Lʉkas 13:11 - Kálar Nzyɛ̌m : Ejwán é Sáá

¹¹ Gúú mbél mʉ́má, wé á be ó tɨ̂. Nye á be ó e mbɨ́ǎ sísǐm. Wé á sâ nye ó, nyʉ̂l díʼee nye niʼrá. Nye á jaa didi ó, njɨ kûkur, tâŋ mimbû kám e mwom, asɨ́ʼasɨʼa.

Kálara Zyɛ̌m Edwán é mpʉ̌n

¹¹ Nuu zyoo mʉma a be ó tɨ. Bɨbla sisim, yé a dil nye zyoo é nyʉl. Nye a kʉ ka di-di ó, njɨ kukur, tɔɔ mɨmbu ewʉm e mwom, aswɨʼa-swɨʼa.

Lʉkas 13:11 Iomraidhean Croise

Mataos 4:23

Nó ó Yésʉs á to le etye ɨ́ bigúmó bí sí Galilê bíbyɛ̂h, tô le edwe bʉ̂r milɛ́ʼlá ɨ́ mempáh mínjɨʼla, le etúnǒ Mbɨambɨa Lɔ́ɔ dí edumo e Mpóʼo mé Nzyɛ̌m wɨ́, le etiʼ bʉ̂r o b'á bíle mekpaa mɨ́mɛ̂h bá. Nye á si tiʼ bʉr o bídyɛ̂m bíbyɛ̂h tʉ́ŋlʉ̌ kúl bʉ̂r yé.

Markus 9:21

Yésʉs nzě dî e sɔ́ŋ mwân ó: «Yé mû mimbú míntíá nyé dí le ekpaa lɨ̂ʼ yɨ́ ɛ́?» Sɔ́ŋ nzě yala ó: «Táare ɨ́ ontwǒm wé.»

Lʉkas 13:12

Jɔ̌ʼ Yésʉs á bee nye nó yɨ́, nye ntɔ̂ʼ jébe nyê. Nye e né ó: «Mʉmá, ekpaa lô, lɨ́ síe.»

Lʉkas 13:16

Mʉmá nyâ, nye ó nta mé Abraham. Sátan nyɨɛ, nyɨ́ boó kâʼ nyé menkara. Nye mû kɛ́ʼá ó, tâŋ mimbû kám e mwom. Bintœœ pǎ nyɛɛ́ tiɔɔ ɨ́ móhó sábat, á dwɛʼra e mʉr!»

Lʉkas 21:28

Jɔʼ bísyɛ́ɛla byaá, byé ótáare ésyɛ́ɛ yɨ́, sohaa gâ. Bɨ̌n e bɨ́r mîh kʉ́. Nzyɛ̌m óbe ó, nye mû kúno enzě táǎ góo, le edwih bɨ́n ɨ́ mpila ébébe.»

Lʉkas 8:2

Ompʉ́n bé kám le obá ti e bʉ́ʉ́ bʉ́bá nyé á pa tiʼ lɨ́ eso méleme bá, le mimbêl nyé á tiʼ mí, bé e boo nɔ́ɔ́ ó b'á tʉ̂to. Bʉbá baá, bé á be ó Maria mʉmá Magdalâ, waá á dwihɔɔ meleme nzaangbá nyá,

Lʉkas 8:27

Yésʉs dína sulo ɨ́ byɛ̂l, tyɛ̂b ɨ́ pɨ̌n nɛ́ɛ: nyʉ́ʉ́ mʉ́rʉ̂m nkana yaá ntɔ̂ʼ tó bɔma e né. Mʉr waá á be ó e meleme. Nye á didi ó, abe e kán e ndwê, adi ntémé ɨ́ mimbɛ̌r mi bʉ̂r. Nye á jaa didi ó, njɨ ɨ́ pemé mésoo.

Lʉkas 8:43

Tó kœb ó, é bʉr baá, nyʉ́ʉ́ mʉ́má á be ó tɨ̂, metié lɨ́ esʉsolo nyé ɨ́ nyʉ̂l. Nye á si jâ le ekpaa laá mimbû kám e mimbá, sîl mɔnɨ́ yé yɨ́yɛ̂h ɨ́ pé lɨ́ esáa dʉ̂m, akœb mʉ̂r tíʼ nyê.

Mɨlʉmlʉ 3:2

Mpáh Nzyɛ̌m, nye ó le ebê bé jɨ́jébé “Jaá Ébê” lɨ́. Ɨ́ nkpâh ebê laá, yé á be ó e nyʉ́ʉ́ nzwóó mebyɛ́l á be e mekʉ̌ miswámá nyá. Ɨ́ móhó wɨ́wɛ̂h, bé á be lɨ́ enkɨnkɛ́ɛ nyê, lɨ́ enzě didyêʼ nyé tɨ̂ʼ ɨ́ nkpâh ebê laá ó, nye bónaa bʉr o b'á tʉtô mpáh Nzyɛ̌m bá, lɨ́ esú lé éjɨjaʼ bé bisâ.

Mɨlʉmlʉ 4:22

Ebě, mʉr á tiʼe e nzɨ̌ esimá laá nyá, á be ó e mimbû mekám ménâ le mpubuʼó.