Lʉkas 15:10 - Kálar Nzyɛ̌m : Ejwán é Sáá

¹⁰ Mě lɛ́ɛ́ bɨ́n ó: jwɨʼ gwár yaá ntémé ó bisʉhʉʉ ngá bě gúmó bééngeles mé Nzyɛ̌m dí yɨ́, ɨ́ jɔʼ syɛ̂l misyóm ngwár mû sí túmǒ koo e misyóm myé, le le edwirǎ léme yɨ́.»

Kálara Zyɛ̌m Edwán é mpʉ̌n

¹⁰ Me elɛɛ bɨn ó, jwɨʼ gwar yaa nteme ó bé lé esoho é mih beengles mo Zyɛm é jɔʼ syɛl mɨsyem ngwar ndɨ si gwɨma mobebe me, le edwir leme e.»

Lʉkas 15:10 Iomraidhean Croise

Mataos 10:32

«Nó mʉ̂r sí tɨ̂ʼ bɨr yé, gbân mé témé bʉr nó, me ntémé ógbân nyé ɨ́ míh mé Sɔ́ŋ wǎm dí ɨ́ jʉ́o kʉ́ nyá.

Mataos 18:10

«Gwá di gá le ocwóó ó, bɨ̌n ayɨ́ pyêh mwân ngwár lɨ́ bwán bâ, ebě, mě lɛ́ɛ́ bɨ́n ó: beéngeles bɔ́ɔ́ dí kʉ́ bá, bé lɨ́ ebee ɨ́ tooobó mpǒm me Sɔ́ŋ wǎm dí ɨ́ jʉ́o kʉ́ nyá ɨ́ jɔʼ yɨ́yɛ̂h.»

Mataos 18:14

Nó ntémé, gwɨ́má mé Sɔ́ŋ wɨ́n dí ɨ́ jʉ́o kʉ́ nyá, yé abe ó, nye dímlaa mwân ngwár ɨ́ bwán bé.»

Lʉkas 12:8

«Nó me lɨ́ elɛ́ɛ e bɨ̌n ó, mʉ̂r sí tɨ̂ʼ bɨr, gbân mé témé bʉr nó, Mwân mé Mʉr ógbân nyé ntémé ɨ́ mpǒm beéngeles mé Nzyɛ̌m.

Lʉkas 12:9

Sâ gwár, mʉ̂r ókɛ́la ɨ́ míh mé bʉ̂r ó, nyé agʉ́a mé nó, Mwân mé Mʉr ókɛ́la nyé ntémé ɨ́ míh bééngeles mé Nzyɛ̌m.

Lʉkas 13:5

Heʼé, mě lɛ́ɛ́ bɨ́n ó, bɨ́n óbe, atúmo míkoo e mebébe mɨ́n le edwira míléme nó, lɛ́ɛ́, bɨ̌n ntémé, bé ódîm ɨ́ nkɔb bʉr mpʉ bê.»

Lʉkas 15:11

Yésʉs á baʼa lɛ́ɛ ó: «Mʉr á be ó e bwá ó bʉrʉ̂m obá.

Lʉkas 15:7

Mě lɛ́ɛ́ bɨ́n ó: jwɨʼ gwár yaá ntémé ó, bé óbuú soho ɨ́ jʉ́o kʉ́ ɨ́ jɔʼ syɛ̂l misyóm ngwár mû sí túmǒ koo e misyóm myé, le edwirǎ léme yɨ́. Bé óbuú soho nyê, laa bʉ̂r mekám ebǔ le ebǔ, baá o dí “otîtyěl”, dí adweʼe mísyóm myɔ́ɔ́, nkʉ̂ gʉ́a ó, bé lɨ́ ejala le etúmǒ koo e myé, le edwira míléme bá.»

Lʉkas 15:9

Jɔʼ nyé á bee wé yɨ́, nye nzě báŋle ósó bé ti e bʉr o kwár. Nye ó: “Mɨná sóhaa gâ, ebě, mɨ́ bánǎ beě nzǎŋ mɔnɨ́ wâm wé á dîm wɨ́.”

Lʉkas 7:47

Sá tɨ̂ʼ ó mé dí elɛ́ɛ gó ó: mpʉ nyé mû sí lɛ̂ʼle mpwâʼ kpɛ̌l yé nó yɨ́, yé lɛ́ʼlé ó, Nzyɛ̌m, nyɨ́ pɛʼ nyé bibaa bí ébébe bíbyɛ̂h nyé á niʼe lɨ́ lɔ̌b mísyóm myé bí. Myé ntémé, myé á be ó, ɨ buú buo! Nó ó, ɨ́ jɔ̌ʼ Nzyɛ̌m ópɛʼ bíbaa bí ébébe bá bím yɨ́, mʉr á pɛʼɔɔ bibaa byaá nyá, ókpɛ̌l Nzyɛ̌m ó bá bím.»

Mɨlʉmlʉ 11:18

Jɔʼ bé á sil ejóʼo milɔ̌b myaá yɨ́, miléme nzě sula bé sí. Bê nzě dwě Nzyɛ̌m kûm. Bé ó: «Yé ó nó: Nzyɛ̌m, nyɨ́ bánǎ toŋlo ntémé baá o dí abe óYúden bá. Nyɨ́ dib bé nzɨ̌ etúmo míkoo e misyóm myɔ́ɔ́, le edwira míléme, ó bé bíʼee ntémé twiʼ!»

Mɨlʉmlʉ 5:19

Nó ɨ́ pum waá, éngeles mé Dâ nzě dib mébê mé mbɛ̌r mímbʉʼ, ntɔ̂ʼ pyêl bʉ̂r o mílʉ́mlʉ́ kʉ̌l. Nye ó:

2 Korɛnt 7:10

Ebě, mebúʼ Nzyɛ̌m dí egbâ mɨ́ná gá ɨ́ miléme má, mé sɨ́sá ó, mʉr túmaa koo le mebébe mé, ndu e l'edwirǎ léme. Ndwirá míléme waá sɨ́sá ó, mɨná bíʼee gá twǐʼ njʉ̌m dǐ. Mʉr á gbáŋɔɔ ebúʼ laá ɨ́ léme nyá, nyé abe lɨ́ ejʉba ébúʼ nyé á pa jóʼo lɨ́, píe tɨ̂. Tó kœb ó, jɔʼ bʉ̂r ó sí yɨ̂ʼ gbɨ́gbá mʉ̂r ebúʼ ɨ́ léme yɨ́, lé jaá jʉ̂ nyɨ́haá ó, jʉ̂ jʉ́ʼóo.

Filemɔŋ 1:15

Yʉ́ʉ́ jɔʼ, Nzyɛ̌m ó b'á sâ ó, bɨ̌n e né bɔ́ʼaa bwá mélû, ó nye báʼa búla kwá nyǒ, bɨ̌n e né nkʉ̂ dǐ gúmo gwár jɔʼ yɨ́yɛ̂h.

Ebrœ̂ 1:14

Beéngeles bɨ́ɛ, bê onzé? Bɨ́bɛ̂h, bé ó misísǐm mi dí eséǎ Nzyɛ̌m syɛ́ɛ́ mí. Nyě lómló mɨ́ná gá bǎ ntémé ó, bé ntáa súʼo bʉ̂r o ngá bǐ twǐʼ njʉ̌m dǐ, jala e nkɔb líʼe nyɔ́ɔ́ bá.