Lʉkas 13:3 - Kálar Nzyɛ̌m : Ejwán é Sáá

³ Heʼé, mě lɛ́ɛ́ bɨ́n ó, bɨ́n óbe, atúmo míkoo e misyóm mín le edwira míléme nó, bɨ̌n óbɛ̂h, bé ódîm ɨ́ nkɔb bʉr mpʉ bê.

Kálara Zyɛ̌m Edwán é mpʉ̌n

³ Hɨʼɨ, me elɛɛ bɨn ó nɛɛ: ǃbɨn si be, agwɨma mobebe mɨn, nkʉ dwir mɨleme nɛʼɛ, bɨn bɨbɛh, bé ódim é nkɔb bʉr mpʉ be!

Lʉkas 13:3 Iomraidhean Croise

Mataos 12:45

Nó wé ntɔ̂ʼ báʼǎ nkɛ́ɛ, tó nʉa myúú mímbɨ́a mísísǐm nzaangbá myé á be ɨ́ buú buo cére, laa wé mí. Mímyɛ̂h ntɔ̂ʼ nzeŋɔɔ, nzě komlɔɔ ódiá wɔ́ɔ́ ɨ́ mʉr waá tʉ́ŋlʉ̌. Nó ó twiʼ mʉ̂r waá á suʼla bu bébe, laǎ jɔʼ ésôʼ yɨ́. Mbi ngwár e ngwár waá ntémé ó ngá be lɨ́ esú é bíbɨ́bla bi bʉ̂r ó myǎ wɨ̂ʼ wɨ́.»

Mataos 22:7

Lémé mé njwɨ́ɨ, wé ntɔ̂ʼ lóno ɨ́ nkpaa, nye nzě lómo bísója byé lɨ́ etó jʉ̂ ójʉ̂l o bʉ̂r baá le edîʼ nkana yɔ́ɔ́.

Mataos 3:2

Nye á lɨlɛ́ɛ ó: «Túmáá gá mikoo e mebébe mɨ́n. Bɨ̌n a dwírá míléme, ebě, Dâ mû ó kúno etyêl Mpóʼo nyé ɨ́ sɔ́má gá yɨ́ná.

Lʉkas 13:2

Yésʉs ntɔ̂ʼ dî e bé ó: «Nzê bɨ̌n jwɨʼ ó, bʉr ó Galilê baá, bé á jʉ́ŋɔɔ ó, ebě, bé ó b'á bu sâ misyóm, laa bʉ́ʉ́ bʉ̂r ɛ̌?

Lʉkas 13:4

Nzê bɨ̌n jwɨʼ ó, bʉr kám e mwom tólóm mbɛ̌r mé Siloâm, wé á bíla bá ó b'á bu bébe, laa bʉ̂r ó Yerʉ́zalɛm bɨ́bɛ̂h ɛ̌?

Lʉkas 13:5

Heʼé, mě lɛ́ɛ́ bɨ́n ó, bɨ́n óbe, atúmo míkoo e mebébe mɨ́n le edwira míléme nó, lɛ́ɛ́, bɨ̌n ntémé, bé ódîm ɨ́ nkɔb bʉr mpʉ bê.»

Lʉkas 24:47

Yé á boo be cɛmá ntémé ó, bʉr, bé ótô ɨ́ lʉ́mlʉ́ wé, le etúnǒ Mbɨambɨa Lɔ́ɔ. Bé ótô le elɛ́ɛ bʉ̂r ó, bé túmaa mikoo e misyóm myɔ́ɔ́, le edwira míléme, Nzyɛ̌m pɛ́ʼɛɛ bé bibaa bí ébébe byɔ́ɔ́. Lɔ́ɔ waá, wé ónyɛɛ́ túnɔɔ ó, ɨ́ Yerʉ́zalɛm, tó túnɔɔ ntémé kwá bikúl bíbyɛ̂h.

Mɨlʉmlʉ 3:19

Nó túmáá gá mikoo e misyóm mín. Bɨ̌n a dwírá míléme, Nzyɛ̌m nkʉ̂ pɛʼ bíbaa bí ébébe nyé á niʼe bɨ̌n bí!