Lʉkas 12:42 - Kálar Nzyɛ̌m : Ejwán é Sáá

⁴² Tî Yésʉs ntɔ̂ʼ yala e né ó: «Nzé dí twóó mbɔʼlʉ ekúró dí mʉr ebúʼlɔɔ nyá, waá sɔ́ŋ á tyêl ó, nye díʼee lʉ́ ósyɛ̂l o mésá bé, le ekab bé menkɔb méde mɔ́ɔ́ ɨ́ bijɔʼ bi dí ejala bí nyá?

Kálara Zyɛ̌m Edwán é mpʉ̌n

⁴² Da ntɔʼ bula dî e nye tia ó: «Wáa mʉr é bɨn ndɨ mʉr ebuʼla, waa ndɨ cɨcyoo mbɔʼlʉ ekuro e? Mbi syɛl mosa waa, nye ó waa njwɨɨ we ócyel é mbɛr we ó, nye diʼe lʉ osyɛl o mosa be. Nye ó ngo kab bʉr o nduo ye monkɔb mode mɔɔ é bɨjɔʼ lé ejala ɛ.

Lʉkas 12:42 Iomraidhean Croise

Mataos 13:52

Nye nzě lɛ́ɛ e bé ó: «Lɛ̂ʼla metié nyɨnyɛ̂h mû mpʉ́n ɨ́ Mpóʼo mé Dâ Nzyɛ̌m nyá, nyě nwɨɨlá ó e mʉr mbɛ̌r dí etʉ̂to lɨ́ ekʉ̌m lé, nʉnʉa bísá byé tɨ̂. Yɨ̂ʼ jɔʼ, nyě nʉá ó bisá bídwân. Yʉ́ʉ́ jɔʼ, nʉa byaá bi myâ.»

Mataos 20:8

«Nó ɨ́ jɔ̌ʼ pum, wé á dwíne yɨ́, mʉr pemé ntɔ̂ʼ jébe mʉ̂r á bɨbaʼle nye bisɔ̂ʼ nyá. Nye e né ó: “Jébáá bílóbila. Go jánaa e byé tâŋ nyɔ́ɔ́. Go ónyɛɛ́ jána ó, mʉr nzé épíhe nyá. Gó okǎ tó swâhle e waâ nzé ésôʼ nyá.”

Lʉkas 12:43

Metyɛʼ me mpóm, mé díʼee e mbi syɛ̂l mesâ wɨ̂: waá njwɨ́ɨ wé ngá pyâl, kœb nyé lɨ́ eséǎ syɛ́ɛ́ yaá nyá.

Lʉkas 7:13

Mbeá Yésʉs á bee kúho yɨ́, nye kʉ́ nzě jɨ̂ʼ wé nkoó, ntɔ̂ʼ lɛ́ɛ e wé ó: «Sá akǎ jɨ.»

Lʉkas 7:19

lómo bé, bé díʼee Tî Yésʉs ó: “Nzê go ó mʉr bɨ́h dí ebóno ó, nye ónze nyá ɛ́? Nzê bɨ̌h bónaa mʉr swîh ɛ̌?”

Mɨlʉmlʉ 20:28

Gwá dwɛ̂ʼ gá tyé yɨ́n, bɨ̌n bʉr o tɨ̂, le mpʉ̌ sɔ́má óbûʼla bɨ́bɛ̂h dí yɨ́. Sísǐm mé Nzyɛ̌m, wé á tyêl bɨ̌n ɨ́ Mbɛ̌r-Nzyɛ̌m ó, ɨ́ dǐ óbɔʼlʉ. Nó, gwá baʼle gá bé Mbɛ̌r-Nzyɛ̌m waá. Nzyɛ̌m á bwâm wé ó, ɨ́ nzɨ̌ metié mé Mwân wé nye mʉr tɨ̂.

1 Timotɛ 3:15

lɨ́ esú ó, mé bé alɨ̌ nzě kœb gó gʉ̂ʼ nó, go gʉ́ŋaa kʉ̌ tyen dí ejala e mʉr Mbɛ̌r-Nzyɛ̌m wɨ́. Go ógʉ́a wé ó, lɨ́ eláa mékaná mâ. Mbɛ̌r-Nzyɛ̌m waá, wé ó dí sɔ́má bʉ̂r o dí egúmo e Nzyɛ̌m dí kublakúbla nyá. Otyeetye mé Nzyɛ̌m, wé tyɛ́b ɨ́ lyahwó ó, ebě, Mbɛ̌r-Nzyɛ̌m dí mpʉ édwii e sɔ́ŋ ndu e nkan dí ɨ́ lele nyɨ́.

