Lʉkas 13:29 - Kálar Nzyɛ̌m : Ejwán é Sáá

²⁹ Bʉr, bé óduhǒ nko mejɨma me dʉ́o, ndu e nko mejá mé dʉ́o. Bé óduhǒ nko tín ndu e nko tie. Bé óswâl, ntɔ̂ʼ nʉa bídiá byɔ́ɔ́ ɨ́ dína ɨ́ Mpóʼo mé Nzyɛ̌m.

Kálara Zyɛ̌m Edwán é mpʉ̌n

²⁹ Bʉr, bé ófwal, baʼ lé eduho nko dobo lé emʉa ɛ; bʉʉ, duho nko lé lé eja ɛ. Bé óduho nko tin ndwe e nko tie. Bé òni é jwɨ̀ʼa mo Zyɛm, ntɔʼ kœb bɨdia byɔɔ tɨ, gumo bé ódi ondindil lé ede e.

Lʉkas 13:29 Iomraidhean Croise

Mɨlʉmlʉ 28:28

Pɔ̂l, nye e bé ó: «Gʉ́ŋáá gá ó nɛ́ɛ: lɔ́ɔ́ dí esâ ó, Nzyɛ̌m tíʼɨɨ bʉr wɨ́, wé mû ó lɨ́ elɛ́ɔɔ kwá baá o dí abe óYúden bá. Bɨ́ɛ, bé ókʉ́ jóʼo wê.»

Kolosi 1:23

Bɨ́n ótô dóló le edyɛ̂ʼwo e Tî Yésʉs, le etyɛ̂b mekʉ̌ sí ɨ́ sɨ́ŋ nó, go ó, milémé mín, myé odi ɨ́ puuu. Mʉr apɨ́ŋla gâ! Mʉ̌r sá abîr ó, bé sâʼ ó, bɨ̌n léhee, nkʉ̂ sóŋlǒ Mbɨambɨa Lɔ́ɔ bɨ́n á jóʼo wɨ́. Mbɨambɨa Lɔ́ɔ waá, wé mû lɨ́ etúnɔɔ ó, ɨ́ sí yɨ́yɛ̂h, ɨ́ páʼ bʉ̂r bɨ́bɛ̂h dí sí jʉ́o bá. Mɛm Pɔ̂l á tyélɔɔ ɨ́ syɛ́ɛ́ ó, me lɛ́yɨɨ bʉr wǎ.

Markus 13:27

Jɔʼ yaá ó nyé ngá lómo bééngeles ɨ́ medumo mé sí mɨ́mɛ̂h menâ, lɨ́ etó syɛŋ baá nyé á twâr bá, táare ɨ́ wɨ̂ʼ ódumo ó sí, tó pyâl ɨ́ gúú.»

Mataos 8:11

Mě lɛ́ɛ́ bɨ́n lɨ́ otyeetye ó, bʉr ɨ́ buo buo, bé óduhǒ nko dʉ́o dí ejɨma le nko dʉ́o dí ejâ yɨ́. Bé onî ɨ́ Mpóʼo mé Dâ Nzyɛ̌m, ntɔ̂ʼ nʉa bídiá byɔ́ɔ́ ɨ́ dína, bé le Abraham, Isaac le Yákɔb.

Kolosi 1:6

Mbɨambɨa Lɔ́ɔ, wé lɨ́ emyɛma le etɨ́e bʉ̂r metum medwân ó, ɨ́ sí yɨ́yɛ̂h mpʉ wé dí esâ ɨ́ sɔ́má yɨ́n, táare ɨ́ jɔʼ ésôʼ bɨ́n á nyɛɛ jóʼo wé yɨ́. Bɨ̌n bé á be ó sí jóʼo bʉ̂r lɨ́ elwǐb lɔ̌b mpâm mé Nzyɛ̌m. Bɨ̌n bé á si gwa kʉ jɨ̂ʼ le egʉ́a lɨ́ otyeetye sá nyé dí yɨ́.

Lʉkas 13:30

Bʉr o dí ɨ́ báánâʼ mepíhe bá, bé ótyɛ̂b mésôʼ. Baá dí báánâʼ mesôʼ bá, bé ókǎ tyɛ̂b mépíhe.»