Lʉkas 13:17 - Kálar Nzyɛ̌m : Ejwán é Sáá

¹⁷ Mpʉ̌ Yésʉs á yala e né nó yɨ́, ontɨ̂m le obɨn bé bɨ́bɛ̂h ntɔ̂ʼ jóʼo sôn. Entumo e bʉ̂r lɨ́ɛ, lé á be lɨ́ ekʉ́ soho ɨ́ lɔ̌b mbɨambɨa bísyɛ́ɛla bíbyɛ̂h nyé á sɨsâ bí.

Kálara Zyɛ̌m Edwán é mpʉ̌n

¹⁷ Mpʉ Yesʉs a bɨha e nye no e, bʉr bɨbɛh bé a sa nye mongan ɨ, bé ntɔʼ joʼo fwon. Ntuntuma bʉr yɛɛ, yé a be ó lé ekʉ soho mɨmpaŋ bɨsyɛɛla bibyɛh nye a dɨ sa ɛ.

Lʉkas 13:17 Iomraidhean Croise

Lʉkas 14:6

Bé á bé agʉ́a éyala e né ɨ́ tíá nyaá.

Lʉkas 18:43

Tyé e tyé yaá, nye ntɔ̂ʼ bánǎ bee, nzě nî ɨ́ sɔ́má mé Yésʉs, le egúmlǒ Nzyɛ̌m. Bʉr baá bɨ́bɛ̂h, ɨ́ jɔʼ bé á bee syɛ́ɛla yaá yɨ́, bé ntɔ̂ʼ gúmlǒ Nzyɛ̌m.

Lʉkas 19:48

Bé á bé agʉ́ǎ mpʉ bé sâʼ nó yɨ́, ebě, minzɨnzɨ mi bʉ̂r mímyɛ̂h, myé á be lɨ́ ekʉ́ gwá jôʼlo nyê.

Lʉkas 20:40

Bé á bé akǎ dûhwo ó, bé díʼee nye mʉ́ʉ́ métíá.

Mɨlʉmlʉ 4:21

Bʉr ó bʉm ntɔ̂ʼ báʼǎ bɛ̂ŋ bê. Bé ntɔ̂ʼ bírɔɔ bê. Bé á bé abee nzɨ́ edwe bé bintɨ́ʼá, ebě, bʉr bɨ́bɛ̂h, bé á be ó lɨ́ egúmlǒ Nzyɛ̌m ɨ́ lɔ̌b syɛ́ɛla bé á pa sâ yɨ́.

2 Timotɛ 3:9

Bé átô dóló e sá pɨ̂ʼ yɔ́ɔ́, ebě, ogʉ̌ wɔ́ɔ́, wé ónyɨ̂n bʉ̂r ɨ́ mîh ɨ́ kpɛŋlɛm, jwɨʼ gwár e gwár e mpʉ ógʉ̌ mé Yánɛs, bé e Yambrɛ̂s, wé á nyɨ̂n ɨ́ ponó yɨ́.

Títos 2:8

Lwǐb yô, yé díʼee lwɨ́ŋlá e lɛ́ʼlá mpâ mɨ́ná dí edwe gá wɨ́. Ɨ́ tɨ̂, bʉ̂r bé óbe, akœ̌b sá ébébe bé ólɛ́ɛ, dumo e lwǐb yô yɨ́. Bʉr o dɔ̂m ónɨ̌, bé ókǎ jóʼo sôn ntémé, bé l'abe e sá ébébe bé ólɛ́ɛ, dumo e mɨná gâ.

1 Pyɛr 3:16

Sáʼ gá nó e njwɨr ɨ́ tala tala, ndu e bʉ́á. Mipahlá mílémé mín, myé díʼee njɨ myaá mi dí ɨ́ pyɛɛɛ mí. Bɨ́n dú mbɨambɨa kʉ̌ tyen ɨ́ Krîst, bʉ̂r kǎ swêʼ bɨ́n míe náǎ tɨ̂ʼ nɛ́ɛ: bé ósûʼlǎ kǎ jóʼo sôn, ebe bé dí bʉr o mélwɨ́ɨ.