́ jɔʼ yaá.

1 Pyɛr 2:10

Ɨ́ mimbú mí píhe, bɨ̌n bé á bé abě kúl bʉ̂r mé Nzyɛ̌m. Nó ó, ɨ́ báánâ, bɨ̌n mû ó kúl bʉ̂r dí egúmo e nye yɨ́. Ɨ́ mimbú mí píhe, abe e mʉr á jɨ̂ʼ bɨ̌n nkoó. Nó ó, ɨ́ báánâ, Nzyɛ̌m, nyɨ́ kʉ́ jɨ̂ʼ bɨ́n nkoó.

1 Pyɛr 2:25

Ebě, bɨ̌n bé á be ɨ́ melú mé épíhe ó, mpʉ bínteme byé á dîm bí. Nó ɨ́ báánâ, bɨ̌n mû ó sí swîʼ, tó kœb mbɔ̂ʼlʉ wɨ́n. Nye ntémé ó pá di mbɔ̂ʼlʉ misísǐm mín.