Lʉkas 12:5 - Kálar Nzyɛ̌m : Ejwán é Sáá

⁵ Me múo tɨ́e bɨ́n waá bɨ́n jálá le ekpɛ́ɛ nyá: kpɛ́yɨ́ɨ́ gá Nzyɛ̌m, mʉr dí e nkul enʉa bɨ́n, jʉ̂, kǎ guho ɨ́ bɨ́ siʼe nyá. Mě lɛ́ɛ́ bɨ́n ó: kpɛ́yɨ́ɨ́ gá nye!

Kálara Zyɛ̌m Edwán é mpʉ̌n

⁵ Me elɛɛ bɨn waa bɨn lé ejala le ejoʼo bʉa e nye e: yé ó waa ndɨ e nkul enʉa bɨn, jʉ, ze guho é Bɨ-siʼe e. Me elɛɛ bɨn ó nɛɛ: joʼa ga bʉa e nye.

Lʉkas 12:5 Iomraidhean Croise

Mataos 10:28

Ayɨ́ kpɛ́ɛ gá bʉr o dí e nkul ejʉ̂ bɨ́n nkǒ páʼ bípúno, dí abe e nkul ejʉ̂ bɨ́n nkǒ páʼ sísǐm bá. Kpɛ́yɨ́ɨ́ gá njɨ Nzyɛ̌m, mʉr dí e nkul esâ ó, nyʉ̂l le sísǐm, byé tô dwe ɨ́ bɨ́ siʼe nyá.

Mataos 25:41

«Píe tɨ̂, nye ólɛ́ɛ e baá o dí nye ɨ́ páʼ mbó émyɛ̌l ó: “Pʉʼaa gá gúmó mé dí yɨ́, bʉr ó Nzyɛ̌m á boo syɛm bá. Tóʼ gá ɨ́ siʼe dí edúǒ kɔ́m ti e kɔ́m yɨ́, siʼě Nzyɛ̌m á boo tira lɨ́ esú mé sɔ́ŋ meleme, bé e beéngeles bé yɨ́.

Mataos 25:46

Bʉr baá, bé ótô ɨ́ ntɨ́ʼá dí kɔ́m ti e kɔ́m yɨ́. Otîtyěl o bʉ̂r bɨ́ɛ, bé ótô ó, tó di ɨ́ twǐʼ njʉ̌m dǐ.»

Mataos 5:22

Nó mɛ̌m lɛ́ɛ́ bɨ́n ó: mʉr nyɨnyɛ̂h dí elɛ̂ʼle mɨ́ɔɔ́ wé nkpaa nyé nyá, ótóŋɔɔ e yé ɨ́ mpáh milɔ̌b. Mʉ̂r lwɨ́ɨ́ mɨ́ɔɔ́ nó, nye ótóŋɔɔ e yé ɨ́ bʉ̌m nɨ́nɨ́ɨ́. Mʉ̂r lɛ́ɛ́ e mɨ́ɔɔ́ ó, nye ó gʉ̌ nó, nye ótóŋɔɔ e yé Gehên, bɨ́ siʼe dí adímedime yɨ́.

Markus 13:23

Pɨrɨɨ gá mekʉ̌ sí. Me múo sí gwîh bɨ́n syɛ́ɛla yaá yɨ́yɛ̂h!»

1 Tesalonika 4:6

Mʉ̌r sá abyaʼ mɨ́ɔɔ́ wé mʉr lɔ̌b ɨ́ mbi waá, nkʉ̂ sâ nyé ebébe. Bɨ̌h bé á si boo lɛ́ɛ bɨ̌n, cɨ̂l bɨ́n ó, Tî Yésʉs ódwě ntɨ́ʼá ó, baá o dí esâ syóm ɨ́ lɔ̌b waá bá.

Ebrœ̂ 10:31

Nzyɛ̌m, nye ó kʉ́ bě kublakúbla. Yé ɨ́ buú sâ ékɛ̂n lɨ́ etó twe ɨ́ mebó mé, nyɨɛ e léme lwɨ́ŋlá le ebúʼ ɨ́ lúrúdú!

2 Pyɛr 2:4

Ebě, Nzyɛ̌m á bé abîr bééngeles bé á sâ syóm bá. Nye á jaa guho bé ó, njɨ ɨ́ bɨ́ siʼe. Nye ntɔ̂ʼ gbâ bé ɨ́ mpǐl, lɨ́ ebónǒ móhó étíʼ é mílɔ̌b.

Mɨngwiha 14:7

Éngeles waá á lwilwib e bé ó e twíí kʉ́kʉ́. Nye ó: «Jwááwáá gá Nzyɛ̌m. Gúmláá gá nye, ebě, jɔ̌ʼ tíʼá mílɔ̌b mû ó sí pyâl. Bɨʼɨɨ gá mebóó mɨ́n sí ɨ́ waá á kuho kʉ́ le sí nyá. Waá á komlo mâŋ ti e mentíbé nyá, dwéʼ gá nye kûm.»

Mɨngwiha 15:4

Dâ ɛ̌, mʉr dí akpɛ́ɛ gó nyá, nye nzé? Nzé dí ebene édwe gó kûm? Go omér ó dí mʉr dí tí nyá. Bʉr o bíkúl bíbyɛ̂h, bé ódua ɨ́ bigúmó byɔ́ɔ́, nzeŋɔɔ kwá nyǒ. Bé óbɨʼ mébóó mɔ́ɔ́ sí lɨ́ edwe gó kûm. Ebě, bɨ́ bee ɨ́ sʉ́lʉ́lʉ́ ó, gó e nkam ɨ́ bisyɛ́ɛla gó dí esâ bʉ̂r bí.»

Mɨngwiha 20:14

Píe tɨ̂, eswie bé e kwár odwe, byé ntɔ̂ʼ guhɔɔ ɨ́ bɨ́ siʼe. Bɨ́ siʼe yaá ó dí gúmó bʉ̂r dí edwe éswie embá yɨ́.