1 Timotɛ 5:17

Otyɛ̂b bé ésôʼ dí ejwɨ́ɨ̌ Mbɛ̌r-Nzyɛ̌m mbɨ̂mbɨá bá, bé ɨ́ jala le ebi myɛ́na mebá. Baá dí etúno mílɔ̌b mé Nzyɛ̌m, le edwe bʉ̂r milɛ́ʼlá bá ó ngá bi mé, sahle.

2 Timotɛ 4:2

túnáá Mbɨambɨa Lɔ́ɔ. Diʼee ɨ́ cǎr ó, go túnaa wé ɨ́ bijɔʼ bi dí ejala e túnó waá bí, ti e byaá bi dí ajala e wé bí. Dwéʼ bʉ̂r mebě ɨ́ mebébe mɔ́ɔ́. Lɛ́ʼláá bé mebě mɔ́ɔ́. Gbáʼ bé pîm ɨ́ búʼó. Sáʼ nó e bíhwó, ti e milɛ́ʼlá mímpâ.

Títos 1:7

Yé ó nó: yé jɨ ó, mʉr dí epála bʉ̂r ó Mbɛ̌r-Nzyɛ̌m nyá, díʼee waá dí apǎ dweŋɔɔ mébě nyá, ebě, nye ó syɛ̂l mesá mé Nzyɛ̌m. Nyé ajala le esâ pyêh, nkʉ̂ di ɨ́ ŋmaaa, abě nyʉnyóʼ, nkʉ̂ mʉr esweha, nkʉ̂ waá dí esáa bímɔnɨ́ ɨ́ menzɨ̌ me dí onzyɛ́h ónzyɛ́h má nyá.

Ebrœ̂ 13:17

Jóʼáá gá otyɛ̂b bé ésôʼ bɨ́n. Bɨ̌n e tyé ɨ́ jwɨ́ɨ́ yɔ́ɔ́. Ebě, bé ó dí ebaʼle mísísǐm mín. Bé ntémé ó ngá tó lɛ́ɛ̌ Nzyɛ̌m mpʉ bé á séa lɨ́ esú lɨ́n yɨ́. Bɨ́n sá bé mejóʼo nɛ́ɛ: bé oséǎ syɛ́ɛ́ yɔ́ɔ́ e bisʉhʉʉ. Yé bé abe nó wá, bé ójóʼo mébúʼ. Syɛ́ɛla yaá, abe bɨ́n e nyɔm.

Ebrœ̂ 13:7

Sísímsáá gá otyɛ̂b bé ésôʼ bɨ́n, baá bé á lɨlɛ́ɛ bɨ̌n lɔ́ɔ́ mé Nzyɛ̌m bá. Símsáá gá kʉ̌ tyen wɔ́ɔ́ le ndumló bícwiʼ byɔ́ɔ́. Dyɛ́ʼwáá gá e Nzyɛ̌m mpʉ bé á sâ yɨ́.

Ebrœ̂ 3:5

Ɨ́ páʼ mé Moyɨ̂z, nye á be ó mʉr ebúʼlɔɔ ɨ́ nkǒ páʼ bísá bíbyɛ̂h bi dí tʉ́ŋlʉ̌ mbɛ̌r bʉ̂r mé Nzyɛ̌m bí. Nye á tyélɔɔ syɛ̂l mesâ ó, nye bôʼlaa sá yɨ́yɛ̂h Nzyɛ̌m á be ó, nye ólɛ́ɛ bʉ̂r yɨ́.

1 Pyɛr 4:10

Mpʉ mʉ̂r nyɨnyɛ̂h ɨ́ sɔ́má gá yɨ́ná á bi wé mbǐ ndwéá yɨ́, bɨbaʼlaa gá mindwéá mín myaá lɨ́ esú lé ékɛm bʉ̂r ó sɔ́má yɨ́n oswîh. Sɨ́sáʼ gá nó, ebě, bɨ̌n bé ó osyɛ̂l o mésá mé Nzyɛ̌m dí ɨ́ mbɨǎ njwɨr, baá bé á bi metyɛʼ me mpóm mé Nzyɛ̌m mimbi mimbi bá.