Lʉkas 15:22 - Kálar Nzyɛ̌m : Ejwán é Sáá

²² Nó ó sɔ́ŋ á nze lɛ́ɛ le osyɛ̂l o mésá bé ó: “Kpáhwá nze gá e mikán mí nyaŋá. Bórɨ́ɨ́ gá nye myǎ. Gbáʼ gá nye lɔná ɨ́ diné. Bórɨ́ɨ́ gá nye ntémé osípah ɨ́ mekʉ̌.

Kálara Zyɛ̌m Edwán é mpʉ̌n

²² No ó sɔŋ a ze lɛɛ e l'osyɛl o mosa be ó: “Kpahba ze ga e mɨkan mɨ nyaŋa. Bœrɨ ga nye mya. Fwama ga nye lono é dine. Bœrɨ ga nye nteme osilpah é mokʉ.

Lʉkas 15:22 Iomraidhean Croise

Lʉkas 15:21

Mwân nɨ̌, nye e sɔ́ŋ ó: “Dâ ɛ̌, mɨ́ sâ syóm ɨ́ páʼ mé Nzyɛ̌m, le ɨ́ waá gô. Mé akǎ jala le ejébɔɔ mwánǒ.”

Lʉkas 15:23

Ntáʼ gá e mâ ntœœ, waá dí myáʼ nyá. Bɨ̌n a tíʼe. Mɨná tyélɨɨ gá nzɔɔ bisʉhʉʉ,

Rôm 13:14

Diʼee gá ɨ́ mpúhlá le Tî Yésʉs-Krîst. Bwáráá gá nye mpʉ̌ kán. Atoŋlo gá mpʉ bɨ́n dí e nkul elóŋlo bísyɛ́ɛla bí njwɨr myâ wɨ́ná yɨ́.

Rôm 3:22

Nzyɛ̌m mû kǎ dwe bʉ̂r nkam ɨ́ míh mé ó, njɨ ɨ́ mbûʼlá bé dí ebúʼlǎ Yésʉs-Krîst wɨ́. Nzyɛ̌m á kar nzɨ̌ nyaá ó, lɨ́ esú é baá bɨ́bɛ̂h dí ebúʼla nyé bá, ebě, bʉr bɨ́bɛ̂h, bé ó jwɨʼ gwár.

Rôm 8:15

Bɨ̌n e Sísǐm mé Nzyɛ̌m ó mû. Nyé abě mbǐ sísǐm dí e nkul edil bɨ́n ɨ́ dǐ ótúʼǎ, nkʉ̂ waá ngá sâ ó, bɨ̌n báʼa jóʼo bʉ́á wɨ́. Nye ótyêl bɨ́n ɨ́ tyé bwán mé Nzyɛ̌m. Nye ó dí edwe mɨ́ná gá nkul ó, mɨná jébaa gá Nzyɛ̌m kʉ́kʉ́ ó: «Abba, Dâ!»

Galásia 3:27

Ebě, mʉr nyɨnyɛ̂h ɨ́ sɔ́má yɨ́n á duŋɔɔ e medíbé, pûhla e Krîst nyá, nyɨ́ bwâr Krîst ɨ́ nyʉ̂l.

Éfɛsɔs 6:15

Diʼee gá minkʉmsá lɨ́ esú ó, bɨ̌n túnaa Mbɨambɨa Lɔ́ɔ dí egbâ bʉ̂r mepyɛbla ɨ́ miléme wɨ́. Túnó waá, wé díʼee bɨ̌n mpʉ óngʉb.

Mɨngwiha 19:8

Nzyɛ̌m á si dwe nye nkul ebwâr kán ɨ́ nyʉ̂l ɨ́ nkaaá. (Mbɨambɨa kán waá, wé lɛ́ʼlé ó, otîtyěl o bísyɛ́ɛla. Bʉr o dí egúmo e Nzyɛ̌m bá ó dí esâ byê.)

Mɨngwiha 2:17

Mekǎn Sísǐm dí elɛ́ɛ bʉ̂r ó Mbɛ̌r-Nzyɛ̌m má, mé ó ménɨ̌. Mʉr nyɨnyɛ̂h dí e megwǎl mé éjóʼo nyá, nye jóʼaa náǎ. Mʉr nyɨnyɛ̂h óntaa, búla le onkɔ́ɔ́ nyá, me ódwe nyé mede dí eduho ɨ́ jʉ́o kʉ́ má. Mede maá, mé ó lɨ́ esǒ. Me ntémé ódwe nyé ekóʼ épúmó. Díé lé, lé óbe ó tɨ̂ʼ cɛmá. Díe laá, lé ó edwán é díé lé. Nyʉ́ʉ́ mʉ̂r swîh, nyé abe e nkul egʉ́a lê, njɨ waá dí ebi lé nyá.

Mɨngwiha 3:18

Me lɨ́ etɨ́e bɨ́n ó: yé bé bɨ̌n bé lɨ́ egwɨ̂m ébi ókúm ómpâ nó, bwámáá gá gʉ̂l yâm. Yé á be ɨ́ duho ɨ́ duró lé ólûl. Bwámáá gá mikán ɨ́ pumo pumo. Bɨ̌n e bwár myê, akǎ dǐ suswáh ɨ́ ŋmáh ndu e sôn. Bɨ̌n e bwám ntémé mǐr étwáale ɨ́ mîh, ó bɨ̌n nkʉ̂ báʼǎ bee!

Mɨngwiha 6:11

Nó nyé á nʉa bidur ɨ́ pumo pumo, bôr bɨ́bɛ̂h, le elɛ́ɛ bé ó, bé gbálaa bá tîtííǎ. Nye ó: «Bónáá gâ. Yé jala ó, bʉ́ʉ́ bʉ̂r ó njoo yɨ́n ti e bɨ́ɔɔ́ bɨ́n, bé páa nyɛɛ́ jʉ́ŋɔɔ ntémé mpʉ bɨ́n. Sá tɨ̂ʼ ó bɨ́n le onɔ́ɔ́, bé ósâ sɔ́má ntinɨ̂ yɨ́.»

Mɨngwiha 7:9

Píe tɨ̂, mé ká bee nɛ́ɛ: bee bʉ̂r mebɨ̂ʼ mepǎm, abe e tólɔ́ɔ. Bé á be ó bʉr o bíkûl e biloo e mpum bʉ̂r. Bé ntémé bé á si lwib bilwǐb bíbyɛ̂h. Bé á be ó tɨ̂ʼ bɨ́bɛ̂h ɨ́ mpǒm mecwɨ́ɨ́ mé jwɨ́ɨ ndu e Mâ Nteme. Bé á bě e bidur ɨ́ pumo pumo ɨ́ menyʉ̂l le mpúho melén ɨ́ mebô.