Lʉkas 15:5 - Kálar Nzyɛ̌m : Ejwán é Sáá

⁵ Jɔʼ nyé óbee yé yɨ́, nye ósoho ɨ́ lémé wé ɨ́ buo buo. Nye ónzě nkɛ́ɛ̌ nteme yaá, kɛl yé ɨ́ mebɛʼ, búla, tó kœb byaá nyé á líʼe bí.

Kálara Zyɛ̌m Edwán é mpʉ̌n

⁵ «É jɔʼ nye óbe si bee ye e, nye ósoho é leme we é buobuo. Nye ónkɛɛ ntœme yaa, kɛl ye é mobɛʼ. Nye òbula, to kœb byaa nye a liʼe e.

Lʉkas 15:5 Iomraidhean Croise

Lʉkas 15:32

Sâ gwár, yê kʉ jalá ó, mɨná tyélɨɨ gá nzɔɔ bisʉhʉʉ, ebě, ntwómô á pa be ndwe nyá, nyɨ́ pah. Nye á si boo dîm. Nyɨ́ kǎ beɔɔ.”»

Lʉkas 15:4

«Yé bé mʉr sɔ́má yɨ́n, nyě e binteme nter, nteme gwár ntɔ̂ʼ dîm nó, nye ólíʼe bínteme mekám ebǔ le ebǔ ɨ́ lʉá, ntɔ̂ʼ tó sáa yaá yé á dîm yɨ́. Nye ósáǎ nteme yaá, ɨ́ sáa, sáa, tó pyâl ɨ́ jɔʼ nyé ngá bee yé yɨ́. Yé abe nó?

Lʉkas 15:6

Mpúla nyé óbe, nye mû sí búla kwár nyɨ́, nye óbáŋle ósó bé ndu e bʉ́ʉ́ bʉ̂r o kwár, le elɛ́ɛ e bé ó: “Mɨná sóhaa gâ, ebě, mɨ́ bánǎ beě nteme yâm yé á dîm yɨ́!”

Lʉkas 19:9

Nó ó Yésʉs á nze lɛ́ɛ e né ó: «Mbɛ̌r bʉ̂r wɨ̂, wɨ́ tiʼe mûh, ebě, mʉr nyâʼ ntémé, nye ó nta mé Abraham.

Lʉkas 23:43

Yésʉs, nye e né ó: «Me lɨ́ elɛ́ɛ gó lɨ́ otyeetye ó, mûh, mɨná e go bé ódǐ diá gwár ɨ́ Paradîs!»

Yʉanes 15:11

«Mě lɛ́ɛ́ bɨ́n nó ó, bɨ̌n sóhaa mpʉ mé dí esoho yɨ́. Mě kpɛl ó, bisʉhʉʉ bín, byé díʼee ntinɨ̂ e ntinɨ̂.

Éfɛsɔs 2:10

Mɨná gá bé ó bʉr ó Nzyɛ̌m á sâ e mebó mé nye mʉr tɨ̂ʼ bá. Nye á komlo mɨná gá ɨ́ nzɨ̌ mé Yésʉs-Krîst ó, mɨná díʼee gá bʉr o dí esâ nyé bisyɛ́ɛla bimpâ bá. Nzyɛ̌m mʉr tɨ̂ʼ ó b'á boo tíʼe ɨ́ lémé wé ó, mɨná sâʼ gá nye byǎ.

Éfɛsɔs 3:7

Nzyɛ̌m á si kʉ bu séa e nkul nyé kwá nyǎm ɨ́ buo buo, e nzɨ̌ mpam nyé. Nye á si dwe me sɔ̂ʼ, abe e myɛ́na. Sá tɨ̂ʼ, yé á be ó dǐ syɛ̂l mesâ wé.

1 Tesalonika 1:5

Ebě, ɨ́ jɔʼ bɨ́h á lɛ́ɛ bɨ̌n Mbɨambɨa Lɔ́ɔ́ mé Krîst yɨ́, bɨ̌n bé á bé anʉǎ lɔ́ɔ waá le epɨ̂h. Yé ó, ebě, ɨ́ jɔʼ yaá, Nzyɛ̌m á si lɛ̂ʼle bɨ̌n nkǔl nɨ́nɨ́ɨ́ nyé tɨ̂. Sísǐm wé, wé á si sulo ntémé ɨ́ bɨ̌n. Bɨ̌n bé á nze ka gʉ́a ɨ́ jɔʼ yaá ó, lɔ́ɔ waá, wé á kʉ be ó, tyeetye. Bɨ̌n bé lɨ́ egʉ́a ntémé mpʉ mɨ́ná bé á bɨbe gá yɨ́. Bɨ̌h bé á títíʼe nó ó, lɨ́ esú lé édi bɨ́n e nyɔm.

2 Timotɛ 2:26

Bʉr o dí ɨ́ mpila mé sɔ́ŋ meleme bá, bé ó lɨ́ bi ó, bé sâʼ mpʉ nyɨ́ɛ dí egwɨ̂m yɨ́. Sâ gwár, otyeetye mé Nzyɛ̌m, wé óbɛ̌m sâ ó, bé dúhaa ɨ́ mpila yaá.

Ebrœ̂ 12:2

Míh gá mɨ́ná, mé dwɛ́ʼɛɛ sɔ̂ʼ njɨ Yésʉs, ebě, nye ó b'á kar nzɨ̌ búʼó. Nye ntémé ó b'á swâhle nye. Nye á kam ó, nye síaa e mitúú, nye tyélɔɔ ɨ́ lɨ́ kʉ́, jʉ́ŋɔɔ. Nye á si pyêh sôn mʉ̂r dí ebɛb ɨ́ mbi éswie laá nyɨ́. Nye á kam ó, nye dwêʼ nó ó, nye nkʉ̂ bi bísʉhʉʉ̌ Nzyɛ̌m á boo komo nye bí. Ɨ́ báánâ, nye mû ó ɨ́ mbó éjʉ́m mé Nzyɛ̌m Sɔ́ŋ ɨ́ mecwɨ́ɨ́ mé jwɨ́ɨ.

1 Pyɛr 1:5

Nzyɛ̌m mû baʼle bícwiʼ bín ó e nkul nyé, ebe bɨ́n dí edyɛ̂ʼwo e né yɨ́. Nyě baʼlé mɨ́ná gá ó, lɨ́ esú lé édwe mɨ́ná gá twǐʼ njʉ̌m dǐ. Twiʼ yaá ó dí ebóno mɨ́ná gá yɨ́. Nye ólɛ̂ʼle bʉ̂r bɨ́bɛ̂h yǎ ó, lɨ́ elú lé ósûʼla lɨ́.