Lʉkas 15:2 - Kálar Nzyɛ̌m : Ejwán é Sáá

² Nó ó óFarizyɛ̂n le olɛ̂ʼla o métié, bé á nyimla páʼ nyɔ́ɔ́ ó: «Mʉr nyâ, nye lɨ́ enʉa ósyɛ̂l o mísyóm! Bé e boo nɔ́ɔ́ bánǎ pûhla mébô, de!»

Kálara Zyɛ̌m Edwán é mpʉ̌n

² No ó oFarizyɛŋ bé e l'oyeʼle o motie, bé a be ó lé eto le etʉʼra paʼra wɔɔ. Bé ó: «Mbe ga: mʉr nwa, nye ebɨlan e l'osyɛl o mɨsyem! Bé e boo nɔɔ bana de fua gwar!»

Lʉkas 15:2 Iomraidhean Croise

Mataos 11:19

Jɔʼ yɨ̂, Mwân mé Mʉr nyɨɛ, nyɨ́ kǎ pyâl: nye lɨ́ ede méde le menyoʼ. Bʉr baá nzě lɛ́ɛ ó: “Paá bee gá sâ ángʉ̂ngʉ̌l nɨ̌, nyʉnyóʼ, só bʉr o dí enʉǎ mɔnɨ́ tœ́a bá, só osyɛ̂l o mísyóm!” Sâ gwár, ocwóó mé Nzyɛ̌m wɨ́ɛ, wɨ́ kebe ɨ́ bisyɛ́ɛla bi dí eduho tɨ̂ʼ bí.»

Mataos 9:11

Mpʉ óFarizyɛ̂n, bé á bee sâ yaá yɨ́, bê nzě dî le ompʉ́n bé ó: «Lɛ̂ʼla wɨ́n, nye lɨ́ epûhla mébô lɨ́ ebánǎ de e bʉr o dí enʉǎ mɔnɨ́ tœ́a bá, le osyɛ̂l o mísyóm ɨ́ yé?»

Lʉkas 15:3

Yésʉs nzě sâ bé kɨkɛna yɨ̂. Nye ó:

Lʉkas 19:7

Bʉr bɨ́bɛ̂h bé á bee syɛ́ɛla yaá bá, bé á si lwib lɔ̌b waá minyimla. Bé ó: «Mʉr nyâ, nyɨ́ tó jâ ɨ́ mbɛ̌r syɛ̂l misyóm!»

Lʉkas 5:30

OFarizyɛ̂n, bé le olɛ̂ʼla o métié bé e boo nɔ́ɔ́ bé á be nkɔ̌m mpwár bá, bê nzě gɔ́na le elwib ɨ́ bébe bébe dumo le ompʉ́n mé Yésʉs, le elɛ́ɛ ó: «Bɨ̌n bé lɨ́ ede méde le menyoʼ, bɨ̌n le onwɨa ó mɔnɨ́ tœ́a le osyɛ̂l o mísyóm ɨ́ yé?»

Lʉkas 7:34

Jɔʼ yɨ̂, Mwân mé Mʉr, nyɨ́ kǎ pyâl: nye lɨ́ ede méde, de ményoʼ. Bɨ̌n bé ó: “Paá bee gá sâ ángʉ̂ngʉ̌l nɨ̌, ndɨ̂l menyoʼ, só bʉr o dí enʉǎ mɔnɨ́ tœ́a bá, só osyɛ̂l o mísyóm.”

Lʉkas 7:39

Nó ɨ́ jɔ̌ʼ Farizyɛ̂n á báŋle Yésʉs nyá, á bee syɛ́ɛla yaá yɨ́, nye ntɔ̂ʼ táare élwib ɨ́ lémé wé ó: “Yé bé mʉr nyâ, nyě tyeetye ó ngwíha milɔ̌b mé Nzyɛ̌m nó, lɛ́ɛ́, nyɨ́ gʉ́a ó, mʉmá dí ekúna e né nyâ, nye lɨ́ esâ syóm ɨ́ nwérédé.”

Mɨlʉmlʉ 11:3

Bé e né ó: «Go bé ó sí kʉ́ bánǎ nî ɨ́ mbɛ̌r bʉ̂r o dí abě tíʼá mpʉ́n bá, go ntémé sí bánǎ pûhla mébô, de e bé gúmo gwár!»

Galásia 2:12

Ɨ́ metááré, bé e bʉr o bíkúl bíswîh, bé á dɨde mede ó, lɨ́ epûhla mébô gúmo gwár. Píe tɨ̂, Jacques á si lómo bʉr gʉ̂. Jɔʼ bʉ̂r o mílʉ́mlʉ́ bé baá, bé á pyâl yɨ́, Kefâs ntɔ̂ʼ dulo nyʉ̂l, akǎ de e bʉr ó Antiôs bɨ́bɛ̂h gúmo gwár. Yé á pyâl nye nó ó, ɨ́ bʉ́á nyé á jóʼo bʉr o bé á kpɛl ó, obûʼla díʼee tíʼá mpʉ́n bá.

1 Timotɛ 1:15

Lɔ́ɔ́ ébûʼlɔɔ, waá bʉ̂r bɨ́bɛ̂h jálá le ekam wɨ́, wé ó wɨ̂: Yésʉs-Krîst á nze ɨ́ sí yɨ̂ʼ ó, nye ntáa nzě tíʼ ósyɛ̂l o mísyóm. Nó ó, ɨ́ sɔ́má bʉ̂r o b'á sâ misyóm bá, mɛm ó b'á sahle.