Lʉkas 13:15 - Kálar Nzyɛ̌m : Ejwán é Sáá

¹⁵ Tî Yésʉs, nye e né ó: «Bɨ̌n baányâ-mikóo bâ, ɨ́ móhó sábat, bɨ̌n óbɛ̂h, bé lɨ́ etii bíntœœ ndu e bitab bín, lɨ́ etô e byé ɨ́ mentíbé. Nzê yé abe nó ɛ̌?

Kálara Zyɛ̌m Edwán é mpʉ̌n

¹⁵ Da, nye e njwɨɨ mpah mɨnjwɨʼla ó: «Bɨn baanya-bɨkʉʉŋʉ ba! É moho saba, bɨn bɨbɛh bé etii bɨntɛɛ ndwe e bɨtab bin, lé eto e bye é montibe. Zê yé abe no ɛ?

Lʉkas 13:15 Iomraidhean Croise

Mataos 15:14

Bírɨ́ɨ́ gá bê: bé ó baántím dí elɛ̂ʼle bʉ́ʉ́ báántím nzɨ̌ bá! Ántím ólɛ̂ʼle nyʉ́ʉ́ ántím nzɨ̌ nó, bɨ́bɛ̂h obá, bé ólʉ́ŋa ɨ́ bɨ́.»

Mataos 15:7

Bɨ̌n baányâ-mikóo bâ! Gʉ́ŋáá gá ó, Ésayie á si kʉ gwa gwîh milɔ̌b mín ɨ́ jɔʼ nyé á lɛ́ɛ ó:

Mataos 23:13

«Nkoó, nye ó e bɨ̌n, olɛ̂ʼla o métié le oFarizyɛ̂n! Bɨ̌n baányâ-mikóo, bɨ̌n bé lɨ́ ela bʉ̂r nzɨ̌ dí etô ɨ́ Mpóʼo mé Dâ nyɨ́. Bɨ̌n bʉr o tɨ̂, bɨ̌n bé adyɛ̂l tɨ̂. Bɨ̌n bé abîr ntémé ó, baá o dí esuo édyɛ̂l tɨ̂ʼ bá, bé dyɛ́lɨɨ.

Mataos 23:28

Bɨ̌n bʉr o tɨ̂ʼ, ɨ́ míh mé bʉ̂r, bɨ̌n nyɨ́n ó mpʉ ótîtyěl o bʉ̂r. Tó kœb ó, milémé mín, myê njɨ ó, bɨ̌n sâʼ mikóo le entaa métié mé Nzyɛ̌m.

Mataos 7:5

Ányâ-mikóo, tááráá épɛ̌ʼ mbʉ́ŋʉʉ dí ɨ́ díh lô wɨ́. Jɔʼ yaá ó gó ngá gwá bee, ntɔ̂ʼ pɛ̌ʼ mpǔm dí mɨ́ɔɔ́ gǒ ɨ́ díh lé yɨ́.

Lʉkas 12:1

Lɛŋ bá jɔʼ, entumo e bʉ̂r ntɔ̂ʼ báʼǎ swâl. Bé á be ó otɔ́ɔ́sin otɔ́ɔ́sin. Bʉr tîtibe bʉ́ʉ́ mekʉ̌. Yésʉs, nye le ompʉ́n bé ó: «Gwá baʼ gá oFarizyɛ̂n ɨ́ lɔ̌b levure bé dí e yé yɨ́. Yé ó mikóo.

Lʉkas 14:5

Nye ntɔ̂ʼ dî e bé ó: «Mwân wɨ́n, nkʉ̂ ntœœ yɨ́n, óbe, yé mû sí lʉ́ŋa ɨ́ bɨ́ ɨ́ móhó sábat nó, onzé óbîr yé gʉ̂, akpâhwǎ tó pɛʼ yé tɨ̂?»

Lʉkas 6:42

Wáǎ mbi gó dí e nkul elɛ́ɛ e mɨ́ɔɔ́ gǒ ó: “Paá nze! Mɨ́ɔɔ́ wǎm, me pɛ́ʼɛɛ go mâ sɔ̂ʼ dí go ɨ́ dîh nyá,” gua yɨ́ɛ apǎ pɛ̌ʼ mbʉ́ŋʉʉ dí go ɨ́ dîh wɨ́ ɛ́? Baányâ-mikóo bâ, tááráá épɛ̌ʼ mbʉ́ŋʉʉ dí ɨ́ díh lô wɨ́! Jɔʼ yaá ó gó ngá bee ɨ́ sʉ́lʉ́lʉ́, pɛ̌ʼ mpǔm dí mɨ́ɔɔ́ gǒ ɨ́ díh yɨ́.»

Lʉkas 7:13

Mbeá Yésʉs á bee kúho yɨ́, nye kʉ́ nzě jɨ̂ʼ wé nkoó, ntɔ̂ʼ lɛ́ɛ e wé ó: «Sá akǎ jɨ.»

Lʉkas 7:19

lómo bé, bé díʼee Tî Yésʉs ó: “Nzê go ó mʉr bɨ́h dí ebóno ó, nye ónze nyá ɛ́? Nzê bɨ̌h bónaa mʉr swîh ɛ̌?”