Lʉkas 13:1 - Kálar Nzyɛ̌m : Ejwán é Sáá

¹ Jɔʼ yaá ó bʉ́ʉ́ bʉ̂r, bé á nze lɛ́ɛ e Yésʉs mpʉ̌ Pilátos á jʉ̂ bʉ́ʉ́ bʉ̂r ó Galilê ɨ́ jɔʼ bé á be lɨ́ edwě Nzyɛ̌m mindwéá yɨ́. Bé ntɔ̂ʼ pûhla métié mɔ́ɔ́ le maá mé ótír bé á pa tíʼe Nzyɛ̌m bá.

Kálara Zyɛ̌m Edwán é mpʉ̌n

¹ É til molu yaa ó bʉʉ bʉr, bé a si ze lɛɛ e Yesʉs mpʉ Pilat a jʉ bʉʉ bʉr o Galɨle é jɔʼ bé a be lé edwe Zyɛm motwina mɔɔ ɛ. Nye a si syɛŋ motié mɔɔ e motwina bé a to dwe Zyɛm ɨ.

Lʉkas 13:1 Iomraidhean Croise

Mataos 27:1

Ɨ́ dwiné mɛ́n, ojwɨ́ɨ o mpáh Nzyɛ̌m bɨ́bɛ̂h le otɔ́má bʉ̂r o b'Ɨ́zraɛ̂l, bê nzě sáa pɨ̂ʼ ó, bé jʉ́ʼoo Yésʉs.

Mataos 27:2

Jɔʼ bé á be, bé mû sí kâʼ nyé menkara yɨ́, bê nzě tô e né, tó tímlɔɔ nyé Pilátos, á be ngóvina nyá.

Mɨlʉmlʉ 1:11

Bʉr baá ntɔ̂ʼ lɛ́ɛ e bé ó: «Bʉr ó Galilê, bɨ̌n di náǎ lɨ́ edwɛ̂ʼ jʉ́o kʉ́ ɨ́ di di di ɨ́ yé? Yésʉs, mʉr pɛʼɔɔ ɨ́ sɔ́má yɨ́n nyá, óbáʼǎ nze ó, mbi ngwár e ngwár bɨ̂n bee nyé lɨ́ ebɨ́nɔɔ ɨ́ jʉ́o kʉ́ nɨ̌.»

Mɨlʉmlʉ 2:7

Bé á si bu kâm, mepɨʼ dîm bé ɨ́ milʉ̂. Bé ó: «Bʉr bɨ́bɛ̂h o dí elwib bâ, bé abe bʉ̂r ó Galilê ɛ̌?

Mɨlʉmlʉ 5:37

Píe tɨ̂, ɨ́ jɔʼ lâŋ bʉr, Yʉ́das, mʉr Galilê, á si gbɔba le ojwɨ́ɨ, bé e bʉr ɨ́ buo buo ɨ́ koo wé píhe. Nye ntémé á si jʉ́ŋɔɔ. Bʉr bɨ́bɛ̂h nyé á dulo bá, bé ntɔ̂ʼ bʉ́la.